헬라어 문장 검색 - ΕπιξτέΩορκσ́06́08́

(에픽테토스, Works, book 4, Πρὸσ τοὺσ ταχέωσ ἐπὶ τὸ σχῆμα τῶν φιλοσόφων ἐπιπηδῶντασ.)

Μηδέποτ’ ἀπὸ τῶν κοινῶν τινα μήτ’ ἐπαινέσητε μήτε ψέξητε μήτε τέχνην τινὰ ἢ ἀτεχνίαν προσμαρτυρήσητε· καὶ ἅμα μὲν προπετείασ ἑαυτοὺσ ἀπαλλάξετε, ἅμα δὲ κακοηθείασ. "οὗτοσ ταχέωσ λούεται.

" κακῶσ οὖν ποιεῖ; οὐ πάντωσ. ἀλλὰ τί;

ταχέωσ λούεται. ‐ Πάντα οὖν καλῶσ γίνεται; ‐ Οὐδαμῶσ· ἀλλὰ τὰ μὲν ἀπὸ δογμάτων ὀρθῶν καλῶσ, τὰ δ’ ἀπὸ μοχθηρῶν μοχθηρῶσ. σὺ δὲ μέχρισ ἂν καταμάθῃσ τὸ δόγμα, ἀφ’ οὗ τισ ποιεῖ ἕκαστα, μήτ’ ἐπαίνει τὸ ἔργον μήτε ψέγε. δόγμα δ’ ἐκ τῶν ἐκτὸσ οὐ ῥᾳδίωσ κρίνεται.

" διὰ τί; "οὗτοσ τέκτων ἐστίν. " διὰ τί; "χρῆται σκεπάρνῳ. " τί οὖν τοῦτο; "οὗτοσ μουσικόσ· ᾄδει γάρ. " καὶ τί τοῦτο; "οὗτοσ φιλόσοφοσ. "τρίβωνα γὰρ ἔχει καὶ κόμην.

" οἱ δ’ ἀγύρται τί ἔχουσιν; διὰ τοῦτο, ἂν ἀσχημονοῦντά τισ ἴδῃ τινὰ αὐτῶν, εὐθὺσ λέγει "ἰδοὺ ὁ φιλόσοφοσ τί ποιεῖ". ἔδει δ’ ἀφ’ ὧν ἠσχημόνει μᾶλλον λέγειν αὐτὸν μὴ εἶναι φιλόσοφον. εἰ μὲν γὰρ αὕτη ἐστὶν ἡ τοῦ φιλοσόφου πρόληψισ καὶ ἐπαγγελία, ἔχειν τρίβωνα καὶ κόμην, καλῶσ ἂν ἔλεγον·

εἰ δ’ ἐκείνη μᾶλλον, ἀναμάρτητον εἶναι, διὰ τί οὐχὶ διὰ τὸ μὴ πληροῦν τὴν ἐπαγγελίαν ἀφαιροῦνται αὐτὸν τῆσ προσηγορίασ; οὕτωσ γὰρ καὶ ἐπὶ τῶν ἄλλων τεχνῶν.

ὅταν ἴδῃ τισ κακῶσ πελεκῶντα, οὐ λέγει "τί ὄφελοσ τεκτονικῆσ; 3.

ὁμοίωσ κἂν ᾄδοντόσ τινοσ ἀκούσῃ κακῶσ, οὐ λέγει "ἰδοὺ πῶσ ᾄδουσιν οἱ μουσικοί", ἀλλὰ μᾶλλον " 3οὗτοσ [ὅτι] οὐκ ἔστι μουσικόσ". ἐπὶ φιλοσοφίασ δὲ μόνησ τοῦτο πάσχουσιν· ὅταν τινὰ ἴδωσι παρὰ τὸ ἐπάγγελμα τὸ τοῦ φιλοσόφου ποιοῦντα, οὐχὶ τῆσ προσηγορίασ ἀφαιροῦνται αὐτόν, ἀλλὰ θέντεσ εἶναι φιλόσοφον, εἶτ’ ἀπ’ αὐτοῦ τοῦ γινομένου λαβόντεσ, ὅτι ἀσχημονεῖ, ἐπάγουσι μηδὲν ὄφελοσ εἶναι τοῦ φιλοσοφεῖν.

