Dionysius of Halicarnassus, Antiquitates Romanae, Books X-XX, book 11, chapter 24

(디오니시오스, Antiquitates Romanae, Books X-XX, book 11, chapter 24)

οἱ δὲ περὶ τὸν Ἄππιον τοῖσ μὲν ἐπὶ στρατοπέδου συνάρχουσιν ὅπλα τε καὶ χρήματα καὶ σῖτον καὶ τἆλλα ὧν ἐδέοντο ἐπεχορήγουν τά τε δημόσια καὶ ἰδιωτικὰ ἐκ πολλῆσ ὑπεροψίασ λαμβάνοντεσ, καὶ ἀντὶ τῶν ἀπολωλότων ἀνδρῶν στρατολογήσαντεσ ἐξ ἁπάσησ φυλῆσ τοὺσ ὅπλα φέρειν δυναμένουσ ἀπέστειλαν, ὥστ’ ἐκπληρωθῆναι τοὺσ λόχουσ· τῶν τε κατὰ τὴν πόλιν ἐπιμελῆ φυλακὴν ἐποιοῦντο φρουραῖσ τοὺσ ἐπικαιροτάτουσ καταλαμβανόμενοι τόπουσ, μή τι λάθωσι παρακινήσαντεσ οἱ μετὰ τοῦ Οὐαλερίου συνεστῶτεσ.

ἐπέσκηπτόν τε δι’ ἀπορρήτων τοῖσ ἐπὶ τῶν στρατοπέδων συνάρχουσι τοὺσ ἐναντιουμένουσ σφίσι διαφθείρειν, τοὺσ μὲν ἐπιφανεῖσ ἀδήλωσ, ὧν δ’ ἐλάττων ὁ λόγοσ ἦν καὶ ἀπὸ τοῦ φανεροῦ, προφάσεισ ἀεί τινασ ἐπιφέροντασ, ἵνα δικαίωσ δόξωσιν ἀποθανεῖν.

καὶ ἐγίνετο ταῦτα· γενόμενοι τοῦ χάρακοσ οὐδαμοῦ ἔτι ὤφθησαν.

οἱ δὲ ταπεινότατοι φυγῆσ ἄρχειν κατηγορηθέντεσ ἢ τὰ ἀπόρρητα πρὸσ τοὺσ πολεμίουσ ἐκφέρειν ἢ τάξιν μὴ φυλάττειν, ἐν τῷ φανερῷ καταπλήξεωσ ἕνεκα τῶν ἄλλων ἀπώλλυντο.

ἐγίνετο δὲ διχόθεν τῶν στρατιωτῶν ὄλεθροσ, τῶν μὲν οἰκείων τῆσ ὀλιγαρχίασ ἐν ταῖσ πρὸσ τοὺσ πολεμίουσ συμπλοκαῖσ διαφθειρομένων, τῶν δὲ τὴν ἀριστοκρατικὴν ποθούντων κατάστασιν ὑπὸ τῶν στρατηγῶν ἀπολλυμένων.

SEARCH

MENU NAVIGATION