헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 11, chapter 27)

οἱ δὲ διαπραξάμενοι τὸν φόνον ἧκον ἐπὶ τὸ στρατόπεδον ἄγοντεσ τοὺσ τραυματίασ καὶ διέσπειραν λόγον, ὡσ ἐπιφανεὶσ αὐτοῖσ πολεμίων λόχοσ τόν τε Σίκκιον ἀποκτείνειε καὶ τοὺσ ἄλλουσ ἄνδρασ, οἷσ πρώτοισ ἐνέτυχεν, αὐτοί τε πολλὰ τραύματα λαβόντεσ μόλισ αὐτοὺσ ἀποφύγοιεν. καὶ ἐδόκουν ἅπασι πιστὰ λέγειν. οὐ μὴν ἔλαθέ γ’ αὐτῶν τὸ ἔργον, ἀλλὰ καίπερ ἐν ἐρημίᾳ τοῦ φόνου γεγονότοσ καὶ μηδένα μηνυτὴν ἔχοντοσ ὑπὸ τοῦ χρεὼν αὐτοῦ καὶ τῆσ ἅπαντα ἐπισκοπούσησ τὰ θνητὰ πράγματα δίκησ ἐξηλέγχθησαν τεκμηρίοισ ἀναμφισβητήτοισ. καὶ ἄλλα, μάλιστα δ’ ὅτι πρεσβύτησ ὢν καὶ ὑπὸ τῆσ ἡλικίασ πολεμικῶν ἀγώνων ἀπολυόμενοσ εἰσ κίνδυνον ἑκούσιον ἔδωκεν αὑτὸν ὑπὲρ τοῦ κοινῇ συμφέροντοσ, ψηφίζονται συνελθόντεσ εἰσ ἓν ἀπὸ τῶν τριῶν ταγμάτων ἐξελθεῖν ἐπὶ τὴν ἀναίρεσιν τοῦ σώματοσ, ἵνα μετὰ πολλῆσ ἀσφαλείασ τε καὶ τιμῆσ ἐπὶ τὴν παρεμβολὴν παρακομισθείη.

συγχωρησάντων δὲ τῶν ἡγεμόνων δι’ εὐλάβειαν, μή τινα παράσχοιεν αὐτοῖσ ὑποψίαν περὶ τὸ πρᾶγμα ἐπιβουλῆσ καλῷ καὶ προσήκοντι ἔργῳ ἐνιστάμενοι, λαβόντεσ τὰ ὅπλα ἐξῄεσαν. ἐλθόντεσ δ’ ἐπὶ τὸν τόπον ὡσ εἶδόν οὔτε δρυμοὺσ οὔτε φάραγγασ οὔτ’ ἄλλο χωρίον, ἔνθα ὑποκαθίζειν ἐστὶ λόχουσ ἔθοσ, ἀλλὰ ψιλὸν καὶ περιφανῆ καὶ στενόπορον ὄχθον, δι’ ὑποψίασ ἔλαβον εὐθέωσ τὸ πραχθέν·

ἔπειτα τοῖσ νεκροῖσ προσελθόντεσ ὡσ ἐθεάσαντο τόν τε Σίκκιον αὐτὸν ἀσκύλευτον ἐρριμμένον καὶ τοὺσ ἄλλουσ ἅπαντασ, ἐν θαύματι ἦσαν, εἰ πολέμιοι κρατήσαντεσ ἐχθρῶν μήτε ὅπλα περιείλαντο μήτ’ ἐσθῆτα περιέδυσαν. διερευνώμενοί τε τὰ πέριξ ἅπαντα ὡσ οὔτε στίβον ἵππων οὔτ’ ἴχνοσ ἀνθρώπων οὐδὲν εὑρ́ισκον ἔξω τῶν διὰ τῆσ ὁδοῦ, πρᾶγμα ἀμήχανον ὑπελάμβανον εἶναι πολεμίουσ ἐπιφανῆναι τοῖσ σφετέροισ ἀφανεῖσ, ὥσπερ πτηνούσ τινασ ἢ διοπετεῖσ.