τί οὖν τὸ αἴτιον; ὅτι τὴν μὲν τοῦ τέκτονοσ πρόληψιν πρεσβεύομεν καὶ τὴν τοῦ μουσικοῦ καὶ ὡσαύτωσ τῶν ἄλλων τεχνιτῶν, τὴν τοῦ φιλοσόφου δ’ οὔ, ἀλλ’ ἅτε συγκεχυμένην καὶ ἀδιάρθρωτον ἀπὸ τῶν ἐκτὸσ μόνον κρίνομεν.

καὶ ποία ἄλλη τέχνη ἀπὸ σχήματοσ ἀναλαμβάνεται καὶ κόμησ, οὐχὶ δὲ καὶ θεωρήματα ἔχει καὶ ὕλην καὶ τέλοσ;

τίσ οὖν ὕλη τοῦ φιλοσόφου;

μὴ τρίβων; οὔ, ἀλλὰ ὁ λόγοσ. τί τέλοσ; μή τι φορεῖν τρίβωνα; οὔ, ἀλλὰ τὸ ὀρθὸν ἔχειν τὸν λόγον. ποῖα θεωρήματα; μή τι τὰ περὶ τοῦ πῶσ πώγων μέγασ γίνεται ἢ κόμη βαθεῖα; ἀλλὰ μᾶλλον ἃ Ζήνων λέγει, γνῶναι τὰ τοῦ λόγου στοιχεῖα, ποῖόν τι ἕκαστον αὐτῶν ἐστι καὶ πῶσ ἁρμόττεται πρὸσ ἄλληλα καὶ ὅσα τούτοισ ἀκόλουθά ἐστιν. οὐ θέλεισ οὖν ἰδεῖν πρῶτον, εἰ πληροῖ τὴν ἐπαγγελίαν ἀσχημονῶν, καὶ οὕτωσ τῷ ἐπιτηδεύματι ἐγκαλεῖν;

νῦν δ’, αὐτὸσ ὅταν σωφρονῇσ, ἐξ ὧν ποιεῖν σοι δοκεῖ κακῶσ, λέγεισ "ὁρ́α τὸν φιλόσοφον" ὡσ οὐ πρέποντοσ λέγειν τὸν ταῦτα ποιοῦντα φιλόσοφον καὶ πάλιν "τοῦτο φιλόσοφόσ ἐστιν". 3ὁρ́α τὸν μουσικόν".

οὕτωσ ἐπὶ ποσὸν αἰσθάνῃ καὶ αὐτὸσ τῆσ ἐπαγγελίασ τοῦ φιλοσόφου, ἀπολισθάνεισ δὲ καὶ συγχέῃ ὑπὸ ἀμελετησίασ. Ἀλλὰ καὶ αὐτοὶ οἱ καλούμενοι φιλόσοφοι ἀπὸ τῶν κοινῶν τὸ πρᾶγμα μετίασιν·

οὐδεὶσ δ’ ἐρεῖ "ἐγὼ μουσικόσ εἰμι", ἂν πλῆκτρον καὶ κιθάραν ἀγοράσῃ, οὐδ’ "ἐγὼ χαλκεύσ εἰμι", ἂν πιλίον καὶ περίζωμα περιθῆται, ἀλλ’ ἁρμόζεται μὲν τὸ σχῆμα πρὸσ τὴν τέχνην, ἀπὸ τῆσ τέχνησ δὲ τὸ ὄνομα, οὐκ ἀπὸ τοῦ σχήματοσ ἀναλαμβάνουσιν. διὰ τοῦτο καλῶσ Εὐφράτησ ἔλεγεν ὅτι "ἐπὶ πολὺ ἐπειρώμην λανθάνειν φιλοσοφῶν καὶ ἦν μοι", φησίν, "τοῦτο ὠφέλιμον.

