헬라어 문장 검색 - ΑριστίΑρσΡηετ́2́08́

(아리스티데스, 아일리오스, Ars Rhetorica, περὶ ἀφελοῦσ λόγου., περὶ ἀξιοπιστίασ.)

μέγιστον δὲ ἐν ἀφελεῖ λόγῳ τὸ ὡσ ἂν μάλιστα ἀληθινὸν δοκεῖν αὐτόν, φαίνεσθαι καὶ τοιαῦτα εἶναι τὰ λεγόμενα, ὡσ ἂν καὶ παντὶ ῥᾴδια ἐνθυμηθῆναι νομίσαι ἄν. τοῦτο δὲ μάλιστα γίνεται, ὅταν ἀπ’ αὐτοῦ τοῦ πράγματοσ τοῦ εἰσαγομένου ἔννοιαν λαμβάνῃ, οἱο͂ν ὡσ ἐν τῷ Ἀγησιλάῳ καὶ τὸ τὰ ἐκείνου βούλεσθαι δαπανῶντά φησι μᾶλλον ἢ τὰ τῶν Ἑλλήνων πολεμεῖν. ἐκ γὰρ τοῦ πραχθέντοσ ὑπὸ τοῦ Ἀγησιλάου, ἔμελλε δὲ τὸ διαβῆναι αὐτὸν εἰσ τὴν Ἀσίαν, τὴν ἔννοιαν ταύτην λαβών, δι’ ἧσ φρόνιμον αὐτὸν ἐπεδείκνυεν ὄντα, ἀληθῆ μάλιστα ἔδοξε περὶ αὐτοῦ εἰρηκέναι. ἀληθῆ δὲ ποιεῖ τὸν λόγον καὶ τὸ εἰσαγαγόντα τι ὃ κατὰ σοῦ εἶναι δοκεῖ, ὁμολογῆσαι αὐτὸ καὶ ἐᾶσαι μὴ ἀνελόντα, οἱο͂ν εἰ δέ τισ ὑμῶν ὁρῶν τοὺσ πολεμίουσ φοβεροὺσ εἶναι ὑπείληφεν, ἐμοὶ μὲν ὀρθῶσ διανοεῖσθαι δοκεῖ.

ἕνεκα γὰρ τοῦ τὰ ἄλλα ἃ διεξῄει ὁ Κῦροσ πρὸσ τοὺσ στρατιώτασ, ἀληθῆ δοκεῖν αὐτὸν εἰρηκέναι, τοῦτο οὐχ ὅπωσ ἀνεῖλεν, ἀλλὰ καὶ συγκατέθετο αὐτῷ, ὃ ἦν κατ’ αὐτοῦ. καὶ τῷ ἐν διηγήσεσιν εἰσαγαγεῖν τὰ λεγόμενα, κἂν πλαστὰ ᾖ καὶ μικρά, ἀληθῆ δοκεῖ εἶναι·

ὡσ γὰρ γεγονότα αὐτὰ λέγει. καὶ τὸ βραχέωσ δέ τι εἰπεῖν καὶ τὰ πολλὰ παραθεῖναι δυνάμεώσ ἐστιν ἀληθινῆσ, οἱο͂ν καλέσασ δέ, εἶτα τίνα;

Ἀράσπην, εἶτα ὅθεν; Μῆδον· εἶτα καὶ τὸ ἕνεκα τῆσ γνωρίσεωσ· ὃσ ἦν ἐκ παιδὸσ αὐτῷ φίλοσ· εἶτα [γνωρίσεωσ] καὶ ἄλλο, ᾧ τὴν στολὴν ἔδωκε. ταῦτα μὲν οὖν ἐξαρκεῖν δοκεῖ πρὸσ τὸ καὶ δυνάμει προάγειν τὸν λόγον;

μάλιστα δὲ ὅταν τὸ ἀληθὲσ κατὰ σοῦ λεγόμενον μὴ ὡσ ἀληθὲσ ἀποδέξῃ, ἀφελοῦσ ἀνδρόσ ἐστιν, ὡσ καὶ ὁ Σωκράτησ φησίν, αἰεὶ σὺ ἐπισκώπτεισ ἡμᾶσ. ἦθοσ μὲν οὖν πεποίηκε τὸ ὑφειμένον τῆσ γνώμησ καὶ μὴ καταλαζονεύσασθαι τῷ ἐπαίνῳ τῷ ἐκείνου, ἀλλ’ ὡσ σκώμματι αὐτῷ προσέχειν· ὃ γὰρ ἐκεῖνοσ σπουδάζων εἶπεν, οὗτοσ ὡσ σκωπτόμενοσ ἐξεδέξατο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Aristides, Aelius, Ars Rhetorica, περὶ ἀφελοῦσ λόγου., περὶ ἀξιοπιστίασ.

(아리스티데스, 아일리오스, Ars Rhetorica, περὶ ἀφελοῦσ λόγου., περὶ ἀξιοπιστίασ.)

상위

목록

SEARCH

MENU NAVIGATION