헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 11, chapter 31)

τοιαῦτα τοῦ Νομιτωρίου λέξαντοσ καὶ τοῦ περιεστηκότοσ ὄχλου μεγάλῃ βοῇ διασημήναντοσ, ὡσ δίκαια ἀξιοῖ, μικρὸν ἐπισχὼν χρόνον Ἄππιοσ· ἐγὼ τὸν μὲν νόμον, εἶπεν, οὐκ ἀγνοῶ τὸν ὑπὲρ τῆσ διεγγυήσεωσ τῶν εἰσ δουλείαν ἀγομένων κείμενον, ὃσ οὐκ ἐᾷ παρὰ τοῖσ ἀφαιρουμένοισ εἶναι τὸ σῶμα μέχρι δίκησ, οὐδὲ καταλύσαιμι ἂν ὃν αὐτὸσ ἔγραψα ἑκών·

ἐκεῖνο μέντοι δίκαιον ἡγοῦμαι, δυεῖν ὄντων τῶν ἀντιποιουμένων, κυρίου καὶ πατρόσ, εἰ μὲν ἀμφότεροι παρῆσαν, τὸν πατέρα κρατεῖν τοῦ σώματοσ μέχρι δίκησ. ἐπεὶ δ’ ἐκεῖνοσ ἄπεστι, τὸν κύριον ἀπαγαγεῖν ἐγγυητὰσ ἀξιοχρέουσ δόντα καταστήσειν ἐπὶ τὴν ἀρχήν, ὅταν ὁ πατὴρ αὐτῆσ παραγένηται.

περὶ δὲ τῶν ἐγγυητῶν καὶ τοῦ τιμήματοσ καὶ τοῦ μηδὲν ὑμᾶσ ἐλαττωθῆναι περὶ τὴν δίκην, πολλὴν ποιήσομαι πρόνοιαν, ὦ Νομιτώριε. νῦν δὲ παράδοσ τὴν κόρην.

τοῦτο τὸ τέλοσ ἐξενέγκαντοσ Ἀππίου πολὺσ μὲν ὀδυρμὸσ ὑπὸ τῆσ παρθένου καὶ τῶν περὶ αὐτὴν γυναικῶν ἐγίνετο καὶ κοπετόσ, πολλὴ δὲ κραυγὴ καὶ ἀγανάκτησισ ἐκ τοῦ περιεστηκότοσ ὄχλου τὸ βῆμα. ὁ δὲ μέλλων ἄγεσθαι τὴν κόρην Ἰκίλιοσ ἐμφύεταί τε αὐτῆσ καί φησιν·

οὐκ ἐμοῦ γε ζῶντοσ, Ἄππιε, ταύτην ἀπάξεταί τισ. ἀλλ’ εἴ σοι δέδοκται τοὺσ νόμουσ καταλύειν, τὰ δὲ δίκαια συγχεῖν καὶ τὴν ἐλευθερίαν ἡμῶν ἀφαιρεῖσθαι, μηκέτι τὴν ὀνειδιζομένην ὑμῖν ἀρνοῦ τυραννίδα, ἀλλὰ τὸν ἐμὸν ἀποκόψασ τράχηλον ταύτην τε ἀπαγαγεῖν, ὅπου σοι δοκεῖ, καὶ τὰσ ἄλλασ παρθένουσ καὶ γυναῖκασ, ἵνα δὴ μάθωσιν ἤδη ποτὲ Ῥωμαῖοι δοῦλοι γεγονότεσ ἀντ’ ἐλευθέρων, καὶ μηδὲν ἔτι μεῖζον φρονῶσι τῆσ τύχησ.

τί οὖν ἔτι μέλλεισ, ἀλλ’ οὐ τοὐμὸν ἐκχεῖσ αἷμα πρὸ τοῦ βήματοσ ἐν τοῖσ ἁπάντων ὀφθαλμοῖσ;

ὁ θάνατοσ οὑμὸσ ἢ μεγάλων ἀγαθῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 11, chapter 31

(디오니시오스, Antiquitates Romanae, Books X-XX, book 11, chapter 31)

상위

목록

SEARCH

MENU NAVIGATION