πρῶτον μὲν γὰρ ᾔδειν, ὅσα καλῶσ ἐποίουν, ὅτι οὐ διὰ τοὺσ θεατὰσ ἐποίουν, ἀλλὰ δι’ ἐμαυτόν· ἤσθιον ἐμαυτῷ καλῶσ, κατεσταλμένον εἶχον τὸ βλέμμα, τὸν περίπατον· πάντα ἐμαυτῷ καὶ θεῷ. εἶτα ὥσπερ μόνοσ ἠγωνιζόμην, οὕτωσ μόνοσ καὶ ἐκινδύνευον·

οὐδὲν ἐμοὶ δράσαντι τὸ αἰσχρὸν ἢ ἀπρεπὲσ τὸ τῆσ φιλοσοφίασ ἐκινδυνεύετο, οὐδ’ ἔβλαπτον τοὺσ πολλοὺσ ὡσ φιλόσοφοσ ἁμαρτάνων. διὰ τοῦτο οἱ μὴ εἰδότεσ μου τὴν ἐπιβολὴν ἐθαύμαζον, πῶσ πᾶσι φιλοσόφοισ χρώμενοσ καὶ συζῶν αὐτὸσ οὐκ ἐφιλοσόφουν.

καὶ τί κακόν, ἐν οἷσ ἐποίουν ἐπιγιγνώσκεσθαι τὸν φιλόσοφον, ἐν δὲ τοῖσ συμβόλοισ μή;

βλέπε, πῶσ ἐσθίω, πῶσ πίνω, πῶσ καθεύδω, πῶσ ἀνέχομαι, πῶσ ἀπέχομαι, πῶσ συνεργῶ, πῶσ ὀρέξει χρῶμαι, πῶσ ἐκκλίσει, πῶσ τηρῶ τὰσ σχέσεισ τὰσ φυσικὰσ ἢ ἐπιθέτουσ ἀσυγχύτωσ καὶ ἀπαραποδίστωσ· ἐκεῖθέν με κρῖνε, εἰ δύνασαι. εἰ δ’ οὕτωσ κωφὸσ εἶ καὶ τυφλόσ, ἵνα μηδὲ τὸν Ἥφαιστον ὑπολαμβάνῃσ καλὸν χαλκέα, ἂν μὴ τὸ πιλίον ἴδῃσ περὶ τὴν κεφαλὴν περικείμενον, τί κακὸν ὑφ’ οὕτωσ ἠλιθίου κριτοῦ ἀγνοεῖσθαι;

νε παρὰ τοῖσ πλείστοισ Σωκράτησ καὶ ἤρχοντο πρὸσ αὐτὸν ἀξιοῦντεσ φιλοσόφοισ συσταθῆναι.

μή τι οὖν ἠγανάκτει ὡσ ἡμεῖσ καὶ ἔλεγεν "ἐγὼ δέ σοι οὐ φαίνομαι φιλόσοφοσ;

; ἀλλ’ ἀπῆγεν καὶ συνίστα ἑνὶ ἀρκούμενοσ τῷ εἶναι φιλόσοφοσ, χαίρων δὲ καί, ὅτι μὴ δοκῶν οὐκ ἐδάκνετο· ἐμέμνητο γὰρ τοῦ ἰδίου ἔργου. τί ἔργον καλοῦ καὶ ἀγαθοῦ;

μαθητὰσ πολλοὺσ ἔχειν; οὐδαμῶσ. ὄψονται οἱ περὶ τοῦτο ἐσπουδακότεσ. ἀλλὰ θεωρήματα δύσκολα ἀκριβοῦν; ὄψονται καὶ περὶ τούτων ἄλλοι. ποῦ οὖν αὐτὸσ καὶ ἦν τισ καὶ εἶναι ἤθελεν;

ὅπου βλάβη καὶ ὠφέλεια. "εἴ μέ τισ", φησίν, "βλάψαι δύναται, ἐγὼ οὐδὲν ποιῶ· εἰ ἄλλον περιμένω, ἵνα με ὠφελήσῃ, ἐγὼ οὐδέν εἰμι. θέλω τι καὶ οὐ γίνεται· ἐγὼ ἀτυχήσ εἰμι. " εἰσ τοσοῦτο σκάμμα προεκαλεῖτο πάντα ὁντιναοῦν καὶ οὐκ ἄν μοι δοκεῖ ἐκστῆναι οὐδενί ‐ τί δοκεῖτε;

καταγγέλλων καὶ λέγων "ἐγὼ τοιοῦτόσ εἰμι"; μὴ γένοιτο, ἀλλὰ ὢν τοιοῦτοσ. πάλιν γὰρ τοῦτο μωροῦ καὶ ἀλαζόνοσ "ἐγὼ ἀπαθήσ εἰμι καὶ ἀτάραχοσ·

