Plutarch, Marcus Cato, chapter 16 1:

τῆσ δ’ ὑπατείασ κατόπιν ἔτεσι δέκα τιμητείαν ὁ Κάτων παρήγγειλε. κορυφὴ δέ τίσ ἐστι τιμῆσ ἁπάσησ ἡ ἀρχὴ καὶ τρόπον τινὰ τῆσ πολιτείασ ἐπιτελείωσισ, ἄλλην τε πολλὴν ἐξουσίαν ἔχουσα καὶ τὴν περὶ τὰ ἤθη καὶ τοὺσ βίουσ ἐξέτασιν. οὔτε γὰρ γάμον οὔτε παιδοποιίαν τινὸσ οὔτε δίαιταν οὔτε συμπόσιον ᾤοντο δεῖν ἄκριτον καὶ ἀνεξέταστον, ὡσ ἕκαστοσ ἐπιθυμίασ ἔχοι καὶ προαιρέσεωσ, ἀφεῖσθαι.