헬라어 문장 검색 - ΑτηενάΤηεΔειπ

(아테나이오스, The Deipnosophists, Book 12, book 12, chapter 44)

Ἰδομενεὺσ δέ φησι καὶ τοὺσ Πεισιστρατίδασ Ἱππίαν καὶ Ἵππαρχον εὑρεῖν θαλίασ καὶ κώμουσ· διὸ καὶ ἵππων καὶ ἑτέρων πολλῶν ἐπιπολάσαι τὸ πλῆθοσ παρ’ αὐτοῖσ· · ὅθεν βαρεῖαν αὐτῶν γενέσθαι τὴν ἀρχήν. καίτοι ὁ πατὴρ αὐτῶν Πεισίστρατοσ μετρίωσ ἐχρῆτο ταῖσ ἡδοναῖσ· ὥστε οὐδ’ ἐν τοῖσ χωρίοισ οὐδ’ ἐν τοῖσ κήποισ φύλακασ ἐφίστα,1 ὡσ Θεόπομποσ ἱστορεῖ ἐν τῇ πρώτῃ καὶ εἰκοστῇ, ἀλλ’ εἰά τὸν βουλόμενον εἰσιόντα ἀπολαύειν καὶ λαμβάνειν ὧν δεηθείη· ὅπερ ὕστερον ἐποίησε καὶ κίμων μιμησάμενοσ ἐκεῖνον. περὶ οὗ καὶ αὐτοῦ ἱστορῶν ἐν τῇ δεκάτῃ τῶν Φιλιππικῶν ὁ Θεόπομπόσ φησι· "Κίμων ὁ Ἀθηναῖοσ ἐν τοῖσ ἀγροῖσ καὶ τοῖσ κήποισ οὐδένα τοῦ καρποῦ καθίστα φύλακα, ὅπωσ οἱ βουλόμενοι τῶν πολιτῶν εἰσιόντεσ ὀπωρίζωνται καὶ λαμβάνωσιν εἴ τινοσ δέοιντο τῶν ἐν τοῖσ χωρίοισ. "ἔπειτα τὴν οἰκίαν παρεῖχε κοινὴν ἅπασι· "καὶ δεῖπνον αἰεὶ εὐτελὲσ παρασκευάζεσθαι πολλοῖσ ἀνθρώποισ καὶ τοὺσ ἀπόρουσ προσιόντασ τῶν Ἀθηναίων εἰσιόντασ δειπνεῖν. ἐθεράπευεν δὲ καὶ τοὺσ καθ’ ἑκάστην ἡμέραν αὐτοῦ τι δεομένουσ, καὶ λέγουσιν ὡσ περιήγετο μὲν ἀεὶ νεανίσκουσ δύ’ ἢ τρεῖσ ἔχοντασ κέρματα τούτοισ τε διδόναι προσέταττεν, ὁπότε τισ προσέλθοι αὐτῷ δεόμενοσ. "καί φασι μὲν αὐτὸν καὶ εἰσ ταφὴν εἰσφέρειν. "ποιεῖν δὲ καὶ τοῦτο πολλάκισ, ὁπότε τῶν πολιτῶν τινα ἴδοι κακῶσ ἠμφιεσμένον, κελεύειν αὐτῷ μεταμφιέννυσθαι τῶν νεανίσκων τινὰ τῶν συνακολουθούντων αὐτῷ. ἐκ δὴ τούτων ἁπάντων ηὐδοκίμει καὶ πρῶτοσ ἦν τῶν πολιτῶν. ὁ δὲ Πεισίστρατοσ καὶ ἐν πολλοῖσ βαρὺσ ἐγένετο, ὅπου καὶ τὸ Ἀθήνησι τοῦ Διονύσου πρόσωπον ἐκείνου τινέσ φασιν εἰκόνα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 12, book 12, chapter 44

(아테나이오스, The Deipnosophists, Book 12, book 12, chapter 44)

상위

목록

SEARCH

MENU NAVIGATION