헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 11, chapter 29)

σιωπῆσ δὲ γενομένησ Μάρκοσ Κλαύδιοσ ὁ τῆσ παιδὸσ ἐπιλαβόμενοσ τοιοῦτον διεξῆλθε λόγον· οὐδὲν οὔτε προπετὲσ οὔτε βίαιον πέπρακταί μοι περὶ τὴν κόρην, Ἄππιε Κλαύδιε· κύριοσ δ’ αὐτῆσ ὢν κατὰ τοὺσ νόμουσ ἄγω. ὃν δὲ τρόπον ἐστὶν ἐμή, μάθε. μοι θεράπαινα πατρικὴ πολλοὺσ πάνυ δουλεύουσα χρόνουσ.

ταύτην κύουσαν ἡ Οὐεργινίου γυνὴ συνήθη καὶ εἰσοδίαν οὖσαν ἔπεισεν ἐὰν τέκῃ, δοῦναι τὸ παιδίον αὐτῇ. κἀκείνη φυλάττουσα τὰσ ὑποσχέσεισ γενομένησ αὐτῇ ταύτησ τῆσ θυγατρὸσ πρὸσ μὲν ἡμᾶσ ἐσκήψατο νεκρὸν τεκεῖν, τῇ δὲ Νομιτωρίᾳ δίδωσι τὸ παιδίον· ἡ δὲ λαβοῦσα ὑποβάλλεται καὶ τρέφει παίδων οὔτ’ ἀρρένων οὔτε θηλειῶν οὖσα μήτηρ. μάρτυρασ ἔχων πολλοὺσ καὶ ἀγαθοὺσ καὶ τὴν θεράπαιναν ἐξητακὼσ ἐπὶ τὸν κοινὸν ἁπάντων καταφεύγω νόμον, ὃσ οὐ τῶν ὑποβαλλομένων, ἀλλὰ τῶν μητέρων εἶναι τὰ ἔκγονα δικαιοῖ, ἐλευθέρων μὲν οὐσῶν ἐλεύθερα, δούλων δὲ δοῦλα, τοὺσ αὐτοὺσ ἔχοντα κυρίουσ, οὓσ ἂν καὶ αἱ μητέρεσ αὐτῶν ἔχωσι.

κατὰ τοῦτον τὸν νόμον ἀξιῶ τὴν θυγατέρα τῆσ ἐμῆσ θεραπαίνησ ἄγειν καὶ δίκασ ὑπέχειν βουλόμενοσ, ἐὰν ἀντιποιῆταί τισ ἐγγυητὰσ καθιστὰσ ἀξιοχρέουσ ἄξειν αὐτὴν ἐπὶ τὴν δίκην·

εἰ δὲ ταχεῖαν βούλεταί τισ γενέσθαι τὴν διάγνωσιν, ἕτοιμοσ ἐπὶ σοῦ λέγειν τὴν δίκην αὐτίκα μάλα, καὶ μὴ διεγγυᾶν τὸ σῶμα μηδ’ ἀναβολὰσ τῷ πράγματι προσάγειν· ὁποτέραν δ’ ἂν οὗτοι βουληθῶσι τῶν αἱρέσεων, ἑλέσθωσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 11, chapter 29

(디오니시오스, Antiquitates Romanae, Books X-XX, book 11, chapter 29)

상위

목록

SEARCH

MENU NAVIGATION