헬라어 문장 검색 - Πλυταρ́ΞαιυσΓρ́16́

(플루타르코스, Caius Gracchus, chapter 16)

ὁ δὲ Φούλβιοσ, ὡσ ἐγένοντο πάντεσ ἀθρόοι, πεισθεὶσ ὑπὸ τοῦ Γαϊού πέμπει τῶν υἱῶν τὸν νεώτερον ἔχοντα κηρύκειον εἴσ ἀγοράν. ἦν δὲ κάλλιστοσ ὁ νεανίσκοσ ὀφθῆναι· καὶ τότε καταστὰσ κοσμίωσ καὶ μετ’ αἰδοῦσ δεδακρυμένοσ ἐποιήσατο συμβατικοὺσ λόγουσ πρὸσ τὸν ὕπατον καὶ τὴν σύγκλητον. οἱ μὲν οὖν πολλοὶ τῶν παρόντων οὐκ ἀηδῶσ πρὸσ τὰσ διαλύσεισ εἶχον·

ὁ δὲ Ὀπίμιοσ οὐ δι’ ἀγγέλων ἔφη χρῆναι πείθειν τὴν σύγκλητον, ἀλλὰ καταβάντασ ὡσ ὑπευθύνουσ πολίτασ ἐπὶ κρίσιν καὶ παραδόντασ αὑτούσ οὕτωσ παραιτεῖσθαι τὴν ὀργήν τῷ δὲ μειρακίῳ καὶ διηγόρευσεν ἐπὶ τούτοισ κατιέναι πάλιν ἢ μὴ κατιέναι. Γάιοσ μὲν οὖν, ὥσ φασιν, ἐβούλετο βαδίζειν καὶ πείθειν τὴν σύγκλητον οὐδενὸσ δὲ τῶν ἄλλων συγχωροῦντοσ, αὖθισ ἔπεμψεν ὁ Φούλβιοσ τὸν παῖδα διαλεξόμενον ὑπὲρ αὐτῶν ὅμοια τοῖσ προτέροισ.

ὁ δὲ Ὀπίμιοσ σπεύδων μάχην συνάψαι τὸ μὲν μειράκιον εὐθὺσ συνέλαβε καὶ παρέδωκεν εἴσ φυλακήν, τοῖσ δὲ περὶ τὸν Φούλβιον ἐπῄει μετὰ πολλῶν ὁπλιτῶν καὶ τοξοτῶν Κρητῶν, οἳ μάλιστα βάλλοντεσ αὑτούσ καὶ κατατραυματίζοντεσ συνετάραξαν. γενομένησ δὲ τῆσ τροπῆσ ὁ μὲν Φούλβιοσ εἴσ τι βαλανεῖον ἠμελημένον καταφυγὼν καὶ μετὰ μικρὸν ἀνευρεθεὶσ κατεσφάγη μετὰ τοῦ πρεσβυτέρου παιδόσ, ὁ δὲ Γάιοσ ὤφθη μὲν ὑπ’ οὐδενὸσ μαχόμενοσ, ἀλλὰ δυσανασχετῶν τοῖσ γινομένοισ ἀνεχώρησεν εἴσ τὸ τῆσ Ἀρτέμιδοσ ἱερόν ἐκεῖ δὲ βουλόμενοσ ἑαυτὸν ἀνελεῖν ὑπὸ τῶν πιστοτάτων ἑταίρων ἐκωλύθη, Πομπωνίου καὶ Λικιννίου·

παρόντεσ γὰρ οὗτοι τό τε ξίφοσ ἀφείλοντο καὶ πάλιν φεύγειν ἐπῆραν αὐτόν, ἔνθα δὴ λέγεται καθεσθεὶσ εἴσ γόνυ καὶ τὰσ χεῖρασ ἀνατείνασ πρὸσ τὴν θεὸν ἐπεύξασθαι τὸν Ῥωμαίων δῆμον ἀντὶ τῆσ ἀχαριστίασ ἐκείνησ καὶ προδοσίασ μηδέποτε παύσασθαι δουλεύοντα· φανερῶσ γὰρ οἱ πλεῖστοι μετεβάλλοντο κηρύγματι δοθείσησ ἀδείασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caius Gracchus, chapter 16

(플루타르코스, Caius Gracchus, chapter 16)

상위

목록

SEARCH

MENU NAVIGATION