헬라어 문장 검색 - Διονψσ́ΔεΔιναρ́08́

(디오니시오스, De Dinarcho, chapter 8)

καὶ οἱ μὲν Πλάτωνα μιμεῖσθαι λέγοντεσ καὶ τὸ μὲν ἀρχαῖον καὶ ὑψηλὸν καὶ εὔχαρι καὶ καλὸν οὐ δυνάμενοι λαβεῖν, διθυραμβώδη δὲ ὀνόματα καὶ φορτικὰ εἰσφέροντεσ κατὰ τοῦτ’ ἐλέγχονται ῥᾳδίωσ. οἱ δὲ Θουκυδίδην ζηλοῦν λέγοντεσ καὶ τὸ μὲν εὔτονον καὶ στερεὸν καὶ δεινὸν καὶ τὰ τούτοισ ὅμοια χαλεπῶσ ἐκλαμβάνοντεσ, τοὺσ δὲ σολοικοφανεῖσ σχηματισμοὺσ καὶ τὸ ἀσαφὲσ προχειριζόμενοι, πάνυ εὐχερῶσ ἂν ἁλίσκοιντο ἐκ τούτου τοῦ παραγγέλματοσ. ὥσ πέρ γε καὶ ἐπὶ τῶν ῥητόρων οἱ μὲν Ὑπερείδην μιμούμενοι, διαμαρτόντεσ τῆσ χάριτοσ ἐκείνησ καὶ τῆσ ἄλλησ δυνάμεωσ, αὐχμηροί τινεσ ἐγένοντο, οἱοῖ γεγόνασι Ῥοδιακοὶ ῥήτορεσ οἱ περὶ Ἀρταμένην καὶ Ἀριστοκλέα καὶ Φιλάγριον καὶ Μόλωνα· οἱ δ’ Ἰσοκράτην καὶ τὰ Ἰσοκράτουσ ἀποτυπώσασθαι θελήσαντεσ ὕπτιοι καὶ ψυχροὶ καὶ ἀσύστροφοι καὶ ἀναληθεῖσ· οὗτοι δ’ εἰσὶν οἱ περὶ Τίμαιον καὶ Ψάωνα καὶ Σωσιγένην.

οἱ δὲ Δημοσθένην προχειρισάμενοι καὶ τὰσ ἀρετὰσ τὰσ ἐκείνου διώκοντεσ τῆσ μὲν προαιρέσεωσ ἕνεκα ἐπῃνέθησαν, οὐ μὴν ἴσχυσαν τὰ κράτιστα τῶν ἐκείνου τοῦ ῥήτοροσ ἔργων λαβεῖν. τούτων ἄριστον ἄν τισ θείη τὸν Δείναρχον γενέσθαι. λείπεται δὲ Δημοσθένουσ κατὰ μὲν τὴν ἐκλογὴν τῶν ὀνομάτων τῇ δεινότητι, κατὰ δὲ τὴν σύνθεσιν τῇ ποικιλίᾳ τῶν σχημάτων καὶ τῇ ἐξαλλαγῇ, κατὰ δὲ τὴν εὑρ́εσιν τῶν ἐπιχειρημάτων τῷ μὴ καινὰ καὶ παράδοξα λαμβάνειν ἀλλὰ φανερὰ καὶ ἐν τῷ μέσῳ κείμενα, κατὰ δὲ τὴν οἰκονομίαν τῇ τάξει καὶ ταῖσ ἐξεργασίαισ τῶν ἐπιχειρημάτων καὶ ταῖσ προκατασκευαῖσ καὶ ταῖσ ἐφόδοισ καὶ τοῖσ ἄλλοισ τεχνικοῖσ παραγγέλμασιν, ἃ περὶ ταύτην ἐστὶ τὴν ἰδέαν, μάλιστα δ’ αὐτοῦ λείπεται τῇ συμμετρίᾳ καὶ τῷ καιρῷ καὶ τῷ πρέποντι. λέγω δὲ ταῦτα οὐκ ἐν τῷ καθόλου τρόπῳ, ὡσ μηδὲν τούτων κατορθοῦντοσ, ἀλλ’ ἐν τῷ κοινοτέρῳ καὶ ὡσ ἐπὶ τὸ πολύ.

δι’ αὐτὸ γὰρ τοῦτο καὶ ἄγροικόν τινεσ Δημοσθένην ἔφασαν αὐτὸν εἶναι, κατὰ τὸ ἐλλιπὲσ τῆσ οἰκονομίασ ταύτην περὶ αὐτοῦ τὴν δόξαν λαβόντεσ· τὸ γὰρ ἄγροικον τοῦ πολιτικοῦ σώματοσ οὐ μορφῇ, κατασκευῇ δὲ καὶ διαθέσει τινὶ τῆσ μορφῆσ διήνεγκεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, De Dinarcho, chapter 8

(디오니시오스, De Dinarcho, chapter 8)

상위

목록

SEARCH

MENU NAVIGATION