헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 11, chapter 40)

τὰ μὲν δὴ κατὰ πόλιν ἐν τοιαύταισ ἦν ταραχαῖσ. Οὐεργίνιοσ δ’, ὃν ἔφην αὐτόχειρα γενέσθαι τῆσ ἑαυτοῦ θυγατρόσ, ἀπὸ ῥυτῆροσ ἐλαύνων τὸν ἵππον ἀφικνεῖται περὶ λύχνων ἁφὰσ ἐπὶ τὸν πρὸσ Ἀλγιδῷ χάρακα, τοιοῦτοσ οἱο͂σ ἐκ τῆσ πόλεωσ ἐξέδραμεν, αἵματι πεφυρμένοσ ἅπασ καὶ τὴν μαγειρικὴν σφαγίδα διὰ χειρὸσ ἔχων. ἰδόντεσ δ’ αὐτὸν οἱ πρὸ τοῦ στρατοπέδου τὰσ φυλακὰσ φυλάττοντεσ ἐν ἀπόρῳ τ’ ἦσαν ὅ τι πέπονθεν εἰκάσαι, καὶ παρηκολούθουν ὡσ ἀκουσόμενοι μέγα πρᾶγμα καὶ δεινόν.

ὁ δὲ τέωσ μὲν ἐπορεύετο κλαίων καὶ διασημαίνων τοῖσ ὁμόσε χωροῦσιν ἀκολουθεῖν· ἐξέτρεχον δ’ ἐκ τῶν σκηνῶν ἃσ διεπορεύετο μεταξὺ δειπνοῦντεσ ἅπαντεσ ἀθρόοι φανοὺσ ἔχοντεσ καὶ λαμπάδασ, ἀγωνίασ πλήρεισ καὶ θορύβου περιεχόμενοι περὶ αὐτὸν ἠκολούθουν.

ἐπεὶ δ’ εἰσ τὸν ἀναπεπταμένον τοῦ στρατοπέδου τόπον ἦλθεν, ἐπὶ μετεώρου τινὸσ στάσ, ὥσθ’ ὑπὸ πάντων ὁρᾶσθαι, διηγεῖτο τὰσ καταλαβούσασ αὐτὸν συμφοράσ, μάρτυρασ τῶν λόγων παρεχόμενοσ τοὺσ σὺν αὐτῷ παρόντασ ἐκ τῆσ πόλεωσ.

ὡσ δὲ κατέμαθεν ὀλοφυρομένουσ τε πολλοὺσ καὶ δακρύοντασ, εἰσ ἱκεσίασ καὶ δεήσεισ αὐτῶν ἐτράπετο, μὴ περιιδεῖν μήτ’ αὐτὸν ἀτιμώρητον γενόμενον μήτε τὴν πατρίδα προπηλακιζομένην. λέγοντι δ’ αὐτῷ ταῦτα πολὺ τὸ βουλόμενον ἐξ ἁπάντων ἀκούειν καὶ ἐπικελευόμενον λέγειν ἐγίνετο. προπηλακισμοὺσ καὶ τὰσ ἄλλασ αὐτῶν παρανομίασ τε καὶ ὠμότητασ ἐκλογιζόμενοσ·

καὶ ταῦτ’, ἔφη, προπηλακίζουσιν ἡμᾶσ οἱ μήτε νόμῳ τὴν ἐξουσίαν ἔχοντεσ μήτε ψηφίσματι βουλῆσ ἢ δήμου συγχωρήματι λαβόντεσ, ‐ ὁ γὰρ ἐνιαύσιοσ αὐτοῖσ τῆσ ἀρχῆσ χρόνοσ, ὃν ἐχρῆν αὐτοὺσ ἄρξαντασ ἑτέροισ παραδοῦναι τὰ κοινά, παρελήλυθεν, ‐ ἀλλ’ ἐκ τοῦ βιαιοτάτου τῶν τρόπων, πολλὴν δειλίαν καὶ μαλακίαν καταγνόντεσ ἡμῶν ὥσπερ γυναικῶν.

εἰσελθέτω δὴ λογισμὸσ ἕκαστον ὑμῶν ὧν τ’ αὐτὸσ πέπονθε καὶ ὧν οἶδεν ἑτέρουσ παθόντασ·

καὶ εἴ τισ ὑμῶν δελεαζόμενοσ ὑπ’ αὐτῶν ἡδοναῖσ τισιν ἢ χάρισιν οὐ πεφόβηται τὴν ὀλιγαρχίαν οὐδὲ δέδοικε, μὴ καὶ ἐπ’ αὐτὸν ἔλθοι ποτὲ σὺν χρόνῳ τὰ δεινά, μαθὼν ὅτι τυράννοισ οὐδέν ἐστι πιστόν, οὐδ’ ἀπ’ εὐνοίασ αἱ τῶν κρατούντων δίδονταί τισι χάριτεσ, καὶ πάντα τὰ ὅμοια τούτοισ, μεταγνώτω· καὶ μιᾷ διανοίᾳ χρησάμενοι πάντεσ ἐλευθεροῦτε ἀπὸ τῶν τυράννων τὴν πατρίδα, ἐν ᾗ θεῶν τε ὑμῖν ἱερὰ ἵδρυται καὶ θῆκαι προγόνων εἰσίν, οὓσ ὑμεῖσ τιμᾶτε μετὰ θεούσ, καὶ γηραιοὶ πατέρεσ τροφεῖα πολλὰ καὶ ἄξια τῶν πόνων ἀπαιτοῦντεσ, γυναῖκέσ τε κατὰ νόμουσ ἐγγυηθεῖσαι καὶ·

θυγατέρεσ ἐπίγαμοι φροντίδοσ οὐ μικρᾶσ δεόμεναι τοῖσ ἔχουσι καὶ γοναὶ παίδων ἀρρένων, οἷσ ὀφείλεται τὰ δίκαια φύσεωσ προγόνων.

οἰκίασ γὰρ δὴ καὶ κλήρουσ καὶ χρήματα σὺν πολλοῖσ κτηθέντα πόνοισ ὑπὸ πατέρων καὶ ὑμῶν αὐτῶν σιωπῶ·

ὧν οὐδὲν ὑμῖν ἔξεστι βεβαίωσ ἔχειν, ἑώσ ἂν ὑπὸ τῶν δέκα τυραννῆσθε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 11, chapter 40

(디오니시오스, Antiquitates Romanae, Books X-XX, book 11, chapter 40)

상위

목록

SEARCH

MENU NAVIGATION