Epictetus, Works, book 4, Περὶ ἐλευθερίασ. 84:

οὐκοῦν ἄφοβοσ μὲν οὕτωσ ἔσει καὶ ἀτάραχοσ. λύπη δὲ τί πρὸσ σέ; ὧν γὰρ προσδοκωμένων φόβοσ γίνεται, καὶ λύπη παρόντων. ἐπιθυμήσεισ δὲ τίνοσ ἔτι; τῶν μὲν γὰρ προαιρετικῶν ἅτε καλῶν ὄντων καὶ παρόντων σύμμετρον ἔχεισ καὶ καθισταμένην τὴν ὄρεξιν, τῶν δ’ ἀπροαιρέτων οὐδενὸσ ὀρέγῃ, ἵνα καὶ τόπον σχῇ τὸ ἄλογον ἐκεῖνο καὶ ὠστικὸν καὶ παρὰ τὰ μέτρα ἠπειγμένον; Ὅταν οὖν πρὸσ τὰ πράγματα οὕτωσ ἔχῃσ, τίσ ἔτι ἄνθρωποσ δύναται φοβερὸσ εἶναι;