Plutarch, De tuenda sanitate praecepta, chapter, section 8

(플루타르코스, De tuenda sanitate praecepta, chapter, section 8)

ἄλλοτε μὲν οὖν πρὸσ τὰσ ἡδονὰσ λεκτέον ἴσωσ, τὸ καλὸν καὶ σεμνὸν ἐφ’ ἑαυτοῦ τῆσ ἐγκρατείασ οἱο͂́ν ἐστι, δεικνύοντασ· ὁ δὲ νῦν λόγοσ ὑπὲρ πολλῶν ἡδονῶν καὶ μεγάλων ἐστίν.

οὔτε γὰρ πράξεισ οὔτ’ ἐλπίδασ οὔτ’ ἀποδημίασ οὔτε διαγωγὰσ αἱ νόσοι τοσαύτασ ὅσασ ἡδονὰσ· ἡμῶν ἀφαιροῦνται καὶ διαφθείρουσιν. ὅθεν ἣκιστα λυσιτελεῖ καταφρονεῖν τῆσ ὑγιείασ τοῖσ μάλιστα τὴν ἡδονὴν διώκουσι.

γὰρ φιλοσοφεῖν ἀρρωστίαι πολλοῖσ παρέχουσι καὶ στρατηγεῖν νὴ Δία καὶ βασιλεύειν, ἡδοναὶ δὲ σωματικαὶ καὶ ἀπολαύσεισ ἔνιαι μὲν οὐδ’ ὅλωσ γένεσιν ἐν νόσῳ λαμβάνουσιν, αἱ δὲ λαμβάνουσαι βραχὺ τὸ οἰκεῖον καὶ οὐ καθαρὸν ἀλλὰ συμπεφυρμένον πολλῷ τῷ ἀλλοτρίῳ καὶ μεμωλωπισμένον ὥσπερ ἐκ ζάλησ καὶ χειμῶνοσ·

ἀναφέρουσιν.

οὐ γὰρ ἐν πλησμοναῖσ Κύπρισ, ἀλλὰ μᾶλλον ἐν εὐδίᾳ σαρκὸσ καὶ γαλήνῃ καὶ Κύπρισ εἰσ ἡδονὴν τελευτᾷ καὶ βρῶσισ καὶ πόσισ· ἡ δ’ ὑγίεια ταῖσ ἡδοναῖσ ὥσπερ ἡ γαλήνη ταῖσ ἀλκυόσιν ἀσφαλῆ καὶ καλὴν γένεσιν καὶ λοχείαν ἐνδίδωσι .

κομψῶσ γὰρ ἐοίκεν ὁ Πρόδικοσ εἰπεῖν ὅτι τῶν ἡδυσμάτων ἄριστόν ἐστι τὸ πῦρ· ἀληθέστερον δ’ ἄν τισ εἴποι τὴν ὑγίειαν ἥδυσμα θειότατον εἶναι καὶ προσηνέστατον·

ἑφθὰ μὲν γὰρ καὶ ὀπτὰ καὶ πεπτὰ βρώματα νοσοῦσιν ἢ κραιπαλῶσιν ἢ ναυτιῶσιν οὐδεμίαν ἡδονὴν οὐδὲ χάριν ἀποδίδωσι, καθαρὰ δὲ καὶ ἀκραιφνὴσ ὄρεξισ ὑγιαίνοντι· ὡσ Ὅμηροσ ἔφη, καὶ πρόσφορον.

일치하는 문장이 없습니다.

SEARCH

MENU NAVIGATION