Dionysius of Halicarnassus, Antiquitates Romanae, Books X-XX, book 11, chapter 25

(디오니시오스, Antiquitates Romanae, Books X-XX, book 11, chapter 25)

πολλὰ δὲ τοιαῦτα καὶ κατὰ τὴν πόλιν ὑπὸ τῶν περὶ τὸν Ἄππιον ἐγίνετο. τῶν μὲν οὖν ἄλλων καίτοι συχνῶν ἀναιρουμένων ἐλάττων τοῖσ πλήθεσι λόγοσ ἦν, ἑνὸσ δ’ ἀνδρὸσ ἐπιφανεστάτου τῶν δημοτικῶν καὶ πλείστασ ἀρετὰσ ἐν τοῖσ κατὰ πόλεμον ἔργοισ ἀποδειξαμένου θάνατοσ ὠμὸσ καὶ ἀνόσιοσ ἐπιτελεσθεὶσ ἐν θατέρῳ τῶν στρατοπέδων, ἔνθα οἱ τρεῖσ ἡγεμόνεσ ἦσαν, ἅπαντασ ἑτοίμουσ ἐποίησε πρὸσ τὴν ἀπόστασιν τοὺσ ἐκεῖ. ἦν δ’ ὁ φονευθεὶσ Σίκκιοσ, ὁ τὰσ ἑκατὸν εἴκοσι μάχασ ἀγωνισάμενοσ καὶ ἐξ ἁπασῶν ἀριστεῖα λαβών, ὃν ἔφην ἀπολελυμένον ἤδη στρατείασ διὰ τὸν χρόνον ἑκούσιον τοῦ πρὸσ Αἰκανοὺσ συνάρασθαι πολέμου, σπεῖραν ἀνδρῶν ὀκτακοσίων ἐκπεπληρωκότων ἤδη τὰσ κατὰ νόμον στρατείασ εὐνοίᾳ τῇ πρὸσ αὐτὸν ἐπαγόμενον·

μεθ’ ὧν ἀποσταλεὶσ ὑπὸ θατέρου τῶν ὑπάτων ἐπὶ τὸ στρατόπεδον τῶν πολεμίων εἰσ πρόδηλον ὄλεθρον, ὡσ πᾶσιν ἐδόκει, τοῦ τε χάρακοσ ἐκράτησε καὶ τῆσ ὁλοσχεροῦσ νίκησ αἴτιοσ ἐγένετο τοῖσ ὑπάτοισ.

τοῦτον δὴ τὸν ἄνδρα πολλοὺσ ἐν τῇ πόλει διεξιόντα λόγουσ κατὰ τῶν ἐπὶ στρατοπέδου στρατηγῶν, ὡσ ἀνάνδρων τε καὶ ἀπείρων πολέμου, ἐκποδῶν ποιῆσαι σπεύδοντεσ οἱ περὶ τὸν Ἄππιον εἰσ ὁμιλίασ προὐκαλοῦντο φιλανθρώπουσ καὶ συνδιαπορεῖν σφίσιν ἠξίουν ὑπὲρ τῶν ἐπὶ στρατοπέδου, καὶ πῶσ ἂν ἐπανορθωθείη τὰ τῶν στρατηγῶν ἁμαρτήματα λέγειν παρεκάλουν, καὶ τελευτῶντεσ ἔπεισαν ἐξελθεῖν ἐπὶ τὸν ἐν Κρουστομερείᾳ χάρακα αὐτὸν ἐξουσίαν ἔχοντα πρεσβευτικήν.

ἔχων καὶ δύναμιν, ἀσυλίαν δὲ καὶ σεβασμὸν ἱερέωσ.

ὡσ δ’ ἀφίκετο, φιλοφρονουμένων αὐτὸν ἐκεῖ τῶν ἡγεμόνων καὶ δεομένων συστρατηγεῖν μένοντα, καί τινασ καὶ δωρεὰσ τὰσ μὲν διδόντων ἤδη, τὰσ δ’ ὑπισχνουμένων, ἐξαπατηθεὶσ ὑπ’ ἀνθρώπων πονηρῶν καὶ τῇ γοητείᾳ τῶν λόγων οὐ συνειδὼσ ὡσ ἐξ ἐπιβουλῆσ ἐγίνετο, στρατιωτικὸσ ἀνὴρ καὶ τὸν τρόπον ἁπλοῦσ τά τ’ ἄλλα ἐπείθετο αὐτοῖσ, ὅσα συμφέρειν ὑπελάμβανε, καὶ πρῶτον ἁπάντων παρῄνει μετάγειν τὴν παρεμβολὴν εἰσ τὴν πολεμίαν ἐκ τῆσ σφετέρασ·

τάσ τε βλάβασ διεξιὼν τὰσ τότε γινομένασ καὶ τὰσ ὠφελείασ ἐπιλογιζόμενοσ, ὅσασ ἔμελλον ἕξειν μεταστρατοπεδευσάμενοι.

SEARCH

MENU NAVIGATION