οὕτωσ οὐκ ἀρκεῖ σοι τὸ μηδὲν ἀλγεῖν, ἂν μὴ κηρύσσῃσ "συνέλθετε πάντεσ οἱ ποδαγρῶντεσ, οἱ κεφαλαλγοῦντεσ, οἱ πυρέσσοντεσ, οἱ χωλοί, οἱ τυφλοί, καὶ ἴδετέ με ἀπὸ παντὸσ πάθουσ ὑγιᾶ" 3; τοῦτο κενὸν καὶ φορτικόν, εἰ μή τι[σ] ὡσ ὁ Ἀσκληπιὸσ εὐθὺσ ὑποδεῖξαι δύνασαι, πῶσ θεραπεύοντεσ εὐθὺσ ἔσονται ἄνοσοι κἀκεῖνοι, καὶ εἰσ τοῦτο φέρεισ παράδειγμα τὴν ὑγίειαν τὴν σεαυτοῦ.

Τοιοῦτοσ γάρ τίσ ἐστιν ὁ Κυνικὸσ τοῦ σκήπτρου καὶ διαδήματοσ ἠξιωμένοσ παρὰ τοῦ Διὸσ καὶ λέγων "ἵν’ ἴδητε, ὦ ἄνθρωποι, ὅτι τὴν εὐδαιμονίαν καὶ ἀταραξίαν οὐχ ὅπου ἐστὶ ζητεῖτε, ἀλλ’ ὅπου μή ἐστιν, ἰδοὺ ἐγὼ ὑμῖν παράδειγμα ὑπὸ τοῦ θεοῦ ἀπέσταλμαι μήτε κτῆσιν ἔχων μήτε οἶκον μήτε γυναῖκα μήτε τέκνα, ἀλλὰ μηδ’ ὑπόστρωμα μηδὲ χιτῶνα μηδὲ σκεῦοσ·

καὶ ἴδετε, πῶσ ὑγιαίνω·

πειράθητέ μου κἂν ἴδητε ἀτάραχον, ἀκούσατε τὰ φάρμακα καὶ ὑφ’ ὧν ἐθεραπεύθην. " τοῦτο γὰρ ἤδη καὶ φιλάνθρωπον καὶ γενναῖον.

ἀλλ’ ὁρᾶτε, τίνοσ ἔργον ἐστίν· τοῦ Διὸσ ἢ ὃν ἂν ἐκεῖνοσ ἄξιον κρίνῃ ταύτησ τῆσ ὑπηρεσίασ, ἵνα μηδαμοῦ μηδὲν παραγυμνώσῃ πρὸσ τοὺσ πολλούσ, δι’ οὗ τὴν μαρτυρίαν τὴν αὑτοῦ, ἣν τῇ ἀρετῇ μαρτυρεῖ καὶ τῶν ἐκτὸσ καταμαρτυρεῖ, αὐτὸσ ἄκυρον ποιήσῃ· οὔτ’ ὠχρήσαντα χρόα κάλλιμον οὔτε παρειῶν δάκρυ’ ὀμορξάμενον. ἀλλ’ οὐδὲ ποθοῦντά τι ἢ ἐπιζητοῦντα, ἄνθρωπον ἢ τόπον ἢ διαγωγήν, ὡσ τὰ παιδία τὸν τρυγητὸν ἢ τὰσ ἀργίασ, αἰδοῖ πανταχοῦ κεκοσμημένον, ὡσ οἱ ἄλλοι τοίχοισ καὶ θύραισ καὶ θυρωροῖσ.

Νῦν δ’ αὐτὸ μόνον κινηθέντεσ πρὸσ φιλοσοφίαν, ὡσ οἱ κακοστόμαχοι πρόσ τι βρωμάτιον, ὃ μετὰ μικρὸν σικχαίνειν μέλλουσιν, εὐθὺσ ἐπὶ τὸ σκῆπτρον, ἐπὶ τὴν βασιλείαν. καθεῖκε τὴν κόμην, ἀνείληφε τρίβωνα, γυμνὸν δεικνύει τὸν ὦμον, μάχεται τοῖσ ἀπαντῶσιν κἂν ἐν φαινόλῃ τινὰ ἴδῃ, μάχεται αὐτῷ.

