헬라어 문장 검색 - Πλυταρ́Δεμοστή04́

(플루타르코스, Demosthenes, chapter 4)

Δημοσθένησ ὁ πατὴρ Δημοσθένουσ ἦν μὲν τῶν καλῶν καὶ ἀγαθῶν ἀνδρῶν, ὡσ ἱστορεῖ Θεόπομποσ, ἐπεκαλεῖτο δὲ μαχαιροποιόσ ἐργαστήριον ἔχων μέγα καὶ δούλουσ τεχνίτασ τοὺσ τοῦτο πράττοντασ, ἃ δ’ Αἰσχίνησ ὁ ῥήτωρ εἴρηκε περὶ τῆσ μητρόσ, ὡσ ἐκ Γύλωνόσ τινοσ ἐπ’ αἰτίᾳ προδοσίασ φεύγοντοσ ἐξ ἄστεοσ γεγόνοι καὶ βαρβάρου γυναικόσ, οὐκ ἔχομεν εἰπεῖν εἴτ’ ἀληθῶσ εἴρηκεν εἴτε βλασφημῶν καὶ καταψευδόμενοσ. ἀπολειφθεὶσ δ’ ὁ Δημοσθένησ ὑπὸ τοῦ πατρὸσ ἑπταέτησ ἐν εὐπορίᾳ μικρὸν γὰρ ἀπέλιπεν ἡ σύμπασα τίμησισ αὐτοῦ τῆσ οὐσίασ πεντεκαίδεκα ταλάντων ὑπὸ τῶν ἐπιτρόπων ἠδικήθη, τὰ μὲν νοσφισαμένων, τὰ δ’ ἀμελησάντων, ὥστε καὶ τῶν διδασκάλων αὐτοῦ τὸν μισθὸν ἀποστερῆσαι.

διά τε δὴ τοῦτο τῶν ἐμμελῶν καὶ προσηκόντων ἐλευθέρῳ παιδὶ μαθημάτων ἀπαίδευτοσ δοκεῖ γενέσθαι καὶ διά τὴν τοῦ σώματοσ ἀσθένειαν καὶ θρύψιν, οὐ προϊεμένησ τοῖσ πόνοισ τῆσ μητρὸσ αὐτὸν, οὐδὲ προσβιαζομένων τῶν παιδαγωγῶν.

ἦν γὰρ ἐξ ἀρχῆσ κάτισχνοσ καὶ νοσώδησ, καὶ τὴν λοιδορουμένην ἐπωνυμίαν, τὸν Βάταλον, εἰσ τὸ σῶμα λέγεται σκωπτόμενοσ ὑπὸ τῶν παίδων λαβεῖν. ἦν δὲ ὁ Βάταλοσ, ὡσ μὲν ἔνιοί φασιν, αὐλητὴσ τῶν κατεαγότων, καὶ δραμάτιον εἰσ τοῦτο κωμῳδῶν αὐτὸν Ἀντιφάνησ πεποίηκεν.

ἔνιοί δέ τινεσ ὡσ ποιητοῦ τρυφερὰ καὶ παροίνια γράφοντοσ τοῦ Βατάλου μέμνηνται. δοκεῖ δὲ καὶ τῶν οὐκ εὐπρεπῶν τι λεχθῆναι τοῦ σώματοσ μορίων παρὰ τοῖσ Ἀττικοῖσ τότε καλεῖσθαι βάταλοσ. ὁ δ’ Ἀργᾶσ καὶ τοῦτο γάρ φασι τῷ Δημοσθένει γενέσθαι παρώνυμον ἢ πρὸσ τὸν τρόπον, ὡσ θηριώδη καὶ πικρὸν ἐτέθη·

τὸν γὰρ ὄφιν ἔνιοι τῶν ποιητῶν ἀργᾶν ὀνομάζουσιν ἢ πρὸσ τὸν λόγον, ὡσ ἀνιῶντα τοὺσ ἀκροωμένουσ· καὶ γὰρ Ἀργᾶσ τοὔνομα ποιητὴσ ἦν νόμων πονηρῶν καὶ ἀργαλέων. καὶ ταῦτα μὲν ταύτῃ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Demosthenes, chapter 4

(플루타르코스, Demosthenes, chapter 4)

상위

목록

SEARCH

MENU NAVIGATION