헬라어 문장 검색 - ΑτηενάΤηεΔειπ

(아테나이오스, The Deipnosophists, Book 12, book 12, chapter 7)

ὁ δὲ παρὰ τῷ Ὁμήρῳ Ὀδυσσεὺσ ἡγεμὼν δοκεῖ γεγενῆσθαι Ἐπικούρῳ τῆσ πολυθρυλήτου ἡδονῆσ, ὅσπερ φησίν· οὐ γὰρ ἔγωγέ τι φημὶ τέλοσ χαριέστερον εἶναι ἢ ὅταν εὐφροσύνη μὲν ἔχῃ κατὰ δῆμον ἅπαντα, δαιτυμόνεσ δ’ ἀνὰ δώματ’ ἀκουάζωνται ἀοιδοῦ ἥμενοι ἑξείησ, παρὰ δὲ πλήθωσι τράπεζαι σίτου καὶ κρειῶν, μέθυ δ’ ἐκ κρητῆροσ ἀφύσσων οἰνοχόοσ παρέχῃσι καὶ ἐγχείῃ δεπάεσσιν. τοῦτό τί μοι κάλλιστον ἐνὶ φρεσὶν εἴδεται εἶναι. ὁ δὲ Μεγακλείδησ φησὶ τὸν Ὀδυσσέα καθομιλοῦντα τοὺσ καιροὺσ ὑπὲρ τοῦ δοκεῖν ὁμοήθη τοῖσ Φαίαξιν εἶναι τὸ ἁβροδίαιτον αὐτῶν ἀσπάζεσθαι, προπυθόμενον τοῦ Ἀλκίνου· αἰεὶ δ’ ἡμῖν δαίσ τε φίλη κίθαρίσ τε χοροί τε εἵματά τ’ ἐξημοιβὰ λοετρά τε θερμὰ καὶ εὐναί.

μόνωσ γὰρ οὕτωσ ᾠήθη ὧν ἤλπιζεν μὴ διαμαρτεῖν. τοιοῦτόσ ἐστιν καὶ ὁ παραινῶν Ἀμφιλόχῳ τῷ παιδί· ὦ τέκνον, ποντίου θηρὸσ πετραίου χρωτὶ μάλιστα νόον προσφέρων πάσαισ πολίεσσιν ὁμίλει· τῷ παρεόντι δ’ ἐπαινήσαισ ἑκὼν ἄλλοτ’ ἀλλοῖα φρόνει. ὁμοίωσ φησὶν καὶ Σοφοκλῆσ ἐν Ἰφιγενείᾳ·

νόει πρὸσ ἀνδρί, σῶμα πουλύπουσ ὅπωσ πέτρᾳ, τραπέσθαι γνησίου φρονήματοσ, καὶ ὁ Θέογνισ· πουλύπου ὀργὴν ἴσχε πολυπλόκου. εἰσὶ δ’ οἵ φασι ταύτησ εἶναι τῆσ γνώμησ τὸν Ὅμηρον, προτάττοντα τοῦ σπουδαίου βίου πολλάκισ τὸν καθ’ ἡδονήν, λέγοντα· οἱ δὲ θεοὶ πὰρ Ζηνὶ καθήμενοι ἠγορόωντο χρυσέῳ ἐν δαπέδῳ, μετὰ δέ σφισι πότνια Ἥβη νέκταρ ἐῳνοχόει, τοὶ δὲ χρυσέοισ δεπάεσσι δειδέχατ’ ἀλλήλουσ. καὶ ὁ Μενέλαοσ δὲ παρ’ αὐτῷ φησιν οὐδέ κεν ἡμέασ ἄλλο διέκρινεν φιλέοντέ τε τερπομένω τε.

καί· ἥμεθα δαινύμενοι κρέα τ’ ἄσπετα καὶ μέθυ ἡδύ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 12, book 12, chapter 7

(아테나이오스, The Deipnosophists, Book 12, book 12, chapter 7)

상위

목록

SEARCH

MENU NAVIGATION