Dionysius of Halicarnassus, Antiquitates Romanae, Books X-XX, book 11, chapter 50

(디오니시오스, Antiquitates Romanae, Books X-XX, book 11, chapter 50)

ἀποψηφισαμένησ δὲ τῆσ βουλῆσ τὸν θρίαμβον ἀγανακτοῦντεσ οἱ περὶ τὸν Οὐαλέριον καὶ δεινὴν ὕβριν ὑπολαμβάνοντεσ ὑβρίζεσθαι συνεκάλεσαν εἰσ ἐκκλησίαν τὸ πλῆθοσ· καὶ πολλὰ τῆσ βουλῆσ κατηγορήσαντεσ, συναγορευσάντων αὐτοῖσ τῶν δημάρχων καὶ νόμον εἰσηγησαμένων, παρὰ τοῦ δήμου λαμβάνουσι τὴν καταγωγὴν τοῦ θριάμβου, πρῶτοι Ῥωμαίων ἁπάντων τοῦτο εἰσηγησάμενοι τὸ ἔθοσ. ἐκ δὲ τούτου πάλιν εἰσ ἐγκλήματα καὶ διαφορὰσ οἱ δημοτικοὶ καθίσταντο πρὸσ τοὺσ πατρικίουσ·

παρώξυνον δ’ αὐτοὺσ οἱ δήμαρχοι καθ’ ἡμέραν ἐκκλησιάζοντεσ καὶ πολλὰ κατὰ τῆσ βουλῆσ λέγοντεσ. ἦν δ’ ἡ μάλιστα ἐρεθίζουσα τοὺσ πολλοὺσ ὑπόληψισ, ἣν ἐκεῖνοι παρεσκεύασαν ἰσχυρὰν γενέσθαι, φήμαισ τ’ ἀδεσπότοισ καὶ εἰκασμοῖσ αὐξηθεῖσα οὐκ ὀλίγοισ, ὡσ καταλυσόντων τῶν πατρικίων τοὺσ νόμουσ, οὓσ ἐκύρωσαν οἱ περὶ Οὐαλέριον ὕπατοι· δόξα τ’ ἰσχυρὰ καὶ οὐ πολὺ ἀπέχουσα τοῦ πίστισ εἶναι τοὺσ πολλοὺσ κατεῖχε.

καὶ τὰ μὲν ἐπὶ τούτων πραχθέντα τῶν ὑπάτων ταῦτ’ ἦν.

SEARCH

MENU NAVIGATION