Plutarch, Marcus Cato, chapter 5 2:

καίτοι τὴν χρηστότητα τῆσ δικαιοσύνησ πλατύτερον τόπον ὁρῶμεν ἐπιλαμβάνουσαν νόμῳ μὲν γὰρ καὶ τῷ δικαίῳ πρὸσ ἀνθρώπουσ μόνον χρῆσθαι πεφύκαμεν, πρὸσ εὐεργεσίασ δὲ καὶ χάριτασ ἔστιν ὅτε καὶ μέχρι τῶν ἀλόγων ζῴων ὥσπερ ἐκ πηγῆσ πλουσίασ ἀπορρεῖ τῆσ ἡμερότητοσ. καὶ γὰρ ἵππων ἀπειρηκότων ὑπὸ χρόνου τροφαὶ καὶ κυνῶν οὐ σκυλακεῖαι μόνον, ἀλλὰ καὶ γηροκομίαι τῷ χρηστῷ προσήκουσιν.