헬라어 문장 검색 - ΑριστίΑρσΡηετ́2́04́

(아리스티데스, 아일리오스, Ars Rhetorica, περὶ ἀφελοῦσ λόγου., περὶ σεμνότητοσ.)

ἦθοσ δὲ ἔχει καὶ σεμνότητα ἢ εἰσ θεοὺσ εὐσέβειαν ἐμφαίνειν ἢ εἰσ φίλουσ εὐεργεσίασ, καὶ μάλιστα δεῖ καὶ τοῖσ τοιούτοισ προσέχειν· τὰ γὰρ πλεῖστα καὶ μέγιστα τῶν θεωρημάτων κατὰ ταύτασ τὰσ ἐννοίασ λαμβάνεται. αἱ δὲ ἔννοιαι λαμβάνονται ἐκ τῶν ἐν αὐτῷ, τὸ δὲ καὶ τὰσ ἐννοίασ ὡσ περὶ εὐσεβείασ καὶ εὐπειθίασ λέγεσθαι πάνυ τῆσ προαιρέσεωσ τῆσ τῶν ἀφελῶν· οὐ γὰρ πάνυ, ὥσπερ ἔφην, τοῖσ ὑποθετικοῖσ χαίρουσι χρώμενοι, εἰ μὴ ἀνάγκη που γένοιτο, οἱο͂ν εὐσεβεῖν δεῖ, θεοῖσ ἄρχουσι πείθεσθαι, ἀλλ’ ὥσπερ ἐννοίασ τινὰσ ὑπογράφουσιν ὡσ χρὴ ποιεῖν, οὐ διδασκαλικῶσ λέγοντεσ ὅτι οὐ χρὴ τόδε ποιεῖν, ἀλλ’ ἐπὶ τοῦ ὅλου, τοῖσ τάδε ποιοῦσι τάδε εἰώθεν ἀποβαίνειν. σεμνότησ δὲ γίνεται ἐν τῷ ἀφελεῖ λόγῳ καὶ ἄλλωσ μὲν πολλαχῶσ, σεμνότερον δὲ ὅταν ἀπὸ προσώπου ἐπὶ τὰ πράγματα μετάγῃσ·

οὐ γὰρ ὅμοιόν ἐστιν ἐπὶ τοῦ προσώπου εἰπεῖν, φύσει βασιλεῖσ εἰσὶν οἱ καλοί· μειρακιῶδεσ γὰρ τοῦτο, ἤπερ ἐπὶ τοῦ πράγματοσ ἐξενεγκεῖν φύσει βασιλικὸν τὸ κάλλοσ εἶναι. τῆσ δὲ σεμνότητοσ ἕνεκα τῆσ κατὰ τὴν ἔννοιαν ἡ προσθήκη μετὰ ταῦτα, ἄλλωσ τε ἢν καὶ μετὰ αἰδοῦσ καὶ σωφροσύνησ καθάπερ Αὐτόλυκοσ κέκτηταί τισ αὐτό. σεμνότητα καὶ αἱ τοιαῦται συμπλοκαὶ ποιοῦσιν, οἱο͂ν καὶ παῖδα πάνυ γε ὡραῖον καὶ πάνυ καλῶσ κιθαρίζοντά τε καὶ ὀρχούμενον·

τὸ γὰρ συμπλέκειν εἰσ τὸ αὐτὸ τὰ διάφορα τούτων ἀφαιρεῖ τὴν διαφορὰν τοῦ γένουσ. καὶ ὅπου ἂν τὰ μέλλοντα γίνεσθαι ἢ τὰ γινόμενα ὡσ ἤδη γεγονότα εἰσάγῃσ, σεμνὸν ποιεῖσ τὸν λόγον, οἱο͂ν ἐπεὶ δὲ αὐτοῖσ ἡ μὲν αὐλητρὶσ ηὔλησεν, ὁ δὲ παῖσ ἐκιθάρισε.

καὶ ὅπου δ’ ἂν σεμνὰ τὰ ὀνόματα ἐπεμβάλῃσ, μετὰ τῆσ σεμνότητοσ καὶ κάλλουσ δύναμιν ἐργάσῃ, Ζεὺσ μὲν καὶ Χείρων ἀδελφοί, πατρὸσ μὲν τοῦ αὐτοῦ, μητρὸσ δὲ ὁ μὲν Ῥέασ, ὁ δὲ Ναί̈δοσ νύμφησ.

τὸ μὲν οὖν κοινοποιῆσαι, πατρὸσ μὲν τοῦ αὐτοῦ, τό τε διαφορὰν εἰπεῖν, μητρὸσ δὲ ὁ μὲν τῆσδε, ὁ δὲ τῆσδε, μετὰ τῆσ ἀφελείασ καὶ σεμνότητα ἔχει. καὶ τὸ ἐν γένει δέ τι εἰπεῖν τοῦ κατ’ εἶδοσ σεμνότερον, οἱο͂ν ἐν γένει μή τι πάθῃ·

οὐ γάρ ἐστιν ὅμοιον κατ’ εἶδοσ εἰπεῖν, μὴ περιπαρῇ, μὴ ἀποσφαγῇ. καὶ ἐν γένει συλλαβόντα τὰ πάντα ταῦτα ἑνὶ ὀνόματι εἰπεῖν μή τι πάθῃ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Ars Rhetorica, περὶ ἀφελοῦσ λόγου., περὶ σεμνότητοσ.

(아리스티데스, 아일리오스, Ars Rhetorica, περὶ ἀφελοῦσ λόγου., περὶ σεμνότητοσ.)

상위

목록

SEARCH

MENU NAVIGATION