헬라어 문장 검색 - Πλυταρ́Λιϝεσ́17́

(플루타르코스, Lives, chapter 17)

πολλὰ τοιαῦτα λέγων ὁ Μάρκιοσ ὑπερφυῶσ εἶχε τοὺσ νέουσ συνενθουσιῶντασ αὐτῷ καὶ τοὺσ πλουσίουσ ὀλίγου δεῖν ἅπαντασ, μόνον ἐκεῖνον ἄνδρα τὴν πόλιν ἔχειν ἀήττητον καὶ ἀκολάκευτον βοῶντασ, ἔνιοι δὲ τῶν πρεσβυτέρων ἠναντιοῦντο, ὑφορώμενοι τὸ ἀποβησόμενον. ἀπέβη δὲ χρηστὸν οὐδέν. οἱ γὰρ δήμαρχοι παρόντεσ, ὡσ ᾔσθοντο τῇ γνώμῃ κρατοῦντα τὸν Μάρκιον, ἐξέδραμον εἰσ τὸν ὄχλον μετὰ βοῆσ παρακελευόμενοι συνίστασθαι καὶ βοηθεῖν αὐτοῖσ τοὺσ πολλούσ, ἐκκλησίασ δὲ θορυβώδουσ γενομένησ, καὶ τῶν λόγων οὓσ ὁ Μάρκιοσ εἶπεν ἀναγορευθέντων, ὀλίγον ἐδέησεν ἐμπεσεῖν ὑπ’ ὀργῆσ φερόμενοσ εἰσ τὴν βουλὴν ὁ δῆμοσ· οἱ δὲ δήμαρχοι τοῦ Μαρκίου τὴν αἰτίαν ἐποιοῦντο, καὶ πέμποντεσ ἐκάλουν αὐτὸν ἀπολογησόμενον.

ὡσ δὲ πρὸσ ὕβριν τοὺσ πεμφθέντασ ἐξήλασεν ὑπηρέτασ, αὐτοὶ μετὰ τῶν ἀγορανόμων ἧκον ἄξοντεσ βίᾳ τὸν ἄνδρα, καὶ τοῦ σώματοσ ἐπελαμβάνοντο. συστάντεσ δ’ οἱ πατρίκιοι τοὺσ μὲν δημάρχουσ ἀπετρίψαντο, τοῖσ δ’ ἀγορανόμοισ καὶ πληγὰσ ἐνέβαλον. τότε μὲν οὖν ἑσπέρα καταλαβοῦσα τὴν ταραχὴν διέλυσεν·

ἅμα δὲ’ ἡμέρᾳ τὸν δῆμον ἐξηγριωμένον ὁρῶντεσ οἱ ὕπατοι καὶ συντρέχοντα πανταχόθεν εἰσ τὴν ἀγοράν ἔδεισαν ὑπὲρ τῆσ πόλεωσ, καὶ τὴν βουλὴν ἀθροίσαντεσ ἐκέλευον σκοπεῖν ὅπωσ ἐπιεικέσι λόγοισ καὶ δόγμασι χρηστοῖσ πραΰνωσι καὶ καταστήσωσι τοὺσ πολλούσ, ὡσ οὐ φιλοτιμίασ οὖσαν ὡρ́αν, οὐδ’ ὑπὲρ δόξησ ἅμιλλαν, εἰ σωφρονοῦσιν, ἀλλὰ καιρὸν ἐπισφαλῆ καὶ ὀξὺν, εὐγνώμονοσ πολιτείασ καὶ φιλανθρώπου δεόμενον. εἰξάντων δὲ τῶν πλείστων προελθόντεσ ὡσ ἐνῆν μάλιστα τῷ δήμῳ διελέγοντο καὶ κατεπράϋνον, ἀπολυόμενοί τε τὰσ διαβολὰσ ἐπιεικῶσ καὶ τῷ νουθετοῦντι καὶ δάκνοντι μετρίωσ χρώμενοι, περὶ δὲ τιμῆσ ὠνίων καὶ ἀγορᾶσ οὐδὲν διοίσεσθαι πρὸσ αὐτοὺσ φάσκοντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lives, chapter 17

(플루타르코스, Lives, chapter 17)

상위

목록

SEARCH

MENU NAVIGATION