헬라어 문장 검색 - Διονψσ́ΔεΔιναρ́07́

(디오니시오스, De Dinarcho, chapter 7)

ἔστωσαν δή τινεσ ἐπιγραφόμενοι λόγοι ὡσ ὄντεσ Δεινάρχου, πολλὴν ἔχοντεσ πρὸσ τὰ Λυσιακὰ ὁμοιότητα. τούτων ὁ βουλόμενοσ ποιεῖσθαι τὴν διάγνωσιν πρῶτον μὲν τὴν ἰδιότητα τοῦ ἀνδρὸσ ἐκείνου θεωρείτω, ἔπειτ’ ἐὰν μὲν ἀρετήν τε καὶ χάριν τοῖσ λόγοισ ἐπανθοῦσαν ἴδῃ καὶ τὴν τῶν ὀνομάτων ἐκλογὴν ἐνοῦσαν καὶ τὸ μηδὲν ἄψυχον εἶναι τῶν λεγομένων, θαρρῶν λεγέτω τούτουσ Λυσίου. ἐὰν δὲ μήτε τὸ χάριεν ὅμοιον εὑρίσκῃ μήτε τὸ πιθανὸν καὶ τὸ τῶν ὀνομάτων ἀκριβὲσ μήτε τὸ τῆσ ἀληθείασ ἁπτόμενον, ἐν τοῖσ Δεινάρχου λόγοισ αὐτοὺσ ἐάτω. ὁμοίωσ καὶ ἐπὶ τῶν Ὑπερείδου· ἐὰν τῆσ μὲν λέξεωσ τὸ ἰσχυρόν, τῆσ δὲ συνθέσεωσ τὸ ἁπλοῦν, τῶν δὲ πραγμάτων τὸ εὔκαιρον, τῆσ δὲ κατασκευῆσ τὸ μὴ τραγικὸν μηδὲ ὀγκῶδεσ ἔχῃ ταῦτα γὰρ μέγιστα ἐκείνου τοῦ ἀνδρὸσ ἴδιά ἐστιν, Ὑπερείδου λεγέτω. ἐὰν δὲ ἐνδεεστέρωσ ἐν αὐτοῖσ τούτοισ ἔχῃ, κἂν τὰ ἄλλα πάντα μὴ φαύλωσ ᾖ γεγραμμένα, ἐν τοῖσ Δεινάρχου πάλιν ἀναγραφέτω. τὸ δ’ αὐτὸ καὶ περὶ Δημοσθένουσ ὑπολαμβάνομεν. ἐὰν μὲν καὶ ἡ τῆσ λέξεωσ μεγαλοπρέπεια καὶ ἡ τῆσ συνθέσεωσ ἐξαλλαγὴ καὶ τὸ τῶν παθῶν ἔμψυχον καὶ τὸ διὰ πάσησ κεραίασ διῆκον πικρὸν καὶ νοερὸν τό τε πνεῦμα καὶ ἡ δεινότησ πᾶσι παρέπηται, μηθὲν ἔτι τὸ κωλῦον ἔστω ἐν τοῖσ Δημοσθένουσ αὐτοὺσ ἀναγράφειν. ἐὰν δ’ ἐλλείπῃ τὸ ἐν ἑκάστῳ τούτων ἄκρον ἢ τὸ διὰ πάσησ ἰδέασ ὅμοιον, μενέτωσαν ἐν τοῖσ Δειναρχείοισ.

ὡσ δὲ καθόλου εἰπεῖν, δύο τρόπουσ τῆσ διαφορᾶσ ὡσ πρὸσ τὰ ἀρχαῖα μιμήσεωσ εὑρ́οι τισ ἄν· ὧν ὃ μὲν φυσικόσ τέ ἐστι καὶ ἐκ πολλῆσ κατηχήσεωσ καὶ συντροφίασ λαμβανόμενοσ, ὃ δὲ τούτῳ προσεχὴσ ἐκ τῶν τῆσ τέχνησ παραγγελμάτων. περὶ μὲν οὖν τοῦ προτέρου τί ἄν τισ καὶ λέγοι; περὶ δὲ τοῦ δευτέρου τί ἂν ἔχοι τισ εἰπεῖν ἢ ὅτι πᾶσι μὲν τοῖσ ἀρχετύποισ αὐτοφυήσ τισ ἐπιπρέπει χάρισ καὶ ὡρ́α, τοῖσ δ’ ἀπὸ τούτων κατεσκευασμένοισ, κἂν ἐπ’ ἄκρον μιμήσεωσ ἔλθωσι, πρόσεστίν τι ὅμωσ τὸ ἐπιτετηδευμένον καὶ οὐκ ἐκ φύσεωσ ὑπάρχον. καὶ τούτῳ τῷ παραγγέλματι οὐ ῥήτορεσ μόνον ῥήτορασ διακρίνουσιν ἀλλὰ καὶ ζωγράφοι τὰ Ἀπελλοῦ καὶ τῶν ἐκεῖνον μιμησαμένων καὶ πλάσται τὰ Πολυκλείτου καὶ γλυφεῖσ τὰ Φειδίου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, De Dinarcho, chapter 7

(디오니시오스, De Dinarcho, chapter 7)

상위

목록

SEARCH

MENU NAVIGATION