헬라어 문장 검색 - Πλυταρ́Ευμενεσ́10́

(플루타르코스, chapter 10)

ἐκ τούτου πλανώμενοσ ὁ Εὐμενὴσ καὶ ὑποφεύγων ἔπεισε τοὺσ πολλοὺσ τῶν στρατιωτῶν ἀπελθεῖν, εἴτε κηδόμενοσ αὐτῶν εἴτε ἐφέλκεσθαι μή βουλόμενοσ ἐλάττονασ μὲν τοῦ μάχεσθαι, πλείονασ δὲ τοῦ λανθάνειν ὄντασ, καταφυγὼν δὲ εἰσ Νῶρα, χωρίον ἐν μεθορίῳ Λυκαονίασ καὶ Καππαδοκίασ, μετὰ πεντακοσίων ἱππέων καὶ διακοσίων ὁπλιτῶν, κἀντεῦθεν αὖθισ, ὅσοι τῶν φίλων ἐδεήθησαν ἀφεθῆναι τοῦ χωρίου τὴν χαλεπότητα καὶ τῆσ διαίτησ τὴν ἀνάγκην οὐ φέροντεσ, πάντασ ἀσπασάμενοσ καὶ φιλοφρονηθεὶσ ἀπέπεμψεν. ὡσ δὲ ἐπελθὼν ὁ Ἀντίγονοσ εἰσ λόγουσ αὐτόν ἐκάλει πρὸ τῆσ πολιορκίασ, ἀπεκρίνατο πολλοὺσ εἶναι τοὺσ Ἀντιγόνου φίλουσ καὶ μετὰ Ἀντίγονον ἡγεμόνασ, ὧν δὲ αὐτὸσ προπολεμεῖ μηδένα λείπεσθαι μετ’ αὐτόν·

"ἐμαυτοῦ κρείττονα νομίζω, μέχρι ἂν ὦ τοῦ ξίφουσ κύριοσ. ὅμωσ δὲ πέμψαντοσ τοῦ Ἀντιγόνου τὸν ἀδελφιδοῦν Πτολεμαῖον εἰσ τὸ χωρίον, ὥσπερ ἠξίωσεν ὁ Εὐμενήσ, κατέβη, καὶ περιβαλόντεσ ἀλλήλουσ ἠσπάσαντο φιλικῶσ καὶ οἰκείωσ, ἅτε δὴ ἀλλήλοισ κεχρημένοι πολλὰ καὶ συνήθεισ γεγονότεσ.

λόγων δὲ γενομένων πολλῶν καὶ τοῦ Εὐμενοῦσ οὐχ ὑπὲρ ἀσφαλείασ μεμνημένου καὶ διαλύσεωσ, ἀλλὰ καὶ τὰσ σατραπείασ ἀξιοῦντοσ αὑτῷ βεβαιοῦσθαι καὶ τὰσ δωρεὰσ ἀποδίδοσθαι, θαῦμα τοὺσ παρόντασ εἶχε τὸ φρόνημα καὶ τὴν εὐτολμίαν ἀγαμένουσ. ἅμα δὲ πολλοὶ συνέτρεχον τῶν Μακεδόνων ἰδεῖν ὅστισ ἐστὶ τὸν Εὐμενῆ ποθοῦντεσ·

οὐ γὰρ ἑτέρου λόγοσ ἦν τοσοῦτοσ ἐν τῷ στρατῷ μετὰ τὴν τοῦ Κρατεροῦ τελευτήν. δείσασ δὲ ὁ Ἀντίγονοσ ὑπὲρ αὐτοῦ, μή τι πάθῃ βίαιον, πρῶτον μὲν ἀπηγόρευε μή προσιέναι βοῶν, καὶ τοῖσ λίθοισ ἔβαλλε τοὺσ ἐπιφερομένουσ, τέλοσ δὲ ταῖσ χερσὶ τὸν Εὐμενῆ περιβαλὼν καὶ τὸν ὄχλον ἀπερύκων τοῖσ δορυφόροισ μόλισ εἰσ τὸ ἀσφαλὲσ ἀποκατέστησε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 10

(플루타르코스, chapter 10)

상위

목록

SEARCH

MENU NAVIGATION