ἄνθρωπε, χειμάσκησον πρῶτον·

ἰδοῦ σου τὴν ὁρμήν, μὴ κακοστομάχου ἢ κισσώσησ γυναικόσ ἐστιν. ἀγνοεῖσθαι μελέτησον πρῶτον, τίσ εἶ· σαυτῷ φιλοσόφησον ὀλίγον χρόνον. οὕτωσ καρπὸσ γίνεται·

κατορυγῆναι δεῖ εἰσ χρόνον τὸ σπέρμα, κρυφθῆναι, κατὰ μικρὸν αὐξηθῆναι, ἵνα τελεσφορήσῃ. ἂν δὲ πρὸ τοῦ γόνυ φῦσαι τὸν στάχυν ἐξενέγκῃ, ἀτελέσ ἐστιν, ἐκ κήπου Ἀδωνιακοῦ. τοιοῦτον εἶ καὶ σὺ φυτάριον·

θᾶττον τοῦ δέοντοσ ἤνθηκασ, ἀποκαύσει σε ὁ χειμών. ἰδοῦ, τί λέγουσιν οἱ γεωργοὶ περὶ τῶν σπερμάτων, ὅταν πρὸ ὡρ́ασ θερμασίαι γένωνται.

ἀγωνιῶσιν, μὴ ἐξυβρίσῃ τὰ σπέρματα, εἶτα αὐτὰ πάγοσ εἷσ λαβὼν ἐξελέγξῃ. ὁρ́α καὶ σύ, ἄνθρωπε·

ἐξύβρικασ, ἐπιπεπήδηκασ δοξαρίῳ πρὸ ὡρ́ασ· δοκεῖσ τισ εἶναι, μωρὸσ παρὰ μωροῖσ· ἀποπαγήσῃ, μᾶλλον δ’ ἀποπέπηγασ ἤδη ἐν τῇ ῥίζῃ κάτω, τὰ δ’ ἄνω σου μικρὸν ἔτι ἀνθεῖ καὶ διὰ τοῦτο δοκεῖσ ἔτι ζῆν καὶ θάλλειν. ἄφεσ ἡμᾶσ γε κατὰ φύσιν πεπανθῆναι.

τί ἡμᾶσ ἀποδύεισ, τί βιάζῃ; οὔπω δυνάμεθα ἐνεγκεῖν τὸν ἀέρα. ἐάσον τὴν ῥίζαν αὐξηθῆναι, εἶτα γόνυ λαβεῖν τὸ πρῶτον, εἶτα τὸ δεύτερον, εἶτα τὸ τρίτον· εἶθ’ οὕτωσ ὁ καρπὸσ ἐκβιάσεται τὴν φύσιν, κἂν ἐγὼ μὴ θέλω. τίσ γὰρ ἐγκύμων γενόμενοσ καὶ πλήρησ τηλικούτων δογμάτων οὐχὶ αἰσθάνεταί τε τῆσ αὑτοῦ παρασκευῆσ καὶ ἐπὶ τὰ κατάλληλα ἔργα ὁρμᾷ;

ἀλλὰ ταῦροσ μὲν οὐκ ἀγνοεῖ τὴν αὑτοῦ φύσιν καὶ παρασκευήν, ὅταν ἐπιφανῇ τι θηρίον, οὐδ’ ἀναμένει τὸν προτρεψόμενον, οὐδὲ κύων, ὅταν ἴδῃ τι τῶν ἀγρίων ζῴων·

ἐγὼ δ’ ἂν ἴσχω τὴν ἀνδρὸσ ἀγαθοῦ παρασκευήν, ἐκδέξομαι, ἵνα με σὺ παρασκευάσῃσ ἐπὶ τὰ οἰκεῖα ἔργα;

νῦν δ’ οὔπω ἔχω, πίστευσόν μοι. τί οὖν με πρὸ ὡρ́ασ ἀποξηρᾶναι θέλεισ, ὡσ αὐτὸσ ἐξηράνθησ;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Epictetus, Works, book 4, Πρὸσ τοὺσ ταχέωσ ἐπὶ τὸ σχῆμα τῶν φιλοσόφων ἐπιπηδῶντασ.

(에픽테토스, Works, book 4, Πρὸσ τοὺσ ταχέωσ ἐπὶ τὸ σχῆμα τῶν φιλοσόφων ἐπιπηδῶντασ.)

상위

목록

SEARCH

MENU NAVIGATION