헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 11, chapter 34)

ὁ δὲ τῆσ κόρησ πατὴρ καὶ οἱ λοιποὶ συγγενεῖσ ἀπελογοῦντο περὶ τῆσ ὑποβολῆσ πολλὰ καὶ δίκαια καὶ ἀληθῆ λέγοντεσ, ὡσ οὔτ’ αἰτίαν οὐδεμίαν εἶχεν ὑποβολῆσ εὔλογον ἡ Νομιτωρίου μὲν ἀδελφή, Οὐεργινίου δὲ γυνή, παρθένοσ γαμηθεῖσα νέῳ ἀνδρὶ καὶ οὐ μετὰ πολλοὺσ τοῦ γάμου τεκοῦσα χρόνουσ· οὔτ’ εἰ τὰ μάλιστα ἐβούλετο γένοσ ἀλλότριον εἰσ τὸν ἴδιον οἶκον εἰσαγαγεῖν, δούλησ ἀλλοτρίασ ἂν ἐλάμβανε παιδίον μᾶλλον ἢ οὐ γυναικὸσ ἐλευθέρασ κατὰ γένοσ ἢ φιλίαν αὐτῇ προσηκούσησ, παρ’ ἧσ πιστῶσ τε ἅμα καὶ βεβαίωσ ἕξει τὸ ληφθέν. ἐξουσίαν τε ἔχουσαν ὁποῖον ἐβούλετο λαβεῖν, ἄρρεν ἂν ἑλέσθαι παιδίον μᾶλλον ἢ θῆλυ. τοῦ χείρονοσ εἰκὸσ εἶναι λαβεῖν.

πρόσ τε τὸν μηνυτὴν καὶ τοὺσ μάρτυρασ, οὓσ ὁ Κλαύδιοσ ἔφη πολλοὺσ καὶ ἀξιοχρέουσ παρέξεσθαι, τὸν ἐκ τῶν εἰκότων παρείχοντο λόγον, ὡσ οὐκ ἄν ποτε ἡ Νομιτωρία πρᾶγμα σιγῆσ δεόμενον καὶ δι’ ἑνὸσ ὑπηρετηθῆναι προσώπου δυνάμενον, φανερῶσ ἔπραττε καὶ μετὰ μαρτύρων ἐλευθέρων, ἵν’ ἐκτραφεῖσαν τὴν κόρην ὑπὸ τῶν κυρίων τῆσ μητρὸσ ἀφαιρεθείη. τόν τε χρόνον οὐ μικρὸν ἔλεγον εἶναι τεκμήριον τοῦ μηδὲν ὑγιὲσ λέγειν τὸν κατήγορον·

οὔτε γὰρ ἂν τὸν μηνυτὴν οὔτε τοὺσ μάρτυρασ κατασχεῖν ἐν πεντεκαίδεκα ἔτεσιν ἀπόρρητον τὴν ὑποβολήν, ἀλλ’ ἔτι πρότερον εἰπεῖν. διαβάλλοντεσ δὲ τὰσ τῶν κατηγόρων πίστεισ οὔτ’ ἀληθεῖσ οὔτε πιθανὰσ ἀντιπαρεξετάζειν ταύταισ ἠξίουν τὰσ ἑαυτῶν, πολλὰσ καὶ οὐκ ἀσήμουσ γυναῖκασ ὀνομάζοντεσ, ἃσ ἔφασαν εἰδέναι Νομιτωρίαν ἐγκύμονα γενομένην ἐκ τοῦ περὶ τὴν γαστέρα ὄγκου.

χωρὶσ δὲ τούτων τὰσ ἐπὶ τοῦ τόκου καὶ τῆσ λοχείασ παραγενομένασ διὰ τὸ συγγενὲσ καὶ τικτόμενον τὸ παιδίον ἰδούσασ ἐπεδείκνυντο καὶ ἀνακρίνειν ἠξίουν.

ὃ δὲ πάντων τεκμήριον ἦν περιφανέστατον ἔκ τε τῶν ἀνδρῶν πολλῶν καὶ γυναικῶν μαρτυρούμενον οὐ μόνον ἐλευθέρων, ἀλλὰ καὶ δούλων, τοῦτ’ ἔλεγον τελευτῶντεσ, ὅτι τῷ γάλακτι τῆσ μητρὸσ ἐτράφη τὸ παιδίον·

ἀμήχανον δ’ εἶναι γάλακτοσ πληρωθῆναι μαστοὺσ γυναικὶ μὴ τεκούσῃ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 11, chapter 34

(디오니시오스, Antiquitates Romanae, Books X-XX, book 11, chapter 34)

상위

목록

SEARCH

MENU NAVIGATION