헬라어 문장 검색 - Πλυταρ́ΜαρξυσΞ́02́

(플루타르코스, Marcus Cato, chapter 2)

ἦν δὲ πλησίον αὐτοῦ τῶν ἀγρῶν ἡ γενομένη Μανίου Κουρίου τοῦ τρὶσ θριαμβεύσαντοσ ἔπαυλισ. ἐπὶ ταύτην συνεχῶσ βαδίζων καὶ θεώμενοσ τοῦ τε χωρίου τὴν μικρότητα καὶ τῆσ οἰκήσεωσ τὸ λιτόν, ἔννοιαν ἐλάμβανε τοῦ ἀνδρὸσ, ὅτι Ῥωμαίων μέγιστοσ γενόμενοσ καὶ τὰ μαχιμώτατα τῶν ἐθνῶν ὑπαγαγόμενοσ καὶ Πύρρον ἐξελάσασ τῆσ Ἰταλίασ τοῦτο τὸ χωρίδιον αὐτὸσ ἔσκαπτε καὶ ταύτην τὴν ἔπαυλιν ᾤκει μετὰ τρεῖσ θριάμβουσ. ἐνταῦθα πρὸσ ἐσχάρᾳ καθήμενον αὐτὸν ἕψοντα γογγυλίδασ εὑρόντεσ οἱ Σαυνιτῶν πρέσβεισ ἐδίδοσαν πολὺ χρυσίον·

ὁ δ’ ἀπεπέμψατο φήσασ οὐδὲν χρυσίου δεῖν ᾧ δεῖπνον ἀρκεῖ τοιοῦτον, αὐτῷ μέντοι τοῦ χρυσίον ἔχειν κάλλιον εἶναι τὸ νικᾶν τοὺσ ἔχοντασ. ταῦθ’ ὁ Κάτων ἐνθυμούμενοσ ἀπῄει, καὶ τὸν αὑτοῦ πάλιν οἶκον ἐφορῶν καὶ χωρία καὶ θεράποντασ καὶ δίαιταν ἐπέτεινε τὴν αὐτουργίαν καὶ περιέκοπτε τὴν πολυτέλειαν. Φαβίου δὲ Μαξίμου τὴν Ταραντίνων πόλιν ἑλόντοσ ἔτυχε μὲν ὁ Κάτων στρατευόμενοσ ὑπ’ αὐτῷ κομιδῇ μειράκιον ὤν, Νεάρχῳ δέ τινι τῶν Πυθαγορικῶν ξένῳ χρησάμενοσ ἐσπούδασε τῶν λόγων μεταλαβεῖν.

ἀκούσασ δὲ ταῦτα διαλεγομένου τοῦ ἀνδρὸσ, οἷσ κέχρηται καὶ Πλάτων, τὴν μὲν ἡδονὴν ἀποκαλῶν μέγιστον κακοῦ δέλεαρ, συμφορὰν δὲ τῇ ψυχῇ τὸ σῶμα πρώτην, λύσιν δὲ καὶ καθαρμὸν οἷσ μάλιστα χωρίζει καὶ ἀφίστησιν αὑτὴν τῶν περὶ τὸ σῶμα παθημάτων λογισμοῖσ, ἔτι μᾶλλον ἠγάπησε τὸ λιτὸν καὶ τὴν ἐγκράτειαν. ἄλλωσ δὲ παιδείασ Ἑλληνικῆσ ὀψιμαθὴσ γενέσθαι λέγεται, καὶ πόρρω παντάπασιν ἡλικίασ ἐληλακὼσ Ἑλληνικὰ βιβλία λαβὼν εἰσ χεῖρασ βραχέα μὲν ἀπὸ Θουκυδίδου, πλείονα δ’ ἀπὸ Δημοσθένουσ εἰσ τὸ ῥητορικὸν ὠφεληθῆναι.

τὰ μέντοι συγγράμματα καὶ δόγμασιν Ἑλληνικοῖσ καὶ ἱστορίαισ ἐπιεικῶσ διαπεποίκιλται καὶ μεθηρμηνευμένα πολλὰ κατὰ λέξιν ἐν τοῖσ ἀποφθέγμασι καὶ ταῖσ γνωμολογίαισ τέτακται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Marcus Cato, chapter 2

(플루타르코스, Marcus Cato, chapter 2)

상위

목록

SEARCH

MENU NAVIGATION