Dionysius of Halicarnassus, Antiquitates Romanae, Books X-XX, book 11, chapter 15

(디오니시오스, Antiquitates Romanae, Books X-XX, book 11, chapter 15)

τοιαῦτ’ εἰπόντοσ Κλαυδίου καὶ πολλὴν ἐλπίδα τῷ συνεδρίῳ παρασχόντοσ, ὡσ ἀποθησομένων τῶν δέκα τὴν ἀρχήν, Ἄππιοσ μὲν πρὸσ ταῦτα οὐδὲν ἠξίωσεν εἰπεῖν· ἐκ δὲ τῶν ἄλλων ὀλιγαρχῶν προελθὼν Κορνήλιοσ Μάρκοσ· ἡμεῖσ μέν, ἔφησεν, ὦ Κλαύδιε, περὶ τῶν ἰδίων συμφερόντων αὐτοὶ διαγνωσόμεθα τῆσ σῆσ οὐδὲν δεόμενοι βουλῆσ. καὶ γὰρ ἡλικίασ ἐν τῇ φρονιμωτάτῃ ἐσμέν, ὥστε μηδὲν τῶν διαφερόντων ἀγνοεῖν, καὶ φίλων οὐ σπανίζομεν, οἷσ, ἐάν τι δέῃ, συμβούλοισ χρησόμεθα. παῦσαι δὴ πρᾶγμα ποιῶν ἀώρον, ἀνὴρ πρεσβύτεροσ οὐ δεομένοισ συμβουλῆσ γνώμασ ἀποδεικνύμενοσ.

ὅταν ἐξέλθῃσ ἐκ τοῦ συνεδρίου, λοιδορήσῃ.

νῦν δ’ ὑπὲρ τοῦ πρὸσ Αἰκανοὺσ καὶ Σαβίνουσ πολέμου, περὶ οὗ κέκλησαι γνώμην ἀποδειξόμενοσ, ὅ τι σοι φαίνεται λέγε καὶ παῦσαι τὰ ἔξω τοῦ πράγματοσ φλυαρῶν. μετὰ τοῦτον ἀνίσταται πάλιν ὁ Κλαύδιοσ κατηφὴσ καὶ μεστοὺσ ἔχων τοὺσ ὀφθαλμοὺσ δακρύων καί φησιν·

Ἄππιοσ μὲν οὐδ’ ἀποκρίσεωσ ἄξιον ἡγεῖταί με, ὦ βουλή, τὸν ἑαυτοῦ θεῖον ἐναντίον ὑμῶν· ἀλλ’ ὥσπερ τὴν οἰκίαν τὴν ἰδίαν ἀπέκλεισέ μοι, καὶ τουτὶ τὸ συνέδριον ἄβατον ἐφ’ ἑαυτῷ ποιεῖ. εἰ δὲ χρὴ τἀληθὲσ λέγειν, καὶ ἐκ τῆσ πόλεωσ ἐξελαύνομαι. ἐκεῖ χρόνον, ἑώσ ἂν οὗτοι κατέχωσι τὴν καλὴν ταύτην ἀρχήν.

ἐπειδὰν δ’ οἱᾶ μαντεύομαι περὶ τὴν δεκαδαρχίαν γένηται ‐ γενήσεται δ’ οὐκ εἰσ μακράν ‐ τότε παρέσομαι. καὶ τὰ μὲν ὑπὲρ ἐμοῦ τοσαῦτα·

περὶ δὲ τοῦ πολέμου ταύτην ὑμῖν, ὦ βουλή, γνώμην ἀποδείκνυμαι, μηδὲν ψηφίζεσθαι περὶ μηδενὸσ πράγματοσ, ἑώσ ἀποδειχθῶσι νέαι ἀρχαί. ταῦτ’ εἰπὼν καὶ πολὺν ἐκ τοῦ συνεδρίου κινήσασ ἔπαινον ἐπὶ τῷ γενναίῳ καὶ φιλελευθέρῳ τῆσ γνώμησ ἐκάθισε. μετὰ δὲ τοῦτον ἀναστὰσ Λεύκιοσ Κοίντιοσ ὁ καλούμενοσ Κικιννᾶτοσ καὶ Τίτοσ Κοίντιοσ Καπετωλῖνοσ καὶ Λεύκιοσ Λουκρήτιοσ καὶ πάντεσ ἑξῆσ οἱ πρωτεύοντεσ δέκα τοῦ συνεδρίου τῇ Κλαυδίου γνώμῃ προσετίθεντο.

SEARCH

MENU NAVIGATION