헬라어 문장 검색 - Πλυταρ́ΜαρξυσΞ́25́

(플루타르코스, Marcus Cato, chapter 25)

συνετάττετο μὲν οὖν λόγουσ τε παντοδαποὺσ καὶ ἱστορίασ· γεωργίᾳ δὲ προσεῖχε νέοσ μὲν ὢν ἔτι καὶ διὰ τὴν χρείαν φησὶ γὰρ δυσὶ κεχρῆσθαι μόνοισ πορισμοῖσ γεωργίᾳ καὶ φειδοῖ, τότε δὲ διαγωγὴν καὶ θεωρίαν αὐτῷ τὰ γινόμενα κατ’ ἀγρὸν παρεῖχε, καὶ συντέτακταί γε βιβλίον γεωργικόν, ἐν ᾧ καὶ περὶ πλακούντων σκευασίασ καὶ τηρήσεωσ ὀπώρασ γέγραφεν, ἐν παντὶ φιλοτιμούμενοσ περιττὸσ εἶναι καὶ ἴδιοσ. ἦν δὲ καὶ τὸ δεῖπνον ἐν ἀγρῷ δαψιλέστερον ἐκάλει γὰρ ἑκάστοτε τῶν ἀγρογειτόνων καὶ περιχώρων τοὺσ συνήθεισ καὶ συνδιῆγεν ἱλαρῶσ, οὐ τοῖσ καθ’ ἡλικίαν μόνοισ ἡδὺσ ὢν συγγενέσθαι καὶ ποθεινόσ, ἀλλὰ καὶ τοῖσ νέοισ, ἅτε δὴ πολλῶν μὲν ἔμπειροσ πραγμάτων γεγονώσ, πολλοῖσ δὲ γράμμασι καὶ λόγοισ ἀξίοισ ἀκοῆσ ἐντετυχηκώσ.

τὴν δὲ τράπεζαν ἐν τοῖσ μάλιστα φιλοποιὸν ἡγεῖτο καὶ πολλὴ μὲν εὐφημία τῶν καλῶν καὶ ἀγαθῶν πολιτῶν ἐπεισήγετο, πολλὴ δ’ ἦν ἀμνηστία τῶν ἀχρήστων καὶ πονηρῶν, μήτε ψόγῳ μήτ’ ἐπαίνῳ πάροδον ὑπὲρ αὐτῶν τοῦ Κάτωνοσ εἰσ τὸ συμπόσιον διδόντοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Marcus Cato, chapter 25

(플루타르코스, Marcus Cato, chapter 25)

상위

목록

SEARCH

MENU NAVIGATION