헬라어 문장 검색 - Διονψσ́ΔεΔιναρ́03́

(디오니시오스, De Dinarcho, chapter 3)

συγχωρήσαντοσ δὲ τοῦ βασιλέωσ μετὰ τῶν ἄλλων φυγάδων κἀκείνῳ κατελθεῖν, ἀφικόμενοσ εἰσ Ἀθήνασ καὶ παρ’ ἑνὶ τῶν φίλων Προξένῳ καταχθεὶσ τὸ χρυσίον ἀπολλύει γηραιὸσ ὢν ἤδη καὶ τὰσ ὄψεισ ἀσθενήσ. ὀλιγώρωσ δ’ ἔχοντοσ τοῦ Προξένου πρὸσ τὴν ζήτησιν, δίκην ἔλαχεν αὐτῷ περὶ τῶν χρημάτων αὐτὸσ οὐδεπώποτε πρότερον εἰσ δικαστήριον παρελθών. οὗτοσ μὲν ὁ βίοσ τἀνδρόσ. ἀποδείκνυται δ’ ἕκαστον αὐτῶν ἔκ τε τῶν ἱστοριῶν τῶν Φιλοχόρου καὶ ἐξ ὧν αὐτὸσ περὶ αὐτοῦ ξυνέγραψεν ἐν τῷ λόγῳ τῷ κατὰ Προξένου, ὃσ εἴρηται μὲν μετὰ τὴν φυγήν, προσκειμένην δὲ ἔχει τὴν γραφὴν ταύτην· Δείναρχοσ Σωστράτου Κορίνθιοσ Προξένῳ, ᾧ σύνειμι, βλάβησ ταλάντων δύο. ἔβλαψέ με Πρόξενοσ, ὑποδεξάμενοσ εἰσ τὴν οἰκίαν τὴν ἑαυτοῦ τὴν ἐν ἀγρῷ, ὅτε πεφευγὼσ Ἀθήνηθεν κατῄειν ἐκ Χαλκίδοσ, χρυσίου μὲν στατῆρασ ὀγδοήκοντα καὶ διακοσίουσ καὶ πέντε, οὓσ ἐκόμισα ἐκ Χαλκίδοσ εἰδότοσ Προξένου καὶ εἰσῆλθον ἔχων εἰσ τὴν οἰκίαν αὐτοῦ, ἀργυρώματα δὲ οὐκ ἔλαττον εἴκοσι μνῶν ἄξια, ἐπιβουλεύσασ τούτοισ. οὐ μὴν ἀλλὰ καὶ ἐν αὐτῷ τῷ λόγῳ εὐθὺσ μὲν ἐν ἀρχῇ περὶ τοῦ μηδεμίαν δίκην πρότερον εἰσελθεῖν δεδήλωκεν, ἐν δὲ τοῖσ μετὰ ταῦτα πρῶτον μὲν ἐν τῷ προοιμίῳ τὴν βλάβην τὴν γενομένην αὐτῷ διὰ Προξένου δεδήλωκεν, ἐν δὲ τοῖσ ἑξῆσ περί τε τῆσ φυγῆσ καὶ τῶν ἄλλων διεξέρχεται πάντων, ἐξ ὧν γίγνεται φανερὰ τὰ προειρημένα, καὶ ἔτι πρὸσ τούτοισ, ὅτι ξένοσ διέμεινε καὶ γέρων ἤδη ὢν εἶπε τὸν λόγον, ἐξ ὦν ἐπὶ τῷ τέλει τῆσ δίκησ εἴρηκε. ταῦτα μὲν αὐτὸσ ὁ Δείναρχοσ περὶ ἑαυτοῦ.

Φιλόχοροσ δὲ ἐν ταῖσ Ἀττικαῖσ ἱστορίαισ περί τε τῆσ φυγῆσ τῶν καταλυσάντων τὸν δῆμον καὶ περὶ τῆσ καθόδου πάλιν οὕτωσ λέγει· τοῦ γὰρ Ἀναξικράτουσ ἄρχοντοσ εὐθὺ μὲν ἡ τῶν Μεγαρέων πόλισ ἑάλω· ὁ δὲ Δημήτριοσ ὁ βασιλεὺσ κατελθὼν ἐκ τῶν Μεγάρων κατεσκευάζετο τὰ πρὸσ τὴν Μουνυχίαν καὶ τὰ τείχη κατασκάψασ ἀπέδωκε τῷ δήμῳ. ὕστερον δὲ εἰσηγγέλθησαν πολλοὶ τῶν πολιτῶν, ἐν οἷσ καὶ Δημήτριοσ ὁ Φαληρεύσ. τῶν δ’ εἰσαγγελθέντων οὓσ μὲν οὐχ ὑπομείναντασ τὴν κρίσιν ἐθανάτωσαν τῇ ψήφῳ, οὓσ δ’ ὑπακούσαντασ ἀκούσαντασ ἀπέλυσαν. ταῦτα μὲν οὖν τῆσ ὀγδόησ.

ἐν δὲ τῇ ἐνάτῃ φησί· τοῦ δ’ ἐνιαυτοῦ τουδὶ διελθόντοσ, ἑτέρου δ’ εἰσιόντοσ, ἐν ἀκροπόλει σημεῖον ἐγένετο τοιοῦτον· κύων εἰσ τὸν τῆσ Πολιάδοσ νεὼν εἰσελθοῦσα καὶ δῦσα εἰσ τὸ Πανδρόσειον, ἐπὶ τὸν βωμὸν ἀναβᾶσα τοῦ Ἑρκείου Διὸσ τὸν ὑπὸ τῇ ἐλαίᾳ κατέκειτο. πάτριον δ’ ἐστὶ τοῖσ Ἀθηναίοισ, κύνα μὴ ἀναβαίνειν εἰσ ἀκρόπολιν. περὶ τὸν αὐτὸν δὲ χρόνον καὶ ἐν τῷ οὐρανῷ μεθ’ ἡμέραν ἡλίου τ’ ἐξέχοντοσ καὶ οὔσησ αἰθρίασ ἀστὴρ ἐπί τινα χρόνον ἐγένετο ἐκφανήσ. ἡμεῖσ δ’ ἐρωτηθέντεσ ὑπέρ τε τοῦ σημείου καὶ τοῦ φαντάσματοσ, εἰσ ὃ φέρει, φυγάδων κάθοδον ἔφαμεν προσημαίνειν ἀμφότερα καὶ ταύτην οὐκ ἐκ μεταβολῆσ πραγμάτων ἐσομένην, ἀλλ’ ἐν τῇ καθεστώσῃ πολιτείᾳ· καὶ τὴν κρίσιν ἐπιτελεσθῆναι συνέβη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, De Dinarcho, chapter 3

(디오니시오스, De Dinarcho, chapter 3)

상위

목록

SEARCH

MENU NAVIGATION