헬라어 문장 검색 - Πλυταρ́ΜαρξυσΞ́12́

(플루타르코스, Marcus Cato, chapter 12)

Τιβερίῳ μέν οὖν Σεμπρωνίῳ τὰ περὶ Θρᾴκην καὶ Ἴστρον ὑπατεύοντι πρεσβεύων συγκατειργάσατο, Μανίῳ δ’ Ἀκιλίῳ χιλιαρχῶν ἐπ’ Ἀντίοχον τὸν μέγαν συνεξῆλθεν εἰσ τὴν Ἑλλάδα, φοβήσαντα Ῥωμαίουσ ὡσ οὐδένα ἕτερον μετ’ Ἀννίβαν. τὴν γὰρ Ἀσίαν, ὅσην ὁ Νικάτωρ Σέλευκοσ εἶχεν, ὀλίγου δεῖν ἅπασαν ἐξ ὑπαρχῆσ ἀνειληφώσ, ἔθνη τε πάμπολλα καὶ μάχιμα βαρβάρων ὑπήκοα πεποιημένοσ, ἐπῆρτο συμπεσεῖν Ῥωμαίοισ ὡσ μόνοισ ἔτι πρὸσ αὐτὸν ἀξιομάχοισ οὖσιν. εὐπρεπῆ δὲ τοῦ πολέμου ποιησάμενοσ αἰτίαν τοὺσ Ἕλληνασ ἐλευθεροῦν, οὐδὲν δεομένουσ, ἀλλὰ καὶ ἐλευθέρουσ καὶ αὐτονόμουσ χάριτι τῇ Ῥωμαίων ἀπὸ Φιλίππου καὶ Μακεδόνων νεωστὶ γεγονότασ, διέβη μετὰ δυνάμεωσ, καὶ σάλον εὐθὺσ ἡ Ἑλλὰσ εἶχε καὶ μετέωροσ ἦν ἐλπίσι διαφθειρομένη βασιλικαῖσ ὑπὸ τῶν δημαγωγῶν, ἔπεμπεν οὖν πρέσβεισ ὁ Μάνιοσ ἐπὶ τὰσ πόλεισ.

καὶ τὰ μέν πλεῖστα τῶν νεωτεριζόντων Τίτοσ Φλαμινῖνοσ ἔσχεν ἄνευ ταραχῆσ καὶ κατεπράυνεν, ὡσ ἐν τοῖσ περὶ ἐκείνου γέγραπται, Κάτων δὲ Κορινθίουσ καὶ Πατρεῖσ, ἔτι δὲ Αἰγιεῖσ παρεστήσατο.

πλεῖστον δὲ χρόνον ἐν Ἀθήναισ διέτριψε.

καὶ λέγεται μέν τισ αὐτοῦ φέρεσθαι λόγοσ, ὃν Ἑλληνιστὶ πρὸσ τὸν δῆμον εἶπεν, ὡσ ζηλῶν τε τὴν ἀρετὴν τῶν παλαιῶν Ἀθηναίων τῆσ τε πόλεωσ διὰ τὸ κάλλοσ καὶ τὸ μέγεθοσ ἡδέωσ γεγονὼσ θεατήσ· τὸ δ’ οὐκ ἀληθέσ ἐστιν, ἀλλὰ δι’ ἑρμηνέωσ ἐνέτυχε τοῖσ Ἀθηναίοισ, δυνηθεὶσ ἂν αὐτὸσ εἰπεῖν, ἐμμένων δὲ τοῖσ πατρίοισ καὶ καταγελῶν τῶν τὰ Ἑλληνικὰ τεθαυμακότων. Ποστούμιον γοῦν Ἀλβῖνον ἱστορίαν Ἑλληνιστὶ γράψαντα καὶ συγγνώμην αἰτούμενον ἐπέσκωψεν εἰπὼν, δοτέον εἶναι τὴν συγγνώμην, εἰ τῶν Ἀμφικτυόνων ψηφισαμένων ἀναγκασθεὶσ ὑπέμεινε τὸ ἔργον, θαυμάσαι δέ φησι τοὺσ Ἀθηναίουσ τὸ τάχοσ αὐτοῦ καὶ τὴν ὀξύτητα τῆσ φράσεωσ·

ἃ γὰρ αὐτὸσ ἐξέφερε βραχέωσ, τὸν ἑρμηνέα μακρῶσ καὶ διὰ πολλῶν ἀπαγγέλλειν τὸ δ’ ὅλον οἰέσθαι τὰ ῥήματα τοῖσ μέν Ἕλλησιν ἀπὸ χειλέων, τοῖσ δὲ Ῥωμαίοισ ἀπὸ καρδίασ φέρεσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Marcus Cato, chapter 12

(플루타르코스, Marcus Cato, chapter 12)

상위

목록

SEARCH

MENU NAVIGATION