헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 11, chapter 39)

ἐλπίδα τῆσ κολάσεωσ καὶ οὐκ ἔχων, ὅ τι χρήσεται τοῖσ ἀνδράσι τὴν ὀλεθριωτάτην ἔγνω βαδίζειν ὁδόν. ὡσ γὰρ ἔτι τοῦ πλήθουσ αὐτῷ διαμένοντοσ οἰκείου ἀναβὰσ ἐπὶ τοῦ Ἡφαίστου τὸ ἱερὸν ἐκάλει τὸν δῆμον εἰσ ἐκκλησίαν καὶ κατηγορεῖν ἐπειρᾶτο τῶν ἀνδρῶν παρανομίαν τε καὶ ὕβριν, ἐξουσίᾳ δημαρχικῇ καὶ ἐλπίδι κούφῃ ἐπαιρόμενοσ, ὅτι συναγανακτήσασ ὁ δῆμοσ αὐτῷ παρήσει ῥῖψαι τοὺσ ἄνδρασ κατὰ τῆσ πέτρασ. οἱ δὲ περὶ τὸν Οὐαλέριον ἕτερον τόπον τῆσ ἀγορᾶσ καταλαβόμενοι καὶ τὸ πτῶμα τῆσ παρθένου θέντεσ, ὅθεν ὑπὸ πάντων ὀφθήσεσθαι ἔμελλεν, ἑτέραν συνῆγον ἐκκλησίαν καὶ πολλὴν ἐποιοῦντο τοῦ τ’ Ἀππίου καὶ τῶν ἄλλων ὀλιγαρχῶν κατηγορίαν.

πόθοσ εἰσ ταύτην τὴν ἐκκλησίαν παρακαλῶν πλείουσ τῶν ἑτέρων συνάξειν, ὥστ’ ὀλίγουσ τινὰσ ὑπολειφθῆναι περὶ τὸν Ἄππιον, αὐτοὺσ δὴ τοὺσ ὀλιγαρχικούσ, ἐν οἷσ ἦσάν τινεσ οὐκέτι τῆσ ὀλιγαρχικῆσ αὐτῶν ἀκροώμενοι, διὰ πολλὰσ προφάσεισ, ἀλλ’, εἰ γένοιτο ἰσχυρὰ τὰ τῶν ἐναντίων, ἄσμενοι χωρήσειν ἐπ’ ἐκείνουσ.

ἐρημούμενον δὴ θεωρῶν ἑαυτὸν ὁ Ἄππιοσ ἠναγκάσθη μεταγνῶναι καὶ ἀπελθεῖν ἐκ τῆσ ἀγορᾶσ, ὃ καὶ μάλιστ’ ὤνησεν αὐτόν.

ἐπιβαλλόμενοσ γὰρ ὑπὸ τοῦ δημοτικοῦ πλήθουσ καλὰσ ἔτισεν ἂν αὐτῷ τὰσ δίκασ. μετὰ τοῦτ’ ἐξουσίασ ὅσησ ἐβούλοντο τυχόντεσ οἱ περὶ τὸν Οὐαλέριον ἐνεφοροῦντο τῶν κατ’ ὀλιγαρχίασ λόγων καὶ τοὺσ ἔτι ἐνδοιάζοντασ ἐξεδημαγώγουν.

τῆσ κόρησ συγγενεῖσ κλίνην τε κομίσαντεσ εἰσ τὴν ἀγορὰν καὶ τὸν ἄλλον κόσμον τὸν ἐπιτάφιον οἱο͂ν ἐδύναντο πολυτελέστατον παρασκευάσαντεσ, καὶ τὴν ἐκφορὰν τοῦ σώματοσ διὰ τῶν ἐπιφανεστάτων τῆσ πόλεωσ ποιησάμενοι στενωπῶν, ὅθεν ὑπὸ πλείστων ὀφθήσεσθαι ἔμελλον.

ἐξεπήδων γὰρ ἐκ τῶν οἰκιῶν γυναῖκέσ τε καὶ παρθένοι τὸ πάθοσ ἀποδυρόμεναι, αἱ μὲν ἄνθη καὶ στεφάνουσ βάλλουσαι κατὰ τῆσ κλίνησ, αἱ δὲ τελαμῶνασ ἢ μίτρασ, αἱ δὲ ἀθύρματα παρθενικά, καί που τινὲσ καὶ πλοκάμων ἀποκειράμεναι βοστρύχουσ.

ἄνδρεσ τε συχνοὶ λαμβάνοντεσ ἐκ τῶν πλησίον ἐργαστηρίων τὰ μὲν ὠνῇ, τὰ δὲ χάριτι συνεπεκόσμουν τοῖσ προσφόροισ δωρήμασι τὴν ἐκκομιδήν, ὥστε περιβόητον ἀνὰ τὴν πόλιν γενέσθαι τὸ κῆδοσ, καὶ προθυμίαν ἅπαντασ καταλαβεῖν τῆσ τῶν ὀλιγαρχικῶν καταλύσεωσ.

ἀλλ’ οἱ φρονοῦντεσ τὰ τῆσ ὀλιγαρχίασ ὅπλα ἔχοντεσ μέγα παρεῖχον αὐτοῖσ δέοσ, οἵ τε περὶ τὸν Οὐαλέριον οὐκ ἠξίουν αἵματι πολιτικῷ τὸ νεῖκοσ διαιρεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 11, chapter 39

(디오니시오스, Antiquitates Romanae, Books X-XX, book 11, chapter 39)

상위

목록

SEARCH

MENU NAVIGATION