헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 11, chapter 43)

ὁ δὲ Οὐεργίνιοσ ὑπό τ’ ὀργῆσ καὶ ἐκ τοῦ μηδὲν ἔτι δεδοικέναι τοὺσ ἡγεμόνασ αὐθαδέστερον αὐτῶν καθήπτετο λυμεῶνασ τε καὶ ὀλέθρουσ τῆσ πατρίδοσ ἀποκαλῶν καὶ παραινῶν τοῖσ λοχαγοῖσ ἅπασιν ἀραμένουσ τὰ σημεῖα οἴκαδε ἀπάγειν τὴν στρατιάν. ὀρρωδούντων δ’ ἔτι τῶν πολλῶν τὰ ἱερὰ σημεῖα κινεῖν, ἔπειτα τοὺσ ἡγεμόνασ καὶ τοὺσ στρατηγοὺσ καταλιπεῖν οὔτε ὅσιον οὔτ’ ἀσφαλὲσ εἶναι πᾶσι νομιζόντων·

γὰρ ὁρ́κοσ ὁ στρατιωτικόσ, ὃν ἁπάντων μάλιστα ἐμπεδοῦσι Ῥωμαῖοι, τοῖσ στρατηγοῖσ ἀκολουθεῖν κελεύει τοὺσ στρατευομένουσ, ὅποι ποτ’ ἂν ἄγωσιν, ὅ τε νόμοσ ἀποκτείνειν ἔδωκε τοῖσ ἡγεμόσιν ἐξουσίαν τοὺσ ἀπειθοῦντασ·

ἢ τὰ σημεῖα καταλιπόντασ ἀκρίτωσ·

ταῦτα δὴ δι’ εὐλαβείασ αὐτοὺσ ἔχοντασ ὁρῶν Οὐεργίνιοσ ἐδίδασκεν, ὅτι λέλυκεν αὐτῶν τὸν ὁρ́κον ὁ νόμοσ, ἐπειδὴ νόμῳ μὲν ἀποδειχθέντα δεῖ τὸν στρατηγὸν ἄρχειν τῶν δυνάμεων, ἡ δὲ τῶν δέκα ἀνδρῶν ἐξουσία παράνομοσ ἦν ὑπερβαλοῦσα τὸν ἐνιαύσιον χρόνον, εἰσ ὃν ἀπεδείχθη. τὸ δὲ τοῖσ μὴ κατὰ νόμον ἄρχουσι ποιεῖν τὸ κελευόμενον οὐκ εὐπείθειαν εἶναι καὶ εὐσέβειαν, ἀλλ’ ἄνοιαν καὶ μανίαν. ταῦτ’ ἀκούσαντεσ ὀρθῶσ λέγεσθαι ἡγούμενοι καὶ παρακελευόμενοί τε ἀλλήλοισ καί τι καὶ θάρσοσ ἐκ τοῦ δαιμονίου λαβόντεσ αἴρονται τὰ σημεῖα καὶ προῆγον ἐκ τοῦ χάρακοσ.

ἔμελλον δ’, ὅπερ εἰκὸσ ἐν ποικίλοισ τ’ ἤθεσι καὶ οὐχ ἅπασι τὰ κράτιστα διανοουμένοισ, ἔσεσθαί τινεσ οἱ μένοντεσ ἅμα τοῖσ ὀλιγάρχαισ καὶ στρατιῶται καὶ λοχαγοί, πλὴν οὐ τοσοῦτοι τὸ πλῆθοσ, ἀλλ’ ἐλάττουσ παρὰ πολὺ τῶν ἑτέρων. οἱ δ’ ἐξελθόντεσ ἐκ τοῦ στρατοπέδου δι’ ὅλησ ἡμέρασ ἐπιπορευθέντεσ ἑσπέρασ καταλαβούσησ παρῆσαν εἰσ τὴν πόλιν οὐδενὸσ ἐξαγγείλαντοσ αὐτῶν τὴν ἔφοδον, καὶ συνετάραξαν τοὺσ ἔνδον οὐ μετρίωσ πολέμιον οἰομένουσ στρατὸν εἰσεληλυθέναι·

κραυγή τε καὶ δρόμοσ ἄτακτοσ ἀνὰ τὴν πόλιν ἦν.

οὐ μὴν ἐπὶ πολύν γε διέμεινεν ἡ ταραχὴ χρόνον, ὥστε κακόν τι γενέσθαι δι’ αὐτήν. διεξιόντεσ γὰρ τοὺσ στενωποὺσ ἐβόων, ὅτι φίλοι τ’ εἰσὶ καὶ ἐπ’ ἀγαθῷ τῆσ πόλεωσ εἰσεληλύθασι, καὶ τὰ ἔργα ὅμοια παρείχοντο τοῖσ λόγοισ ἀδικοῦντεσ οὐδένα. ἀφικόμενοι δ’ εἰσ τὸν καλούμενον Αουἐντῖνον ‐ ἔστι δὲ τῶν ἐμπεριεχομένων ἐν τῇ Ῥώμῃ λόφων οὗτοσ ἐπιτηδειότατοσ ἐνστρατοπεδεύεσθαι ‐ περί τε τὸ τῆσ Ἀρτέμιδοσ ἱερὸν τίθενται τὰ ὅπλα, τῇ δ’ ἑξῆσ ἡμέρᾳ κρατυνάμενοι τὸν χάρακα καὶ χιλιάρχουσ δέκα τῶν κοινῶν ἀποδείξαντεσ κυρίουσ, ὧν ἡγεμὼν ἦν Μάρκοσ Ὄππιοσ, ἔμενον ἐφ’ ἡσυχίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 11, chapter 43

(디오니시오스, Antiquitates Romanae, Books X-XX, book 11, chapter 43)

상위

목록

SEARCH

MENU NAVIGATION