헬라어 문장 검색 - Διονψσ́ΔεΔιναρ́04́

(디오니시오스, De Dinarcho, chapter 4)

προειρημένων δὴ τούτων ἓν ἔτι λείπεται καὶ ἀναγκαιότατον, τὴν ἡλικίαν αὐτοῦ διορίσαι, ἵνα καὶ περὶ τῶν λόγων τῶν τε γνησίων αὐτοῦ καὶ μὴ σαφέσ τι ἔχωμεν λέγειν. τίθεμεν δὴ αὐτὸν ἑβδομηκοστὸν ἔχοντα ἔτοσ ἀπὸ τῆσ φυγῆσ κατεληλυθέναι, ὡσ καὶ αὐτόσ φησι, γέροντα αὑτὸν ἀποκαλῶν· ἀφ’ οὗ χρόνου καὶ καλεῖν τοὺσ ἐν τῇ ἡλικίᾳ ταύτῃ μάλιστα εἰώθαμεν. ὑποκειμένων δὲ τούτων ὁλοσχερεῖ λογισμῷ τὸ γὰρ ἀκριβὲσ οὐκ ἔχομεν εἰή ἂν κατὰ Νικόφημον ἄρχοντα γεγονώσ. εἰ δέ τισ ἢ πρεσβύτερον ἢ νεώτερον τῶν εἰρημένων χρόνων αὐτὸν εἶναι φήσει, πρὸσ τῷ μηδὲν ὑγιὲσ λέγειν καὶ λόγουσ αὖ πολλοὺσ ἀφελεῖται, μᾶλλον δὲ πάντασ πλὴν πέντε ἢ ἕξ, τῶν μὲν πρεσβύτερον αὐτόν, τῶν δὲ νεώτερον εἶναι λέγων. οὐ μὴν ἀλλὰ καὶ ἄρξασθαι λέγοντεσ αὐτὸν λόγουσ συγγράφειν ἀπὸ τοῦ πέμπτου ἢ ἕκτου πρὸσ τῷ εἰκοστῷ ἔτουσ οὐκ ἂν ἁμάρτοιμεν, ἄλλωσ τε καὶ τῶν περὶ Δημοσθένη τότε ἀκμαζόντων. ἕκτοσ δὲ καὶ εἰκοστόσ ἐστιν ἀπὸ Νικοφήμου Πυθόδημοσ. ὥσθ’ ὅσουσ εὑρίσκομεν πρεσβυτέρουσ τούτου τοῦ ἄρχοντοσ εἴ τισ γνησίουσ θήσεται, ἀπιστοίημεν ἂν εἰκότωσ·

ἔτι δὲ καὶ τοὺσ ἀπ’ Ἀναξικράτουσ ἑώσ Φιλίππου τετελεσμένουσ ἀγῶνασ ὁμοίωσ ἐν τοῖσ ψευδέσιν ἀναγράφοιμεν ἄν· οὐ γὰρ εἰσ Χαλκίδα ἄν τινεσ ἔπλεον λόγων χάριν ἢ ἰδίων ἢ δημοσίων· οὐ γὰρ τέλεον ἠπόρουν οὕτω λόγων. ἐπεὶ δὲ ὁ χρόνοσ τἀνδρὸσ ὡσ οἱο͂́ν τε ἀκριβέστατα εὑρ́ηται, πρὸσ ὃν καὶ τῶν λόγων τούσ τε γνησίουσ καὶ μὴ διακρινοῦμεν, καιρὸσ ἤδη καὶ περὶ τοῦ χαρακτῆροσ αὐτοῦ λέγειν. ἔστι δὲ δυσόριστον. οὐδὲν γὰρ οὔτε κοινὸν οὔτ’ ἴδιον ἔσχεν οὔτ’ ἐν τοῖσ ἰδίοισ οὔτ’ ἐν τοῖσ δημοσίοισ ἀγῶσιν, ἀλλὰ καὶ τοῖσ Λυσίου παραπλήσιοσ ἔστιν ὅπου γίνεται καὶ τοῖσ Ὑπερείδου καὶ τοῖσ Δημοσθένουσ λόγοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, De Dinarcho, chapter 4

(디오니시오스, De Dinarcho, chapter 4)

상위

목록

SEARCH

MENU NAVIGATION