헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 11, chapter 38)

ὁ δὲ Ἄππιοσ, ὡσ τὸ περὶ τὴν κόρην ἐπέγνω πάθοσ, ἀναπηδᾷ τε ἀπὸ τοῦ δίφρου καὶ διώκειν τὸν Οὐεργίνιον ἐβούλετο πολλὰ καὶ λέγων καὶ πράττων ἄκοσμα. περιστάντων δ’ αὐτὸν τῶν φίλων καὶ μηδὲν ἐξαμαρτάνειν ἀξιούντων ἀπῄει πρὸσ ἅπαντασ ἀγανακτῶν.

ἤδη δ’ αὐτῷ κατ’ οἰκίαν ὄντι προσαγγέλλουσι τῶν ἑταίρων τινέσ, ὅτι περὶ τὸ πτῶμα τῆσ κόρησ Ἰκίλιόσ τε ὁ κηδεστὴσ καὶ Νομιτώριοσ ὁ θεῖοσ σὺν τοῖσ ἄλλοισ ἑταίροισ τε καὶ συγγενέσιν ἑστῶτεσ ῥητὰ καὶ ἄρρητα κατ’ αὐτοῦ λέγουσι καὶ καλοῦσι τὸν δῆμον ἐπὶ τὴν ἐλευθερίαν.

ὁ δ’ ὑπ’ ὀργῆσ ὡσ εἶχε πέμπει τῶν ῥαβδούχων τινὰσ κελεύσασ ἀπάγειν εἰσ τὸ δεσμωτήριον τοὺσ κεκραγότασ καὶ τὸ πτῶμα μεταφέρειν ἐκ τῆσ ἀγορᾶσ·

ἀφρονέστατον πρᾶγμα ποιῶν καὶ τοῖσ τότε καιροῖσ ἥκιστα ἁρμόττον. δέον γὰρ ἀποθεραπεύειν τὸν ὄχλον ὀργῆσ εἰληφότα δικαίαν πρόφασιν, εἴξαντα μὲν ἐν τῷ παραχρῆμα χρόνῳ, ὕστερον δὲ τὰ μὲν ἀπολογούμενον, τὰ δὲ παραιτούμενον, τὰ δ’ ἑτέραισ τισὶν εὐεργεσίαισ ἀναλαβόντα, ἐπὶ τὸ βιαιότερον ἐνεχθεὶσ εἰσ ἀπόνοιαν αὐτοὺσ ἠνάγκασε τραπέσθαι. τῶν ἐπιβαλλομένων ἕλκειν τὴν νεκρὰν ἢ τοὺσ ἄνδρασ εἰσ τὸ δεσμωτήριον ἀπάγειν, ἀλλ’ ἐμβοήσαντεσ ἑαυτοῖσ σὺν ὠθισμῷ τε καὶ πληγαῖσ τῶν βιαζομένων ἐξέβαλον αὐτοὺσ ἐκ τῆσ ἀγορᾶσ.

ὥστ’ ἠναγκάσθη ἀκούσασ ταῦθ’ ὁ Ἄππιοσ ἅμα συχνοῖσ ἑταίροισ καὶ πελάταισ εἰσ τὴν ἀγορὰν πορεύεσθαι παίειν κελεύων καὶ ἀνείργειν ἐκποδὼν τοὺσ ἐν τοῖσ στενωποῖσ. Ὁράτιοσ, οὓσ ἔφην ἡγεμονικωτάτουσ εἶναι τῶν ἀντιποιουμένων τῆσ ἐλευθερίασ, πολλὴν καὶ ἀγαθὴν νεότητα περὶ αὑτοὺσ ἄγοντεσ ἵστανται πρὸ τοῦ νεκροῦ καὶ ἐπειδὴ πλησίον αὐτῶν οἱ περὶ τὸν Ἄππιον ἐγίνοντο, πρῶτον μὲν εἰσ λόγουσ ἐπαχθεῖσ καὶ προπηλακιστὰσ κατὰ τῆσ ἐξουσίασ αὐτῶν ἐχώρουν, ἔπειτα καὶ τὰ ἔργα ὅμοια τοῖσ λόγοισ παρείχοντο παίοντέσ τε καὶ ἀνατρέποντεσ τοὺσ ὁμόσε χωροῦντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 11, chapter 38

(디오니시오스, Antiquitates Romanae, Books X-XX, book 11, chapter 38)

상위

목록

SEARCH

MENU NAVIGATION