Plutarch, De Se Ipsum Citra Invidiam Laudando, section 13

(플루타르코스, De Se Ipsum Citra Invidiam Laudando, section 13)

καὶ μὴν ὥσπερ οἱ τοὺσ ὀφθαλμιῶντασ ἐνοχλεῖν φυλαττόμενοι τοῖσ ἄγαν λαμπροῖσ σκιάν τινα παραμιγνύουσιν, οὕτωσ ἔνιοι τοὺσ αὑτῶν ἐπαίνουσ μὴ παντελῶσ λαμπροὺσ μηδ’ ἀκράτουσ προσφέροντεσ, ἀλλά τινασ ἐλλείψεισ ἢ ἀποτεύξεισ ἢ ἁμαρτίασ ἐλαφρὰσ ἐμβάλλοντεσ, ἀφαιροῦσι τὸ ἐπαχθὲσ αὐτῶν καὶ νεμεσητόν· ἀλλ’ οὗτοσ μὲν ἴσωσ γελοῖοσ, ἀθλητικὴν ἀλαζονείαν δειλίασ καὶ ἀνανδρίασ ἐξομολογήσει παραμυθούμενοσ ἐμμελὴσ δὲ καὶ χαρίεισ ὁ λήθην τινὰ καθ’ αὑτοῦ λέγων ἢ ἄγνοιαν ἢ φιλοτιμίαν, ἢ πρόσ τινα μαθήματα καὶ λόγων ἀκρόασιν ὀλιγωρίαν ὡσ ὁ Ὀδυσσεὺσ αὐτὰρ ἐμὸν κῆρ ἤθελ’ ἀκουέμεναι, λῦσαι δ’ ἐκέλευον ἑταίρουσ ὀφρύσι νευστάζων.

καὶ πάλιν ἀλλ’ ἐγὼ οὐ πιθόμην ἦ τ’ ἂν πολὺ κέρδιον ἠε͂ν, ὄφρ’ αὐτόν τε ἴδοιμι, καὶ εἴ μοι ξείνια δοίη.

καὶ ὅλωσ ὅσαι μὴ παντάπασιν αἰσχραὶ μηδ’ ἀγεννεῖσ · ἁμαρτίαι, παρατιθέμεναι τοῖσ ἐπαίνοισ τὸν φθόνον ἀφαιροῦσι.

πολλοὶ δὲ καὶ πενίασ καὶ ἀπορίασ καὶ νὴ Δία δυσγενείασ ἐξομολόγησιν ἔστιν ὅτε τοῖσ ἐγκωμίοισ παρεμβάλλοντεσ, ἀμβλυτέρῳ τῷ φθόνῳ χρῶνται · "τὸ ἐνδελεχὲσ καὶ φιλόπονον καὶ ἀνδρεῖον·

ἐδόκει γὰρ ἐν κεραμείῳ τεθράφθαι διὰ δυσγένειαν καὶ πενίαν ὁ Ἀγαθοκλῆσ, εἶτα συμπάσησ ὀλίγου δεῖν ἐβασίλευσε Σικελίασ.

일치하는 문장이 없습니다.

SEARCH

MENU NAVIGATION