헬라어 문장 검색 - Πλυταρ́ΞαιυσΓρ́04́

(플루타르코스, Caius Gracchus, chapter 4)

τοιούτοισ λόγοισ προανασείσασ τὸν δῆμον ἦν δὲ καὶ μεγαλοφωνότατοσ, καὶ ῥωμαλεώτατοσ ἐν τῷ λέγειν, δύο νόμουσ εἰσέφερε, τὸν μέν, εἴ τινοσ ἄρχοντοσ ἀφῃρῇτο τὴν ἀρχὴν ὁ δῆμοσ, οὐκ ἐῶντα τούτῳ δευτέρασ ἀρχῆσ μετουσίαν εἶναι· τὸν δ’, εἴ τισ ἄρχων ἄκριτον ἐκκεκηρύχοι πολίτην, κατ’ αὐτοῦ διδόντα κρίσιν τῷ δήμῳ. τούτων τῶν νόμων ἄντικρυσ ὁ μὲν Μᾶρκον Ὀκτάβιον ἠτίμου τὸν ὑπὸ Τιβερίου τῆσ δημαρχίασ ἐκπεσόντα, τῷ δ’ ἐνείχετο Ποπίλλιοσ·

οὗτοσ γὰρ στρατηγῶν τοὺσ τοῦ Τιβερίου φίλουσ ἐξεκήρυξε. καὶ Ποπίλλιοσ μὲν οὐχ ὑποστὰσ τὴν κρίσιν ἔφυγεν ἐξ Ἰταλίασ· τὸν δὲ ἕτερον νόμον Γάιοσ αὐτὸσ ἐπανείλετο, φήσασ τῇ μητρὶ Κορνηλίᾳ δεηθείσῃ χαρίζεσθαι τὸν Ὀκτάβιον. καὶ ὁ δῆμοσ ἠγάσθη καὶ συνεχώρησε, τιμῶν τὴν Κορνηλίαν οὐδὲν ἧττον ἀπὸ τῶν παίδων ἢ τοῦ πατρόσ, ἧσ γε καὶ χαλκῆν εἰκόνα στήσασ ὕστερον ἐπέγραψε Κορνηλίαν μητέρα Γράγχων.

"Κορνηλίαν λοιδορεῖσ τὴν Τιβέριον τεκοῦσαν; ἐπεὶ δὲ διαβεβλημένοσ ἦν εἰσ μαλακίαν ὁ λοιδορηθείσ·

"ἔχων παρρησίαν συγκρίνεισ Κορνηλίᾳ σεαυτόν; "ἔτεκεσ γὰρ ὡσ ἐκείνη; τοιαύτη μὲν ἡ πικρία τῶν λόγων ἦν αὐτοῦ, καὶ πολλὰ λαβεῖν ἐκ τῶν γεγραμμένων ἔστιν ὅμοια.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caius Gracchus, chapter 4

(플루타르코스, Caius Gracchus, chapter 4)

상위

목록

SEARCH

MENU NAVIGATION