헬라어 문장 검색 - ΕπιξτέΩορκσ́39́

(에픽테토스, Works, chapter 32)

Ὅταν μαντικῇ προσίῃσ, μέμνησο, ὅτι, τί μὲν ἀποβήσεται, οὐκ οἶδασ, ἀλλὰ ἥκεισ ὡσ παρὰ τοῦ μάντεωσ αὐτὸ πευσόμενοσ, ὁποῖον δέ τι ἐστίν, ἐλήλυθασ εἰδώσ, εἴπερ εἶ φιλόσοφοσ. εἰ γάρ ἐστί τι τῶν οὐκ ἐφ’ ἡμῖν, πᾶσα ἀνάγκη μήτε ἀγαθὸν αὐτὸ εἶναι μήτε κακόν. μὴ φέρε οὖν πρὸσ τὸν μάντιν ὄρεξιν ἢ ἔκκλισιν μηδὲ τρέμων αὐτῷ πρόσει, ἀλλὰ διεγνωκώσ, ὅτι πᾶν τὸ ἀποβησόμενον ἀδιάφορον καὶ οὐδὲν πρὸσ σέ, ὁποῖον δ’ ἂν ᾖ, ἔσται αὐτῷ χρήσασθαι καλῶσ καὶ τοῦτο οὐθεὶσ κωλύσει.

θαῤῥῶν οὖν ὡσ ἐπὶ συμβούλουσ ἔρχου τοὺσ θεούσ· καὶ λοιπόν, ὅταν τί σοι συμβουλευθῇ, μέμνησο τίνασ συμβούλουσ παρέλαβεσ καὶ τίνων παρακούσεισ ἀπειθήσασ. ἔρχου δὲ ἐπὶ τὸ μαντεύεσθαι, καθάπερ ἠξίου Σωκράτησ, ἐφ’ ὧν ἡ πᾶσα σκέψισ τὴν ἀναφορὰν εἰσ τὴν ἔκβασιν ἔχει καὶ οὔτε ἐκ λόγου οὔτε ἐκ τέχνησ τινὸσ ἄλλησ ἀφορμαὶ δίδονται πρὸσ τὸ συνιδεῖν τὸ προκείμενον·

ὥστε, ὅταν δεήσῃ συγκινδυνεῦσαι φίλῳ ἢ πατρίδι, μὴ μαντεύεσθαι, εἰ συγκινδυνευτέον. καὶ γὰρ ἂν προείπῃ σοι ὁ μάντισ φαῦλα γεγονέναι τὰ ἱερά, δῆλον ὅτι θάνατοσ σημαίνεται ἢ πήρωσισ μέρουσ τινὸσ τοῦ σώματοσ ἢ φυγή· ἀλλ’ αἱρεῖ ὁ λόγοσ καὶ σὺν τούτοισ παρίστασθαι τῷ φίλῳ καὶ τῇ πατρίδι συγκινδυνεύειν. τοιγαροῦν τῷ μείζονι μάντει πρόσεχε, τῷ Πυθίῳ, ὃσ ἐξέβαλε τοῦ ναοῦ τὸν οὐ βοηθήσαντα ἀναιρουμένῳ τῷ φίλῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Epictetus, Works, chapter 32

(에픽테토스, Works, chapter 32)

상위

목록

SEARCH

MENU NAVIGATION