헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 11, chapter 2)

πρώτη μὲν οὖν ἦν ἡ δόξασα γενέσθαι τοῦ κατὰ τῆσ ὀλιγαρχίασ μίσουσ πρόφασισ, ὅτι συνύφηναν τὴν δευτέραν ἀρχὴν τῇ προτέρᾳ δήμου τε ὑπεριδόντεσ καὶ βουλῆσ καταφρονήσαντεσ· ἔπειθ’ ὅτι τοὺσ χαριεστάτουσ Ῥωμαίων, οἷσ οὐ κατὰ γνώμην τὰ πραττόμενα ὑπ’ αὐτῶν ἦν, οὓσ μὲν ἐξήλαυνον ἐκ τῆσ πόλεωσ αἰτίασ ἐπιφέροντεσ ψευδεῖσ καὶ δεινάσ, οὓσ δὲ ἀπεκτίννυσαν, κατηγόρουσ τε αὐτοῖσ ὑποπέμποντεσ ἐκ τῶν ἰδίων ἑταίρων καὶ τὰσ δίκασ ταύτασ αὐτοὶ δικάζοντεσ· μάλιστα δ’ ὅτι τοῖσ θρασυτάτοισ τῶν νέων, οὓσ εἶχον ἕκαστοι περὶ αὑτούσ, ἐφῆκαν ἄγειν καὶ φέρειν τὰ τῶν ἐναντιουμένων τῇ πολιτείᾳ. οἱ δ’ ὥσπερ ἁλούσησ πολέμῳ κατὰ κράτοσ τῆσ πατρίδοσ οὐ τὰ χρήματα μόνον ἀφῃροῦντο τοὺσ νόμῳ κτησαμένουσ, ἀλλὰ καὶ εἰσ τὰσ γαμετὰσ αὐτῶν τὰσ εὐμόρφουσ παρενόμουν καὶ εἰσ θυγατέρασ ἐπιγάμουσ καθύβριζον καὶ πληγὰσ τοῖσ ἀγανακτοῦσιν ὥσπερ ἀνδραπόδοισ ἐδίδοσαν·

καὶ παρεσκεύασαν, ὅσοισ ἀφόρητα εἶναι τὰ γινόμενα ἐδόκει, καταλιπόντασ τὴν πατρίδα γυναιξὶν ὁμοῦ καὶ τέκνοισ εἰσ τὰσ πλησίον ἐξοικίζεσθαι πόλεισ, ὑποδεχομένων αὐτοὺσ Λατίνων μὲν διὰ τὸ % ἀσθενέσ, Ἑρνίκων δὲ διὰ τὴν ἔναγχοσ γενομένην αὐτοῖσ ὑπὸ Ῥωμαίων ἰσοπολιτείαν.

ὥσθ’, ὅπερ εἰκὸσ ἦν, τελευτῶντεσ αὐτοὶ κατελείφθησαν οἱ φιλοτύραννοι, καὶ οἷσ μηδεμία τῶν κοινῶν φροντὶσ ἦν. οὔτε γὰρ οἵ γε πατρίκιοι διέμενον ἐν τῇ πόλει θωπεύειν μὲν οὐκ ἀξιοῦντεσ τοὺσ ἡγεμόνασ, ἐναντιοῦσθαι δὲ τοῖσ πραττομένοισ ἀδυνατοῦντεσ, οὔθ’ οἱ καταγραφέντεσ εἰσ τὸ βουλευτικὸν συνέδριον, οὓσ ἐπάναγκεσ ἔδει παρεῖναι ταῖσ ἀρχαῖσ, ἀλλὰ καὶ τούτων οἱ πλείουσ ἀνασκευασάμενοι πανοικεσίᾳ καὶ τὰσ οἰκίασ ἐρήμουσ ἀφέντεσ ἐν τοῖσ ἀγροῖσ διέτριβον.

ἀνδρῶν ἐγίνοντο φυγαὶ πολλῶν μὲν καὶ ἄλλων ἕνεκα, μάλιστα δὲ ὅτι τοῖσ ἀκολάστοισ τῶν νέων πολὺ τὸ αὔθαδεσ προσεγίνετο μηδ’ ὄψει δυναμένοισ ἰδεῖν, οὓσ ἔμελλον ἀσελγέσ τι πράττοντεσ αἰσχύνεσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 11, chapter 2

(디오니시오스, Antiquitates Romanae, Books X-XX, book 11, chapter 2)

상위

목록

SEARCH

MENU NAVIGATION