헬라어 문장 검색 - Πλυταρ́ΜαρξυσΞ́21́

(플루타르코스, Marcus Cato, chapter 21)

οἰκέτασ δὲ πολλοὺσ ἐκτᾶτο, τῶν αἰχμαλώτων ὠνούμενοσ μάλιστα τοὺσ μικροὺσ καὶ δυναμένουσ ἔτι τροφὴν καὶ παίδευσιν ὡσ σκύλακασ ἢ πώλουσ ἐνεγκεῖν. τούτων οὐδεὶσ εἰσῆλθεν εἰσ οἰκίαν ἑτέραν, εἰ μὴ πέμψαντοσ αὐτοῦ Κάτωνοσ ἢ τῆσ γυναικόσ. ὁ δ’ ἐρωτηθεὶσ, τί πράττοι Κάτων, οὐδὲν ἀπεκρίνετο πλὴν ἀγνοεῖν. ἔδει δὲ ἢ πράττειν τι τῶν ἀναγκαίων οἴκοι τὸν δοῦλον ἢ καθεύδειν καὶ σφόδρα τοῖσ κοιμωμένοισ ὁ Κάτων ἔχαιρε, πρᾳοτέρουσ τε τῶν ἐγρηγορότων νομίζων καὶ πρὸσ ὁτιοῦν βελτίονασ χρῆσθαι τῶν δεομένων ὕπνου τοὺσ ἀπολελαυκότασ, οἰόμενοσ δὲ τὰ μέγιστα ῥᾳδιουργεῖν ἀφροδισίων ἕνεκα τοὺσ δούλουσ ἔταξεν ὡρισμένου νομίσματοσ ὁμιλεῖν ταῖσ θεραπαινίσιν, ἑτέρᾳ δὲ γυναικὶ μηδένα πλησιάζειν.

ἐν ἀρχῇ μὲν οὖν ἔτι πένησ ὢν καὶ στρατευόμενοσ πρὸσ οὐδὲν ἐδυσκόλαινε τῶν περὶ δίαιταν, ἀλλ’ αἴσχιστον ἀπέφαινε διὰ γαστέρα πρὸσ οἰκέτην ζυγομαχεῖν.

ὕστερον δὲ τῶν πραγμάτων ἐπιδιδόντων ποιούμενοσ ἑστιάσεισ φίλων καὶ συναρχόντων ἐκόλαζεν εὐθὺσ μετὰ τὸ δεῖπνον ἱμάντι τοὺσ ἀμελέστερον ὑπουργήσαντασ ὁτιοῦν ἢ σκευάσαντασ. ἀεὶ δέ τινα στάσιν ἔχειν τοὺσ δούλουσ ἐμηχανᾶτο καὶ διαφορὰν πρὸσ ἀλλήλουσ, ὑπονοῶν τὴν ὁμόνοιαν αὐτῶν καὶ δεδοικώσ.

τοὺσ δ’ ἄξιον εἰργάσθαι τι θανάτου δόξαντασ ἐδικαίου κριθέντασ ἐν τοῖσ οἰκέταισ πᾶσιν ἀποθνῄσκειν, εἰ καταγνωσθεῖεν. ἁπτόμενοσ δὲ συντονώτερον πορισμοῦ τὴν μὲν γεωργίαν μᾶλλον ἡγεῖτο διαγωγὴν ἢ πρόσοδον, εἰσ δ’ ἀσφαλῆ πράγματα καὶ βέβαια κατατιθέμενοσ τὰσ ἀφορμάσ ἐκτᾶτο λίμνασ, ὕδατα θερμά, τόπουσ κναφεῦσιν ἀνειμένουσ, ἔργα πίσσια, χώραν ἔχουσαν αὐτοφυεῖσ νομὰσ καὶ ὕλασ, ἀφ’ ὧν αὐτῷ χρήματα προσῄει πολλὰ μηδ’ ὑπὸ τοῦ Διόσ, ὥσ φησὶν αὐτόσ, βλαβῆναι δυναμένων.

ἐχρήσατο δὲ καὶ τῷ διαβεβλημένῳ μάλιστα τῶν δανεισμῶν ἐπὶ ναυτικοῖσ τὸν τρόπον τοῦτον, ἐκέλευε τοὺσ δανειζομένουσ ἐπὶ κοινωνίᾳ πολλοὺσ παρακαλεῖν, γενομένων δὲ πεντήκοντα καὶ πλοίων τοσούτων αὐτὸσ εἶχε μίαν μερίδα διὰ Κουϊντίωνοσ ἀπελευθέρου τοῖσ δανειζομένοισ συμπραγ ματ ευ ο μὲν ου καὶ συμπλέοντοσ.

ἦν δ’ οὖν οὐκ εἰσ ἅπαν ὁ κίνδυνοσ, ἀλλ’ εἰσ μέροσ μικρὸν ἐπὶ κέρδεσι μεγάλοισ. ἐδίδου δὲ καὶ τῶν οἰκετῶν τοῖσ βουλομένοισ ἀργύριον οἱ δ’ ἐωνοῦντο παῖδασ, εἶτα τούτουσ ἀσκήσαντεσ καὶ διδάξαντεσ ἀναλώμασι τοῦ Κάτωνοσ μετ’ ἐνιαυτὸν ἀπεδίδοντο.

πολλοὺσ δὲ καὶ κατεῖχεν ὁ Κάτων, ὅσην ὁ πλείστην διδοὺσ ἐωνεῖτο τιμὴν ὑπολογιζόμενοσ. προτρέπων δὲ τὸν υἱὸν ἐπὶ ταῦτα φησὶν οὐκ ἀνδρόσ, ἀλλὰ χήρασ γυναικὸσ εἶναι τὸ μειῶσαί τι τῶν ὑπαρχόντων.

ἐκεῖνο δ’ ἤδη σφοδρότερον τοῦ Κάτωνοσ, ὅτι θαυμαστὸν ἄνδρα καὶ θεῖον εἰπεῖν ἐτόλμησε πρὸσ δόξαν, ὃσ ἀπολείπει πλέον ἐν τοῖσ λόγοισ ὃ προσέθηκεν οὗ παρέλαβεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Marcus Cato, chapter 21

(플루타르코스, Marcus Cato, chapter 21)

상위

목록

SEARCH

MENU NAVIGATION