Epictetus, Works, book 4, Περὶ ἐλευθερίασ. 163:

δυνάμενοσ διασωθῆναι καὶ τοῦ Κρίτωνοσ αὐτῷ λέγοντοσ ὅτι "ἔξελθε διὰ τὰ παιδία" τί λέγει; ἑρ́μαιον ἡγεῖτο αὐτό; πόθεν; ἀλλὰ τὸ εὔσχημον σκοπεῖ, τἆλλα δ’ οὐδ’ ὁρᾷ, οὐδ’ ἐπιλογίζεται. οὐ γὰρ ἤθελεν, φησίν, σῶσαι τὸ σωμάτιον, ἀλλ’ ἐκεῖνο, ὃ τῷ δικαίῳ μὲν αὔξεται καὶ σῴζεται, τῷ δ’ ἀδίκῳ μειοῦται καὶ ἀπόλλυται. Σωκράτησ δ’ αἰσχρῶσ οὐ σῴζεται, ὁ μὴ ἐπιψηφίσασ Ἀθηναίων κελευόντων, ὁ τοὺσ τυράννουσ ὑπεριδών, ὁ τοιαῦτα περὶ ἀρετῆσ καὶ καλοκἀγαθίασ διαλεγόμενοσ·