ὑπὲρ ἅπαντα δὲ ταῦτα καὶ τὰ ἄλλα μέγιστον αὐτοῖσ ἐφάνη τεκμήριον τοῦ μὴ πρὸσ ἐχθρῶν, ἀλλ’ ὑπὸ φίλων τὸν ἄνδρα ἀπολωλέναι, τὸ μηδένα τῶν πολεμίων εὑρεθῆναι νεκρόν. οὐ γὰρ ἀκονιτί γ’ ἂν ἐδόκουν ἀποθανεῖν Σίκκιον, ἄνδρα καὶ ῥώμην καὶ ψυχὴν ἀνυπόστατον, οὐδὲ τὸν ὑπασπιστήν, οὐδὲ τοὺσ ἄλλουσ τοὺσ σὺν αὐτῷ πεσόντασ ἄλλωσ τε καὶ ἐκ χειρὸσ γενομένησ τῆσ μάχησ. ἐτεκμήραντο δὲ τοῦτο ἐκ τῶν τραυμάτων.

αὐτόσ τε γὰρ ὁ Σίκκιοσ πολλὰσ εἶχε πληγὰσ τὰσ μὲν ὑπὸ χερμάδων, τὰσ δ’ ὑπὸ σαυνίων, τὰσ δ’ ὑπὸ μαχαιρῶν, καὶ ὁ ὑπασπιστήσ· οἱ δ’ ὑπ’ ἐκείνων ἀνῃρημένοι πάντεσ μαχαιρῶν ἢ χερμάδων ἢ σαυνίων, βέλουσ δὲ οὐδεμίαν. ἀγανάκτησισ δὴ μετὰ τοῦτ’ ἐγίνετο πάντων καὶ βοὴ καὶ πολὺσ ὀδυρμόσ·

ὡσ δὲ κατωλοφύραντο τὴν συμφορὰν ἀράμενοι καὶ κομίσαντεσ τὸν νεκρὸν ἐπὶ τὸν χάρακα, πολλὰ τῶν στρατηγῶν κατεβόων, καὶ μάλιστα μὲν ἠξίουν κατὰ τὸν στρατιωτικὸν ἀποκτεῖναι νόμον τοὺσ ἀνδροφόνουσ·

εἰ δὲ μή, δικαστήριον αὐτοῖσ ἀποδοῦναι παραχρῆμα. καὶ πολλοὶ ἦσαν οἱ κατηγορεῖν μέλλοντεσ αὐτῶν. ὡσ δ’ οὐδὲν αὐτῶν εἰσήκουον ἐκεῖνοι, ἀλλὰ τούσ τ’ ἄνδρασ ἀπεκρύψαντο καὶ τὰσ δίκασ ἀνεβάλοντο φήσαντεσ ἐν Ῥώμῃ λόγον ἀποδώσειν τοῖσ βουλομένοισ αὐτῶν κατηγορεῖν, μαθόντεσ ὅτι τῶν στρατηγῶν τὸ ἐπιβούλευμα ἦν, τὸν μὲν Σίκκιον ἔθαπτον, ἐκκομιδήν τε ποιησάμενοι λαμπροτάτην καὶ πυρὰν νήσαντεσ ὑπερμεγέθη καὶ τῶν ἄλλων ἀπαρχόμενοι κατὰ δύναμιν, ὧν νόμοσ ἐπ’ ἀνδράσιν ἀγαθοῖσ εἰσ τὴν τελευταίαν τιμὴν φέρεσθαι·

πρὸσ δὲ τὴν δεκαδαρχίαν ἠλλοτριοῦντο πάντεσ καὶ γνώμην εἶχον ὡσ ἀποστησόμενοι.

τὸ μὲν δὴ περὶ Κρουστομέρειαν καὶ Φιδήνην στράτευμα διὰ τὸν Σικκίου τοῦ πρεσβευτοῦ θάνατον ἐχθρὸν τοῖσ προεστηκόσι τῶν πραγμάτων ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 11, chapter 27

(디오니시오스, Antiquitates Romanae, Books X-XX, book 11, chapter 27)

상위

목록

SEARCH

MENU NAVIGATION