Dionysius of Halicarnassus, De Dinarcho, chapter 3 3:

ταῦτα μὲν οὖν τῆς ὀγδόης.? ἐν δὲ τῇ ἐνάτῃ φησί: τοῦ δ ἐνιαυτοῦ τουδὶ διελθόντος, ἑτέρου δ εἰσιόντος, ἐν ἀκροπόλει σημεῖον ἐγένετο τοιοῦτον: κύων εἰς τὸν τῆς Πολιάδος νεὼν εἰσελθοῦσα καὶ δῦσα εἰς τὸ Πανδρόσειον, ἐπὶ τὸν βωμὸν ἀναβᾶσα τοῦ Ἑρκείου Διὸς τὸν ὑπὸ τῇ ἐλαίᾳ κατέκειτο. πάτριον δ ἐστὶ τοῖς Ἀθηναίοις, κύνα μὴ ἀναβαίνειν εἰς ἀκρόπολιν. περὶ τὸν αὐτὸν δὲ χρόνον καὶ ἐν τῷ οὐρανῷ μεθ ἡμέραν ἡλίου τ ἐξέχοντος καὶ οὔσης αἰθρίας ἀστὴρ ἐπί τινα χρόνον ἐγένετο ἐκφανής. ἡμεῖς δ ἐρωτηθέντες ὑπέρ τε τοῦ σημείου καὶ τοῦ φαντάσματος, εἰς ὃ φέρει, φυγάδων κάθοδον ἔφαμεν προσημαίνειν ἀμφότερα καὶ ταύτην οὐκ ἐκ μεταβολῆς πραγμάτων ἐσομένην, ἀλλ ἐν τῇ καθεστώσῃ πολιτείᾳ: καὶ τὴν κρίσιν ἐπιτελεσθῆναι συνέβη.