헬라어 문장 검색 - Πλυταρ́Λιϝεσ́32́

(플루타르코스, Lives, chapter 32)

ἐπανελθόντων δὲ τῶν πρέσβεων ἀκούσασα ἡ βουλή, καθάπερ ἐν χειμῶνι πολλῷ καὶ κλύδωνι τῆσ πόλεωσ, ἄρασα τὴν ἀφ’· ἱερᾶσ ἀφῆκεν. ὅσοι γὰρ ἦσαν ἱερεῖσ θεῶν ἢ μυστηρίων ὀργιασταὶ ἢ φύλακεσ ἢ τὴν ἀπ’ οἰωνῶν πάτριον οὖσαν ἐκ παλαιῶν μαντικὴν ἔχοντεσ, τούτουσ πάντασ ἀπιέναι πρὸσ τὸν Μάρκιον ἐψηφίσαντο, κεκοσμημένουσ ὡσ ἦν ἑκάστῳ νόμοσ ἐν ταῖσ ἱερουργίαισ· λέγειν δὲ ταὐτὰ, καὶ παρακαλεῖν ὅπωσ ἀπαλλάξασ τὸν πόλεμον οὕτω διαλέγηται περὶ τῶν Οὐολούσκων τοῖσ πολίταισ. ἐδέξατο μὲν οὖν εἰσ τὸ στρατόπεδον τοὺσ ἄνδρασ, ἄλλο δ’ οὐδὲν ἔδωκεν οὐδ’ ἔπραξεν οὐδ’ εἶπε μαλακώτερον, ἀλλ’ ἐφ’ οἷσ πρότερον ἐκέλευε ποιεῖσθαι τὰσ διαλύσεισ ἢ δέχεσθαι τὸν πόλεμον.

ἐν τῷ χρόνῳ μάλιστα καὶ τοῖσ ἀπὸ τῆσ τύχησ παραλόγοισ τιθεμένοισ τὰσ ἐλπίδασ, ἐπεὶ δι’ αὑτῶν γε σωτήριον οὐδὲν ἠπίσταντο πράττοντεσ, ἀλλὰ ταραχὴ καὶ πτοία καὶ φήμη πονηρὰ τὴν πόλιν κατεῖχεν, ἄχρι οὗ συνέβη τι πρᾶγμα τῷ πολλάκισ ὑφ’ Ὁμήρου λεγομένῳ, μὴ τάνυ δὲ πείθοντι τοὺσ πολλούσ, ὅμοιον.

λέγοντοσ γὰρ αὐτοῦ καὶ ἀναφωνοῦντοσ ἐπὶ ταῖσ μεγάλαισ πράξεσι καὶ παραλόγοισ·

τῷ δ’ ἄρ’ ἐπὶ φρεσὶ θῆκε θεὰ γλαυκῶπισ Ἀθήνη· καὶ τὸ ἀλλά τισ ἀθανάτων τρέψεν φρένασ, ὅσ γ’ ἐνὶ θυμῷ δήμου θῆκε φάτιν· καὶ τὸ ἤ τι ὀϊσσάμενοσ ἢ καὶ θεὸσ ὣσ ἐκέλευε· καταφρονοῦσιν ὡσ ἀδυνάτοισ πράγμασι καὶ μυθεύμασιν ἀπίστοισ τὸν ἑκάστου λογισμὸν τῆσ προαιρέσεωσ ἄπιστον καθιστάντοσ. οὐ ποιεῖ δὲ τοῦτο Ὅμηροσ, ἀλλὰ τὰ μὲν εἰκότα καὶ συνήθη καὶ κατὰ λόγον περαινόμενα τῷ ἐφ’ ἡμῖν ἀποδίδωσι, καὶ λέγει δήπου πολλάκισ·

αὐτὰρ ἐγὼ βούλευσα κατὰ μεγαλήτορα θυμόν· καὶ, ὣσ φάτο, Πηλείωνι δ’ ἄχοσ γένετ’, ἐν δέ οἱ ἦτορ στήθεσσιν λασίοισι διάνδιχα μερμήριζεν· καὶ πάλιν, ἀλλὰ τὸν οὔ τι πεῖθ’ ἀγαθὰ φρονέοντα, δαΐφρονα Βελλεροφόντην· ἐν δὲ ταῖσ ἀτόποισ καὶ παραβόλοισ πράξεσι καὶ φορᾶσ τινοσ ἐνθουσιώδουσ καὶ παραστάσεωσ δεομέναισ οὐκ ἀναιροῦντα ποιεῖ τὸν θεόν, ἀλλὰ κινοῦντα τὴν προαίρεσιν, οὐδ’ ὁρμὰσ ἐνεργαζόμενον, ἀλλὰ φαντασίασ ὁρμῶν ἀγωγούσ, αἷσ οὐδὲ ποιεῖ τὴν πρᾶξιν ἀκούσιον, ἀλλὰ τῷ ἑκουσίῳ δίδωσιν ἀρχήν, καὶ τὸ θαρρεῖν καὶ τὸ ἐλπίζειν προστίθησιν.

ἢ γὰρ ἀπαλλακτέον ὅλωσ τὰ θεῖα πάσησ αἰτίασ καὶ ἀρχῆσ τῶν καθ’ ἡμᾶσ, ἤ τισ ἂν ἄλλοσ εἰή τρόποσ ᾧ βοηθοῦσιν ἀνθρώποισ καὶ συνεργοῦσιν;

οὐ τὸ σῶμα δήπου πλάττοντεσ ἡμῶν, οὐδὲ τὰσ χεῖρασ, ὡσ δεῖ, μετατιθέντεσ αὐτοὶ καὶ τοὺσ πόδασ, ἀλλὰ τῆσ ψυχῆσ τὸ πρακτικὸν καὶ προαιρετικὸν ἀρχαῖσ τισι καὶ φαντασίαισ καὶ ἐπινοίαισ ἐγείροντεσ ἢ τοὐναντίον ἀποστρέφοντεσ καὶ ἱστάντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lives, chapter 32

(플루타르코스, Lives, chapter 32)

상위

목록

SEARCH

MENU NAVIGATION