헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 11, chapter 21)

λειπόμενον ‐ ταῦτα ἡγουμένων κράτιστα εἶναι πλὴν ὀλίγων, ἐπειδὴ πάντεσ ἀπεδείξαντο τὰσ ἑαυτῶν γνώμασ, καὶ τέλοσ ἔδει τὰ βουλεύματα λαβεῖν, Οὐαλέριοσ μὲν ἠξίου διαδικασίαν τοὺσ δέκα προθεῖναι ταῖσ γνώμαισ, αὖθισ ἐξ ἀρχῆσ πάντασ τοὺσ βουλευτὰσ καλοῦντασ, καὶ πολλοῖσ τῶν συνέδρων ἀναθέσθαι βουλομένοισ τὰσ προτέρασ ἀποφάσεισ ταῦτα λέγων πιθανὸσ ἦν· Κορνήλιοσ δ’ ὁ συμβουλεύων τοῖσ δέκα τὴν ἡγεμονίαν ἐπιτρέψαι τοῦ πολέμου κατὰ τὸ καρτερὸν ἀπεμάχετο κεκρίσθαι τὸ πρᾶγμα ἤδη λέγων καὶ τέλοσ ἔχειν νόμιμον ἁπάντων ἐψηφικότων, ἠξίου τε διαριθμεῖν τὰσ γνώμασ καὶ μηδὲν ἔτι καινουργεῖν.

τούτων δὲ λεγομένων ὑφ’ ἑκατέρου μετὰ πολλῆσ φιλοτιμίασ τε καὶ κραυγῆσ, καὶ τοῦ συνεδρίου διαστάντοσ πρὸσ ἑκάτερον, τῶν μὲν ἐπανορθώσασθαι τὴν ἀκοσμίαν τοῦ πολιτεύματοσ βουλομένων τῷ Οὐαλερίῳ συλλαμβανόντων, τῶν δὲ τὰ χείρω προαιρουμένων καὶ ὅσοισ κίνδυνόσ τισ ὑπωπτεύετο ἐκ τῆσ μεταβολῆσ ἔσεσθαι τῷ Κορνηλίῳ συναγορευόντων·

λαβόντεσ ἀφορμὴν οἱ δέκα τοῦ πράττειν ὅ τι δόξειεν αὐτοῖσ τὴν τοῦ συνεδρίου ταραχήν, τῇ Κορνηλίου προστίθενται γνώμῃ.

καὶ παρελθὼν εἷσ ἐξ αὐτῶν, Ἄππιοσ, ἔφη· περὶ τοῦ πρὸσ Αἰκανοὺσ καὶ Σαβίνουσ πολέμου συνεκαλέσαμεν ὑμᾶσ, ὦ βουλή, διαγνωσομένουσ, καὶ λόγον ἀπεδώκαμεν ἅπασι τοῖσ βουλομένοισ ἀπὸ τῶν πρώτων ἄχρι τῶν νεωτάτων ἐν τῷ προσήκοντι καλοῦντεσ ἕκαστον τόπῳ.

τριῶν δ’ ἀποδειξαμένων γνώμασ διαφόρουσ, Κλαυδίου τε καὶ Κορνηλίου καὶ Οὐαλερίου τελευταίου, διέγνωτε περὶ αὐτῶν ὑμεῖσ οἱ λοιποί, καὶ παριὼν ἕκαστοσ ἀπεφήνατο πάντων ἀκουόντων, ᾗ προσετίθετο γνώμῃ. ἁπάντων δὴ γεγονότων κατὰ νόμον, ἐπειδὴ τοῖσ πλείοσιν ὑμῶν Κορνήλιοσ ἐδόκει τὰ κράτιστα ὑποθέσθαι, τοῦτον ἀπεφηνάμεθα νικᾶν καὶ τὴν ἀποδειχθεῖσαν ὑπὸ τούτου γνώμην γράψαντεσ ἐκφέρομεν.

Οὐαλέριοσ δὲ καὶ οἱ μετ’ αὐτοῦ ἑστῶτεσ ὅταν αὐτοὶ τύχωσιν ἐξουσίασ ὑπατικῆσ, δίκασ τ’ ἤδη τέλοσ ἐχούσασ ἀναδίκουσ ποιείτωσαν, ἐὰν αὐτοῖσ φίλον ᾖ, καὶ βουλεύματα διεγνωσμένα ὑπὸ πάντων ὑμῶν ἄκυρα καθιστάτωσαν.

ταῦτ’ εἰπὼν καὶ τὸν γραμματέα κελεύσασ ἀναγνῶναι τὸ προβούλευμα, ἐν ᾧ τὴν καταγραφὴν τοῦ στρατοῦ καὶ τὴν ἡγεμονίαν τοῦ πολέμου τοὺσ δέκα παραλαβεῖν ἐτέτακτο, διέλυσε τὸν σύλλογον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 11, chapter 21

(디오니시오스, Antiquitates Romanae, Books X-XX, book 11, chapter 21)

상위

목록

SEARCH

MENU NAVIGATION