헬라어 문장 검색 - Πλυταρ́ΞαιυσΓρ́10́

(플루타르코스, Caius Gracchus, chapter 10)

μεγίστη δὲ τῷ Δρούσῳ πίστισ εὐνοίασ πρὸσ τὸν δῆμον ἐγίνετο καὶ δικαιοσύνησ τὸ μηδὲν αὑτῷ μηδ’ ὑπὲρ ἑαυτοῦ φαίνεσθαι γράφοντα, καὶ γὰρ οἰκιστὰσ ἑτέρουσ ἐξέπεμπε τῶν πόλεων καὶ διοικήσεσι χρημάτων οὐ προσῄει, τοῦ Γαϊού τὰ πλεῖστα καὶ μέγιστα τῶν τοιούτων αὑτῷ προστιθέντοσ. ἐπεὶ δὲ Ῥουβρίου τῶν συναρχόντων ἑνὸσ οἰκίζεσθαι Καρχηδόνα γράψαντοσ ἀνῃρημένην ὑπὸ Σκηπίωνοσ, κλήρῳ λαχὼν ὁ Γάιοσ ἐξέπλευσεν εἰσ Λιβύην ἐπὶ τὸν κατοικισμόν, ἔτι μᾶλλον ἐπιβὰσ ὁ Δροῦσοσ ἀπόντοσ αὐτοῦ τὸν δῆμον ὑπελάμβανε καὶ προσήγετο, μάλιστα ταῖσ κατὰ τοῦ Φουλβίου διαβολαῖσ.

ὁ δὲ Φούλβιοσ οὗτοσ ἦν τοῦ Γαϊού φίλοσ, καὶ συνάρχων ἐπὶ τὴν διανομὴν τῆσ χώρασ ᾑρημένοσ·

ἦν δὲ θορυβώδησ, καὶ μισούμενοσ μὲν ὑπὸ τῆσ βουλῆσ ἄντικρυσ, ὕποπτοσ δὲ καὶ τοῖσ ἄλλοισ ὡσ τὰ συμμαχικὰ διακινῶν καὶ παροξύνων κρύφα τοὺσ Ἰταλιώτασ πρὸσ ἀπόστασιν. οἷσ ἀναποδείκτωσ καὶ ἀνελέγκτωσ λεγομένοισ αὐτὸσ προσετίθει πίστιν ὁ Φούλβιοσ οὐχ ὑγιαινούσησ οὐδὲ εἰρηνικῆσ ὢν προαιρέσεωσ. τοῦτο μάλιστα κατέλυε τὸν Γάϊον ἀπολαύοντα τοῦ μίσουσ, καὶ ὅτε Σκηπίων ὁ Ἀφρικανὸσ ἐξ οὐδενὸσ αἰτίου προφανοῦσ ἐτελεύτησε καὶ σημεῖά τινα τῷ νεκρῷ πληγῶν καὶ βίασ ἐπιδραμεῖν ἔδοξεν, ὡσ ἐν τοῖσ περὶ ἐκείνου γέγραπται, τὸ μὲν πλεῖστον ἐπὶ τὸν Φούλβιον ἦλθε τῆσ διαβολῆσ, ἐχθρὸν ὄντα καὶ τὴν ἡμέραν ἐκείνην ἐπὶ τοῦ βήματοσ τῷ Σκηπίωνι λελοιδορημένον, ἥψατο δὲ καὶ τοῦ Γαϊού ὑπόνοια, καὶ δεινὸν οὕτωσ ἔργον ἐπ’ ἀνδρὶ τῷ πρώτῳ καὶ μεγίστῳ Ῥωμαίων τολμηθὲν οὐκ ἔτυχε δίκησ οὐδὲ εἰσ ἔλεγχον προῆλθεν·

ἐνέστησαν γὰρ οἱ πολλοὶ καὶ κατέλυσαν τὴν κρίσιν ὑπὲρ τοῦ Γαϊού φοβηθέντεσ, μὴ περιπετὴσ τῇ αἰτίᾳ τοῦ φόνου ζητουμένου γένηται·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caius Gracchus, chapter 10

(플루타르코스, Caius Gracchus, chapter 10)

상위

목록

SEARCH

MENU NAVIGATION