헬라어 문장 검색 - ΕπιξτέΩορκσ́36́

(에픽테토스, Works, chapter 29)

Ἑκάστου ἔργου σκόπει τὰ καθηγούμενα καὶ τὰ ἀκόλουθα αὐτοῦ καὶ οὕτωσ ἔρχου ἐπ’ αὐτό. εἰ δὲ μή, τὴν μὲν πρώτην προθύμωσ ἥξεισ ἅτε μηδὲν τῶν ἑξῆσ ἐντεθυμημένοσ, ὕστερον δὲ ἀναφανέντων δυσχερῶν τινων αἰσχρῶσ ἀποστήσῃ. θέλεισ Ὀλύμπια νικῆσαι; κἀγώ, νὴ τοὺσ θεούσ·

κομψὸν γάρ ἐστιν. ἀλλὰ σκόπει τὰ καθηγούμενα καὶ τὰ ἀκόλουθα καὶ οὕτωσ ἅπτου τοῦ ἔργου. δεῖ σ’ εὐτακτεῖν, ἀναγκοτροφεῖν, ἀπέχεσθαι πεμμάτων, γυμνάζεσθαι πρὸσ ἀνάγκην, ἐν ὡρ́ᾳ τεταγμένῃ, ἐν καύματι, ἐν ψύχει, μὴ ψυχρὸν πίνειν, μὴ οἶνον, ὡσ ἔτυχεν, ἁπλῶσ ὡσ ἰατρῷ παραδεδωκέναι σεαυτὸν τῷ ἐπιστάτῃ, εἶτα ἐν τῷ ἀγῶνι παρορύσσεσθαι, ἔστι δὲ ὅτε χεῖρα ἐκβαλεῖν, σφυρὸν στρέψαι, πολλὴν ἁφὴν καταπιεῖν, ἔσθ’ ὅτε μαστιγωθῆναι καὶ μετὰ τούτων πάντων νικηθῆναι. ταῦτα ἐπισκεψάμενοσ, ἂν ἔτι θέλῃσ, ἔρχου ἐπὶ τὸ ἀθλεῖν.

εἰ δὲ μή, ὡσ τὰ παιδία ἀναστραφήσῃ, ἃ νῦν μὲν παλαιστὰσ παίζει, νῦν δὲ μονομάχουσ, νῦν δὲ σαλπίζει, εἶτα τραγῳδεῖ· οὕτω καὶ σὺ νῦν μὲν ἀθλητήσ, νῦν δὲ μονομάχοσ, εἶτα ῥήτωρ, εἶτα φιλόσοφοσ, ὅλῃ δὲ τῇ ψυχῇ οὐδέν· ἀλλ’ ὡσ πίθηκοσ πᾶσαν θέαν, ἣν ἂν ἴδῃσ, μιμῇ καὶ ἄλλο ἐξ ἄλλου σοι ἀρέσκει. οὐ γὰρ μετὰ σκέψεωσ ἦλθεσ ἐπί τι οὐδὲ περιοδεύσασ, ἀλλ’ εἰκῇ καὶ κατὰ ψυχρὰν ἐπιθυμίαν. οὕτω θεασάμενοί τινεσ φιλόσοφον καὶ ἀκούσαντεσ οὕτω τινὸσ λέγοντοσ, ὡσ Εὐφράτησ λέγει καίτοι τίσ οὕτω δύναται εἰπεῖν, ὡσ ἐκεῖνοσ;

, θέλουσι καὶ αὐτοὶ φιλοσοφεῖν.

ἄνθρωπε, πρῶτον ἐπίσκεψαι, ὁποῖόν ἐστι τὸ πρᾶγμα· εἶτα καὶ τὴν σεαυτοῦ φύσιν κατάμαθε, εἰ δύνασαι βαστάσαι. πένταθλοσ εἶναι βούλει ἢ παλαιστήσ; ἴδε σεαυτοῦ τοὺσ βραχίονασ, τοὺσ μηρούσ, τὴν ὀσφὺν κατάμαθε. ἄλλοσ γὰρ πρὸσ ἄλλο πέφυκε.

δοκεῖσ, ὅτι ταῦτα ποιῶν ὡσαύτωσ δύνασαι ἐσθίειν, ὡσαύτωσ πίνειν, ὁμοίωσ ὀρέγεσθαι, ὁμοίωσ δυσαρεστεῖν; ἀγρυπνῆσαι δεῖ, πονῆσαι, ἀπὸ τῶν οἰκείων ἀπελθεῖν, ὑπὸ παιδαρίου καταφρονηθῆναι, ὑπὸ τῶν ἀπαντώντων καταγελασθῆναι, ἐν παντὶ ἧττον ἔχειν, ἐν τιμῇ, ἐν ἀρχῇ, ἐν δίκῃ, ἐν πραγματίῳ παντί. ταῦτα ἐπίσκεψαι.

εἰ θέλεισ ἀντικαταλλάξασθαι τούτων ἀπάθειαν, ἐλευθερίαν, ἀταραξίαν· εἰ δὲ μή, μὴ προσάγαγε. μὴ ὡσ τὰ παιδία νῦν φιλόσοφοσ, ὕστερον δὲ τελώνησ, εἶτα ῥήτωρ, εἶτα ἐπίτροποσ Καίσαροσ. ταῦτα οὐ συμφωνεῖ. ἕνα σε δεῖ ἄνθρωπον ἢ ἀγαθὸν ἢ κακὸν εἶναι· ἢ τὸ ἡγεμονικόν σε δεῖ ἐξεργάζεσθαι τὸ σαυτοῦ ἢ τὸ ἐκτὸσ ἢ περὶ τὰ ἔσω φιλοτεχνεῖν ἢ περὶ τὰ ἔξω· τοῦτ’ ἔστιν ἢ φιλοσόφου τάξιν ἐπέχειν ἢ ἰδιώτου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Epictetus, Works, chapter 29

(에픽테토스, Works, chapter 29)

상위

목록

SEARCH

MENU NAVIGATION