헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 11, chapter 13)

ἀλλὰ δέδοικα, μὴ πρόφασισ μὲν οὐκ ἀληθὴσ ὁ κίνδυνοσ ᾖ τοῦ μὴ παραχωρεῖν τῆσ ἀρχῆσ ‐ μυρίοισ γοῦν ὑπῆρξε τυραννίδασ ἀποθεμένοισ μηδὲν δεινὸν ὑπὸ τῶν πολιτῶν παθεῖν ‐ , αἱ δ’ ἀληθεῖσ ὦσιν αἰτίαι φιλοτιμία κενὴ τὴν εἰκόνα τῆσ δόξησ διώκουσα καὶ πόθοσ ἡδονῶν ὀλεθρίων, ἃσ οἱ τυραννικοὶ φέρουσι βίοι. εἰ δὲ βούλει μὴ τὰ εἴδωλα καὶ τὰσ σκιὰσ τῶν τιμῶν καὶ τῶν εὐημεριῶν διώκειν, ἀλλ’ αὐτὰσ καρποῦσθαι τὰσ ἀληθεῖσ τιμάσ, ἀπόδοσ τὴν ἀριστοκρατίαν τῇ πατρίδι καὶ τιμὰσ λάμβανε παρὰ τῶν ἴσων καὶ ζήλου τύγχανε παρὰ τῶν ἐπιγιγνομένων καὶ κλέοσ ἀθάνατον ἀντὶ τοῦ θνητοῦ σώματοσ κατάλιπε τοῖσ ἐγγόνοισ.

αὗται γάρ εἰσι βέβαιοι καὶ ἀληθεῖσ τιμαὶ καὶ ἀναφαίρετοι χαριέστατοί τε καὶ ἀμεταμέλητοι.

τρέφε τὴν ψυχὴν ἐπὶ τοῖσ ἀγαθοῖσ τῆσ πατρίδοσ ἡδόμενοσ, ὧν οὐκ ἐλαχίστη μοῖρα δόξεισ γεγονέναι δυναστείαν βαρεῖαν αὐτῆσ ἀφελόμενοσ.

ποίησαι δὲ τούτων παραδείγματα τοὺσ προγόνουσ ἐνθυμηθείσ, ὅτι τῶν ἀνδρῶν ἐκείνων οὐδεὶσ ἐπεθύμησεν ἐξουσίασ δεσποτικῆσ οὐδὲ ταῖσ ἐπονειδίστοισ τοῦ σώματοσ ἐδούλευσεν ἡδοναῖσ. τοιγάρτοι καὶ ζῶσιν αὐτοῖσ ὑπῆρχε τιμᾶσθαι καὶ τελευτήσασιν ὑπὸ τῶν ἐπιγινομένων ἐπαινεῖσθαι. μαρτυρεῖται γάρ τοι παρὰ πάντων αὐτοῖσ, ὅτι τῆσ ἀριστοκρατίασ, ἣν ἐκβαλοῦσα τοὺσ βασιλεῖσ ἡμῶν ἡ πόλισ κατεστήσατο, βεβαιότατοι φύλακεσ ἐγένοντο.

καὶ μηδὲν τῶν σεαυτοῦ λαμπροτάτων λόγων τε καὶ πράξεων ἐπιλανθάνου.

καλαὶ γὰρ αἱ πρῶταί σου τῶν πολιτικῶν ἔργων ὑποθέσεισ ἐγένοντο καὶ μεγάλασ ἐπέθρεψαν ἡμῖν ἀρετῆσ ἐλπίδασ, αἷσ ἀκολούθωσ καὶ τὰ λοιπὰ πράττειν σ’ ἅπαντεσ ἀξιοῦμεν. ἀναχώρει δὴ πάλιν εἰσ τὴν σεαυτοῦ φύσιν, Ἄππιε τέκνον, καὶ γίνου τῇ προαιρέσει τῶν πολιτευμάτων μὴ τυραννικόσ, ἀλλ’ ἀριστοκρατικὸσ καὶ φεῦγε τοὺσ πρὸσ ἡδονὴν ὁμιλοῦντασ, δι’ οὓσ ἐξέβησ τῶν χρηστῶν ἐπιτηδευμάτων καὶ παρεπλάγχθησ τῆσ ὀρθῆσ ὁδοῦ.

οὐ γὰρ ἔχει λόγον, ὑφ’ ὧν ἂν γένηταί τισ ἐξ ἀγαθοῦ κακόσ, ὑπὸ τούτων πάλιν αὐτὸν ἐκ πονηροῦ γενέσθαι χρηστόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 11, chapter 13

(디오니시오스, Antiquitates Romanae, Books X-XX, book 11, chapter 13)

상위

목록

SEARCH

MENU NAVIGATION