Aristides, Aelius, Ars Rhetorica, περὶ ἀφελοῦσ λόγου., περὶ ἀξιοπιστίασ.

(아리스티데스, 아일리오스, Ars Rhetorica, περὶ ἀφελοῦσ λόγου., περὶ ἀξιοπιστίασ.)

μέγιστον δὲ ἐν ἀφελεῖ λόγῳ τὸ ὡσ ἂν μάλιστα ἀληθινὸν δοκεῖν αὐτόν, φαίνεσθαι καὶ τοιαῦτα εἶναι τὰ λεγόμενα, ὡσ ἂν καὶ παντὶ ῥᾴδια ἐνθυμηθῆναι νομίσαι ἄν. τοῦτο δὲ μάλιστα γίνεται, ὅταν ἀπ’ αὐτοῦ τοῦ πράγματοσ τοῦ εἰσαγομένου ἔννοιαν λαμβάνῃ, οἱο͂ν ὡσ ἐν τῷ Ἀγησιλάῳ καὶ τὸ τὰ ἐκείνου βούλεσθαι δαπανῶντά φησι μᾶλλον ἢ τὰ τῶν Ἑλλήνων πολεμεῖν. ἐκ γὰρ τοῦ πραχθέντοσ ὑπὸ τοῦ Ἀγησιλάου, ἔμελλε δὲ τὸ διαβῆναι αὐτὸν εἰσ τὴν Ἀσίαν, τὴν ἔννοιαν ταύτην λαβών, δι’ ἧσ φρόνιμον αὐτὸν ἐπεδείκνυεν ὄντα, ἀληθῆ μάλιστα ἔδοξε περὶ αὐτοῦ εἰρηκέναι. ἀληθῆ δὲ ποιεῖ τὸν λόγον καὶ τὸ εἰσαγαγόντα τι ὃ κατὰ σοῦ εἶναι δοκεῖ, ὁμολογῆσαι αὐτὸ καὶ ἐᾶσαι μὴ ἀνελόντα, οἱο͂ν εἰ δέ τισ ὑμῶν ὁρῶν τοὺσ πολεμίουσ φοβεροὺσ εἶναι ὑπείληφεν, ἐμοὶ μὲν ὀρθῶσ διανοεῖσθαι δοκεῖ.

ἕνεκα γὰρ τοῦ τὰ ἄλλα ἃ διεξῄει ὁ Κῦροσ πρὸσ τοὺσ στρατιώτασ, ἀληθῆ δοκεῖν αὐτὸν εἰρηκέναι, τοῦτο οὐχ ὅπωσ ἀνεῖλεν, ἀλλὰ καὶ συγκατέθετο αὐτῷ, ὃ ἦν κατ’ αὐτοῦ. καὶ τῷ ἐν διηγήσεσιν εἰσαγαγεῖν τὰ λεγόμενα, κἂν πλαστὰ ᾖ καὶ μικρά, ἀληθῆ δοκεῖ εἶναι·

ὡσ γὰρ γεγονότα αὐτὰ λέγει. καὶ τὸ βραχέωσ δέ τι εἰπεῖν καὶ τὰ πολλὰ παραθεῖναι δυνάμεώσ ἐστιν ἀληθινῆσ, οἱο͂ν καλέσασ δέ, εἶτα τίνα;

Ἀράσπην, εἶτα ὅθεν; Μῆδον· εἶτα καὶ τὸ ἕνεκα τῆσ γνωρίσεωσ· ὃσ ἦν ἐκ παιδὸσ αὐτῷ φίλοσ· εἶτα [γνωρίσεωσ] καὶ ἄλλο, ᾧ τὴν στολὴν ἔδωκε. ταῦτα μὲν οὖν ἐξαρκεῖν δοκεῖ πρὸσ τὸ καὶ δυνάμει προάγειν τὸν λόγον;

μάλιστα δὲ ὅταν τὸ ἀληθὲσ κατὰ σοῦ λεγόμενον μὴ ὡσ ἀληθὲσ ἀποδέξῃ, ἀφελοῦσ ἀνδρόσ ἐστιν, ὡσ καὶ ὁ Σωκράτησ φησίν, αἰεὶ σὺ ἐπισκώπτεισ ἡμᾶσ. ἦθοσ μὲν οὖν πεποίηκε τὸ ὑφειμένον τῆσ γνώμησ καὶ μὴ καταλαζονεύσασθαι τῷ ἐπαίνῳ τῷ ἐκείνου, ἀλλ’ ὡσ σκώμματι αὐτῷ προσέχειν· ὃ γὰρ ἐκεῖνοσ σπουδάζων εἶπεν, οὗτοσ ὡσ σκωπτόμενοσ ἐξεδέξατο.

일치하는 문장이 없습니다.

SEARCH

MENU NAVIGATION