헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 11, chapter 47)

ἐπεὶ δ’ αἱ κατὰ πόλιν ἐπαύσαντο ταραχαί, συναγαγόντεσ τὴν βουλὴν οἱ ὕπατοι δόγμα κυροῦσιν ἐξάγειν τὸν στρατὸν ἐπὶ τοὺσ πολεμίουσ διὰ ταχέων. ἐπικυρώσαντοσ δὲ τοῦ δήμου τὰ ψηφισθέντα ὑπὸ τῆσ βουλῆσ Οὐαλέριοσ μὲν ἅτεροσ τῶν ὑπάτων τὴν ἡμίσειαν ἔχων τοῦ στρατοῦ μοῖραν ἐξῆγεν ἐπί τ’ Αἰκανοὺσ καὶ Οὐολούσκουσ· συνῆλθε γὰρ ἀμφότερα τὰ ἔθνη. ἔτι μᾶλλον ἐβούλετο ἐπᾶραι καὶ θρασυτέρουσ ποιῆσαι δόξαν οὐκ ἀληθῆ παρασχών, ὡσ ὀρρωδῶν εἰσ χεῖρασ ἰέναι πρὸσ αὐτοὺσ καὶ πάντα δεδιότωσ ἐποίει.

χωρίον τε γὰρ εἰσ στρατοπεδείαν ὑψηλὸν καὶ δυσπρόσιτον ἐξελέξατο τάφρον τε βαθεῖαν περιεβάλετο καὶ χάρακασ ἤγειρεν ὑψηλούσ.

προκαλουμένων δὲ τῶν πολεμίων αὐτὸν εἰσ μάχην πολλάκισ καὶ κακιζόντων τὴν ἀνανδρίαν ἠνείχετο μένων ἐφ’ ἡσυχίασ. ἐπεὶ δ’ ἔγνω τὴν κρατίστην τῶν πολεμίων δύναμιν ἐπὶ προνομὴν τῆσ Ἑρνίκων τε καὶ Λατίνων γῆσ ἐξεληλυθυῖαν, ἐν δὲ τῷ χάρακι φυλακὴν οὔτε πολλὴν καταλειπομένην οὔτ’ ἀγαθήν, τοῦτον εἶναι νομίσασ τὸν καιρὸν ἐπιτήδειον ἐξῆγε κεκοσμημένην τὴν στρατιὰν καὶ παρέστησεν ὡσ εἰσ μάχην. οὐδενόσ τ’ ἀντεπιόντοσ ἐκείνην μὲν τὴν ἡμέραν ἐπεῖχε, τῇ δ’ ἑξῆσ ἐπὶ τὴν ἀποσκευὴν αὐτῶν ἦγεν οὐ σφόδρα ὀχυρὰν οὖσαν.

μαθόντεσ δὲ πολιορκούμενον τὸν χάρακα οἱ προεξεληλυθότεσ ἐπὶ τὰσ προνομὰσ ταχέωσ ἧκον, πλὴν οὐχ ἅμα καὶ ἐν κόσμῳ, σποράδεσ δὲ καὶ κατ’ ὀλίγουσ ὡσ ἕκαστοι εἶχον ἐπιφαινόμενοι·

οἵ τ’ ἐκ τοῦ χάρακοσ ἐπεὶ τοὺσ σφετέρουσ προσιόντασ ἐθεάσαντο, θρασύτεροι γεγονότεσ ἐξῆλθον ἀθρόοι. καὶ γίνεται μέγασ ἀγὼν καὶ φόνοσ ἐξ ἀμφοτέρων πολύσ, ἐν ᾧ νικήσαντεσ οἱ Ῥωμαῖοι τούσ τε συστάδην μαχομένουσ ἐτρέψαντο καὶ τοὺσ φεύγοντασ ἐπιδιώκοντεσ, οὓσ μὲν ἀπέκτειναν, οὓσ δ’ αἰχμαλώτουσ ἔλαβον, τοῦ δὲ χάρακοσ αὐτῶν κρατήσαντεσ χρήματα πολλὰ καὶ λείαν ἄφθονον περιεβάλοντο.

Οὐαλέριοσ μὲν δὴ ταῦτα διαπραξάμενοσ ἀδεῶσ ἤδη τὴν γῆν τῶν πολεμίων ἐπιὼν ἐδῄου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 11, chapter 47

(디오니시오스, Antiquitates Romanae, Books X-XX, book 11, chapter 47)

상위

목록

SEARCH

MENU NAVIGATION