Dionysius of Halicarnassus, Antiquitates Romanae, Books X-XX, book 11, chapter 31

(디오니시오스, Antiquitates Romanae, Books X-XX, book 11, chapter 31)

τοιαῦτα τοῦ Νομιτωρίου λέξαντοσ καὶ τοῦ περιεστηκότοσ ὄχλου μεγάλῃ βοῇ διασημήναντοσ, ὡσ δίκαια ἀξιοῖ, μικρὸν ἐπισχὼν χρόνον Ἄππιοσ· ἐγὼ τὸν μὲν νόμον, εἶπεν, οὐκ ἀγνοῶ τὸν ὑπὲρ τῆσ διεγγυήσεωσ τῶν εἰσ δουλείαν ἀγομένων κείμενον, ὃσ οὐκ ἐᾷ παρὰ τοῖσ ἀφαιρουμένοισ εἶναι τὸ σῶμα μέχρι δίκησ, οὐδὲ καταλύσαιμι ἂν ὃν αὐτὸσ ἔγραψα ἑκών·

ἐκεῖνο μέντοι δίκαιον ἡγοῦμαι, δυεῖν ὄντων τῶν ἀντιποιουμένων, κυρίου καὶ πατρόσ, εἰ μὲν ἀμφότεροι παρῆσαν, τὸν πατέρα κρατεῖν τοῦ σώματοσ μέχρι δίκησ. ἐπεὶ δ’ ἐκεῖνοσ ἄπεστι, τὸν κύριον ἀπαγαγεῖν ἐγγυητὰσ ἀξιοχρέουσ δόντα καταστήσειν ἐπὶ τὴν ἀρχήν, ὅταν ὁ πατὴρ αὐτῆσ παραγένηται.

περὶ δὲ τῶν ἐγγυητῶν καὶ τοῦ τιμήματοσ καὶ τοῦ μηδὲν ὑμᾶσ ἐλαττωθῆναι περὶ τὴν δίκην, πολλὴν ποιήσομαι πρόνοιαν, ὦ Νομιτώριε. νῦν δὲ παράδοσ τὴν κόρην.

τοῦτο τὸ τέλοσ ἐξενέγκαντοσ Ἀππίου πολὺσ μὲν ὀδυρμὸσ ὑπὸ τῆσ παρθένου καὶ τῶν περὶ αὐτὴν γυναικῶν ἐγίνετο καὶ κοπετόσ, πολλὴ δὲ κραυγὴ καὶ ἀγανάκτησισ ἐκ τοῦ περιεστηκότοσ ὄχλου τὸ βῆμα. ὁ δὲ μέλλων ἄγεσθαι τὴν κόρην Ἰκίλιοσ ἐμφύεταί τε αὐτῆσ καί φησιν·

οὐκ ἐμοῦ γε ζῶντοσ, Ἄππιε, ταύτην ἀπάξεταί τισ. ἀλλ’ εἴ σοι δέδοκται τοὺσ νόμουσ καταλύειν, τὰ δὲ δίκαια συγχεῖν καὶ τὴν ἐλευθερίαν ἡμῶν ἀφαιρεῖσθαι, μηκέτι τὴν ὀνειδιζομένην ὑμῖν ἀρνοῦ τυραννίδα, ἀλλὰ τὸν ἐμὸν ἀποκόψασ τράχηλον ταύτην τε ἀπαγαγεῖν, ὅπου σοι δοκεῖ, καὶ τὰσ ἄλλασ παρθένουσ καὶ γυναῖκασ, ἵνα δὴ μάθωσιν ἤδη ποτὲ Ῥωμαῖοι δοῦλοι γεγονότεσ ἀντ’ ἐλευθέρων, καὶ μηδὲν ἔτι μεῖζον φρονῶσι τῆσ τύχησ.

τί οὖν ἔτι μέλλεισ, ἀλλ’ οὐ τοὐμὸν ἐκχεῖσ αἷμα πρὸ τοῦ βήματοσ ἐν τοῖσ ἁπάντων ὀφθαλμοῖσ;

ὁ θάνατοσ οὑμὸσ ἢ μεγάλων ἀγαθῶν.

SEARCH

MENU NAVIGATION