헬라어 문장 검색 - Λυξιαν́Θυομοδό08́

(루키아노스, Quomodo historia conscribenda sit, chapter 8)

ἔτι ἀγνοεῖν ἐοίκασιν οἱ τοιοῦτοι ὡσ ποιητικῆσ μὲν καὶ ποιημάτων ἄλλαι ὑποσχέσεισ καὶ κανόνεσ ἴδιοι, ἱστορίασ δὲ ἄλλοι· ἐκεῖ μὲν γὰρ ἀκρατὴσ ἡ ἐλευθερία καὶ νόμοσ εἷσ, τὸ δόξαν τῷ ποιητῇ· ἔνθεοσ γὰρ καὶ κάτοχοσ ἐκ Μουσῶν, κἂν ἵππων ὑποπτέρων ἁρ́μα ζεύξασθαι ἐθέλῃ, κἂν ἐφ̓ ὕδατοσ ἄλλουσ ἢ ἐπ̓ ἀνθερίκων ἄκρων θευσομένουσ ἀναβιβάσηται, φθόνοσ οὐδείσ, οὐδὲ ὁπόταν ὁ Ζεὺσ αὐτῶν ἀπὸ μιᾶσ σειρᾶσ ἀνασπάσασ αἰωρῇ ὁμοῦ γῆν καὶ θάλατταν, δεδίασι μὴ ἀπορραγείσησ ἐκείνησ συντριβῇ τὰ πάντα κατενεχθέντα· ἀλλὰ κἂν Ἀγαμέμνονα ἐπαινέσαι θέλωσιν, οὐδεὶσ ὁ κωλύσων Διὶ μὲν αὐτὸν ὅμοιον εἶναι τὴν κεφαλὴν καὶ τὰ ὄμματα, τὸ στέρνον δὲ τῷ ἀδελφῷ αὐτοῦ τῷ Ποσειδῶνι, τὴν δὲ ζώνην τῷ Ἄρει, καὶ ὅλωσ σύνθετον ἐκ πάντων θεῶν γενέσθαι δεῖ τὸν Ἀτρέωσ καὶ Αἐρόπησ· οὐ γὰρ ἱκανὸσ ὁ Ζεὺσ οὐδὲ ὁ Ποσειδῶν οὐδὲ ὁ Ἄρησ μόνοσ ἕκαστοσ ἀναπληρῶσαι τὸ κάλλοσ αὐτοῦ. ἡ ἱστορία δὲ ἤν τινα κολακείαν τοιαύτην προσλάβῃ, τί ἄλλο ἢ πεζή τισ ποιητικὴ γίγνεται, τῆσ μεγαλοφωνίασ μὲν ἐκείνησ ἐστερημένη, τὴν λοιπὴν δὲ τερατείαν γυμνὴν τῶν μέτρων καὶ δἰ αὐτὸ ἐπισημοτέραν ἐκφαίνουσα; μᾶλλον δὲ ὑπέρμεγα τοῦτο κακόν, εἰ μὴ εἰδείη τισ χωρίζειν τὰ ἱστορίασ καὶ τὰ ποιητικῆσ, ἀλλ̓ ἐπεισάγει τῇ ἱστορίᾳ τὰ τῆσ ἑτέρασ κομμώματα, τὸν μῦθον καὶ τὸ ἐγκώμιον καὶ τὰσ ἐν τούτοισ ὑπερβολάσ, ὥσπερ ἂν εἴ τισ ἀθλητὴν τῶν καρτερῶν τούτων καὶ κομιδῇ πρινίνων ἁλουργίσι περιβάλοι καὶ τῷ ἄλλῳ κόσμῳ τῷ ἑταιρικῷ καὶ φυκίον ἐντρίβοι καὶ ψιμύθιον τῷ προσώπῳ, Ἡράκλεισ ὡσ καταγέλαστον αὐτὸν ἀπεργάσαιτο αἰσχύνασ τῷ κόσμῳ ἐκείνῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, Quomodo historia conscribenda sit, chapter 8

(루키아노스, Quomodo historia conscribenda sit, chapter 8)

상위

목록

SEARCH

MENU NAVIGATION