헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 11, chapter 7)

ταῦτ’ εἰπὼν πρῶτον μὲν ἐκάλει τὸν ἑαυτοῦ θεῖον Γάιον Κλαύδιον. ὁ δ’ ἀναστὰσ τοιαύτην διέθετο δημηγορίαν· τὴν ἐμαυτοῦ διάνοιαν, ἐκεῖνο βουλοίμην ἂν ὑμᾶσ ἐξετάσαι, τίσιν ἐπαρθέντεσ ἐλπίσιν Αἰκανοὶ καὶ Σαβῖνοι πόλεμον ἐπενεγκεῖν ἐτόλμησαν ἡμῖν καὶ τὴν χώραν ἐπιόντεσ λεηλατεῖν, οἱ τέωσ ἀγαπῶντεσ καὶ τοῖσ θεοῖσ πολλὴν χάριν εἰδότεσ, εἴ τισ αὐτοὺσ εἰά τὴν ἑαυτῶν ἔχειν ἀσφαλῶσ.

ἐὰν γὰρ τοῦτο μάθητε, καὶ τὴν ἀπαλλαγὴν τοῦ πολέμου τοῦ πρὸσ αὐτοὺσ ἥτισ ἔσται κρατίστη μαθήσεσθε. ἐκεῖνοι τοίνυν ἀκούσαντεσ, ὅτι σεσάλευται καὶ νοσεῖ τὸ πάτριον ἡμῶν πολίτευμα ἐκ πολλοῦ, καὶ τοῖσ προεστηκόσι τῶν κοινῶν οὔτε ὁ δῆμοσ εὔνουσ ἐστὶν οὔτε οἱ πατρίκιοι, καὶ οὐ μάτην ἀκούσαντεσ ‐ τὸ γὰρ ἀληθὲσ οὕτωσ ἔχει, τὰσ δ’ αἰτίασ ἐπισταμένοισ ὑμῖν οὐδὲν δέομαι λέγειν ‐ ὑπέλαβον, εἴ τισ ἔξωθεν ἡμᾶσ κατάσχοι πόλεμοσ ἅμα τοῖσ ἐντὸσ τείχουσ κακοῖσ, καὶ δόξειε ταῖσ ἀρχαῖσ δύναμιν ἐξάγειν τὴν προπολεμήσουσαν τῆσ γῆσ, οὔτε τοὺσ πολίτασ ἐπὶ τὸν στρατιωτικὸν ὁρ́κον ἅπαντασ ἥξειν ἐκ προθυμίασ ὡσ πρότερον, ἀπεχθῶσ διακειμένουσ πρὸσ τὰσ ἀρχάσ·

οὔτε τοὺσ ἡγεμόνασ ταῖσ ἐκ τῶν νόμων τιμωρίαισ χρήσεσθαι κατὰ τῶν μὴ παραγενομένων δεδοικότασ, μή τι μεῖζον ἐργάσωνται κακόν, τούσ τε ὑπακούσαντασ καὶ τὰ ὅπλα λαβόντασ ἢ καταλείψειν τὰ σημεῖα ἢ παραμένοντασ ἐθελοκακήσειν ἐν τοῖσ ἀγῶσιν.

ὧν οὐδὲν ἔξω τοῦ εἰκότοσ ἤλπισαν·

ὅταν μὲν γὰρ ὁμονοοῦσα πόλισ ἅπτηται πολέμου, καὶ τὸ αὐτὸ συμφέρον ἅπασι φαίνηται τοῖσ τ’ ἄρχουσι καὶ τοῖσ ἀρχομένοισ, μετὰ προθυμίασ ἅπαντεσ ἐπὶ τὰ δεινὰ χωροῦσι καὶ οὔτε πόνον οὔτε κίνδυνον οὐδένα ὀκνοῦσιν. ὅταν δὲ νοσοῦσα ἐν αὑτῇ, πρὶν ἢ τὰ ἔνδον καταστήσασθαι, τοῖσ ὑπαιθρίοισ ὁμόσε χωρῇ πολεμίοισ, καὶ παραστῇ τῷ μὲν πλήθει λογισμόσ, ὅτι οὐχ ὑπὲρ οἰκείων ἀγαθῶν κακοπαθοῦσιν, ἀλλ’ ἵνα βεβαιότερον αὐτῶν ἕτεροι ἄρχωσι, τοῖσ δ’ ἡγεμόσιν, ὅτι πολέμιον ἔχουσιν οὐχ ἧττον τοῦ ἀντιπάλου τὸ οἰκεῖον, νοσεῖ τὰ ὅλα καὶ πᾶσα ἱκανὴ δύναμισ τὰ τοιαῦτα στρατεύματα καταγωνίσασθαι καὶ φθεῖραι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 11, chapter 7

(디오니시오스, Antiquitates Romanae, Books X-XX, book 11, chapter 7)

상위

목록

SEARCH

MENU NAVIGATION