Dionysius of Halicarnassus, De Dinarcho, chapter 2

(디오니시오스, De Dinarcho, chapter 2)

ἐκ τούτων οὐδὲν ἔστιν οὔτε ἀκριβὲσ ἀλλ’ οὐδὲ ἀληθὲσ εὑρεῖν· οὔτε γὰρ γένοσ τἀνδρὸσ οὔτε χρόνουσ, καθ’ οὓσ ἦν, οὔτε τόπον, ἐν ᾧ διέτριψε, δεδήλωκεν, ὀνόματα δὲ μόνον κοινὰ καὶ περιτρέχοντα ἐσπούδασε καὶ πλῆθοσ λόγων εἶπεν οὐδενὶ τῶν σύμφωνον. ἔδει δὲ τοὐναντίον. ἃ οὖν ἐγὼ αὐτὸσ δι’ ἐμαυτοῦ κατελαβόμην, ταῦτ’ ἐστίν· Δείναρχοσ ὁ ῥήτωρ υἱὸσ μὲν ἦν Σωστράτου, Κορίνθιοσ δὲ τὸ γένοσ, ἀφικόμενοσ δὲ εἰσ Ἀθήνασ, καθ’ ὃν χρόνον ἤνθουν αἵ τε τῶν φιλοσόφων καὶ ῥητόρων διατριβαί, Θεοφράστῳ τε συνεγένετο καὶ Δημητρίῳ τῷ Φαληρεῖ. εὐφυὴσ δὲ περὶ τοὺσ πολιτικοὺσ λόγουσ γενόμενοσ ἀκμαζόντων ἔτι τῶν περὶ Δημοσθένην ἤρξατο λόγουσ γράφειν καὶ προῄει κατὰ μικρὸν εἰσ δόξαν. μάλιστα δὲ ἤκμασε μετὰ τὴν Ἀλεξάνδρου τελευτήν, Δημοσθένουσ μὲν καὶ τῶν ἄλλων ῥητόρων φυγαῖσ ἀιδίοισ καὶ θανάτοισ περιπεσόντων, οὐδενὸσ δ’ ὑπολειπομένου μετ’ αὐτοὺσ ἀνδρὸσ ἀξίου λόγου. καὶ διατετέλεκεν ἐτῶν πεντεκαίδεκα χρόνον λόγουσ συγγράφων τοῖσ βουλομένοισ, ἑώσ Κάσσανδροσ τὴν πόλιν κατέσχεν. οὗ κατέλυσαν τὴν ἐν τῇ Μουνυχίᾳ φρουρὰν ὑπὸ Κασσάνδρου κατασταθεῖσαν οἱ περὶ Ἀντίγονον καὶ Δημήτριον τοὺσ βασιλεῖσ, αἰτίαν ἔχων ἅμα τοῖσ ἐπιφανεστάτοισ Ἀθηναίων καίτοι ξένοσ αὐτὸσ ὢν καταλῦσαι τὸν δῆμον, ὁρῶν ἠρεθισμένουσ τοὺσ Ἀθηναίουσ καὶ μάλιστα τῷ πλουτεῖν ἑαυτὸν ὑφορωμένουσ, μὴ διὰ τοῦτο πάθῃ τι δεινόν, εἰσελθεῖν μὲν εἰσ δικαστήριον οὐχ ὑπέμεινεν, ἐξελθὼν δὲ τῆσ πόλεωσ καὶ ἐλθὼν εἰσ Χαλκίδα τὴν ἐν Εὐβοίᾳ, τὸν ἀπ’ Ἀναξικράτουσ χρόνον ἑώσ Φιλίππου πεντεκαιδεκαετῆ γενόμενον ἐκεῖ διέτριψεν, εἴ τισ αὐτῷ γένοιτο διὰ Θεοφράστου καὶ τῶν ἄλλων φίλων κάθοδοσ, περιμένων.

일치하는 문장이 없습니다.

SEARCH

MENU NAVIGATION